Մարտ, 2024
March 2024
M T W T F S S
 123
45678910
11121314151617
18192021222324
25262728293031
Yahoo-ն կվերանվանվի Altaba-յի
10/01/2017 20:28

Yahoo-ն կվերանվանվի Altaba-յի

Yahoo ամերիկյան ինտերնետ-ընկերությունն իր բիզնեսի հիմնական մասը Verizon ընկերությանը վաճառելուց հետո կվերանվանվի Altaba, տեղեկացնում Է «Արմենպրես»-ը՝ հղում անելով BBC-ին:

Նոր ընկերությունը տնօրինելու Է այն ակտիվները, որոնք իրեն կմնան ինտերնետ-բիզնեսի վաճառքից հետո, այդ թվում՝ Alibaba Group-ում եւ Yahoo Japan-ում ունեցած բաժինը: Ընդ որում գործարքի ավարտվելուց հետո կփոխվի ընկերության ղեկավարությունը:

Այն կլքեն միանգամից մի քանի թոփ-մենեջերներ, այդ թվում՝ գործադիր տնօրեն Մարիսա Մայերը: Ինչպես նշում Է Washington Post-ը, Մայերի տեղը կզբաղեցնի Էրիկ Բրանդտը, որը մինչ այդ աշխատում Էր ընկերության տնօրենների խորհրդում:

Պաշտոնապես ընկերությունը չի պարզաբանում, թե ինչու Է որպես նոր անվանում ընտրել հենց Altaba բառը: Սակայն Wall Street Journal-ը գրում Է, որ այդ բառը կազմվել Է «այլընտրանք» («ալտերնատիվ») եւ Alibaba բառերից:

Սպասվում Է, որ Verizon ընկերության կողմից Yahoo!-ի ամբողջ ինտերնետ-բիզնեսի ձեռքբերման գործարքը պաշտոնապես կձեւակերպվի այս տարվա մարտին: 

Yahoo ինտերնետ-ընկերությունը 4,83 մլրդ դոլարով ձեռք բերելու  Verizon Communications հեռահաղորդակցական ընկերության որոշման մասին հայտնի Է դարձել 2016 թվականի ամռանը: Գործարքը վերաբերում Է Yahoo-ի ինտերնետ-բիզնեսին եւ ընկերության անշարժ գույքի մի մասին: