Ինտերնետ բաժանորդների քանակը և առաջատար պրովայդերները Հայաստանում - 2015թ. IV եռամսյակ

Ինտերնետ բաժանորդների քանակը և առաջատար պրովայդերները Հայաստանում - 2015թ. IV եռամսյակ

Հայաստանի հեռահաղորդակցության ոլորտում գործող ընկերությունները հրապարակել են 2015թ.-ի IV եռամսյակի գործունեության ամփոփ հաշվետվությունները: Սույն հաշվետվությունների հիման վրա կատարած վերլուծությունների արդյունքում կփորձենք ներկայացնել Հայաստանում Ինտերնետ շուկայի հիմնական միտումները: Ցանկանում ենք նշել, որ սկսած 2016թ․ I եռամսյակից Ucom-ի և Orange-ի ցուցանիշները կմիավորվեն և կներկայացվեն Ucom-ի անվան ներքո։

Բաժանորդների թիվ

Բաժանորդների թվով առաջատարն է Beeline ընկերությունը: 2015թ.-ի չորրորդ եռամսյակի դրությամբ Beeline-ի ամրակցված լայնաշերտ ինտերնետի բաժանորդների թիվը կազմել է 147 147, ինչը 2015թ երրորդ եռամսյակի ցուցանիշից պակաս է 1 852-ով, իսկ 2014թ. չորրորդ եռամսյակի համեմատ արձանագրվել է անկում 3 209 բաժանորդով: Միևնույն ժամանակ, Beeline-ի շարժական ինտերնետի բաժանորդների քանակը (բացառությամբ հեռախոսներով օգտվողների) կազմել է 42 638, ինչը 2015թ․ երրորդ եռամսյակի ցուցանիշից ավել է 1 134-ով, իսկ 2014թ.-ի չորրորդ եռամսյակի համեմատ շարժական ինտերնետի բաժանորդների թիվը կրճատվել է 1 490-ով: Հեռախոսի միջոցով տվյալների հաղորդման ծառայություններից օգտվող բաժանորդների թիվը 2015թ.-ի չորրորդ եռամսյակում կազմել է 331 736: Այս ցուցանիշը 2015թ.-ի երրորդ եռամսյակի համեմատ նվազել է 5 315-ով, իսկ 2014թ․չորրորդ եռամսյակի համեմատ արձանագրված աճը կազմել է 16 798 բաժանորդ:

2015թ.-ի չորրորդ եռամսյակում Orange-ի շարժական լայնաշերտ ինտերնետի բաժանորդների թիվը (բացառությամբ հեռախոսով օգտվողների) կազմել է 130 962: 2015թ․ երրորդ եռամսյակի համեմատ ցուցանիշն աճել է 217-ով, իսկ 2014թ.-ի չորրորդ եռամսյակի համեմատ գրանցված աճը կազմել է 237: Միևնույն ժամանակ, հեռախոսի միջոցով տվյալների հաղորդման ծառայություններից օգտվող բաժանորդների թիվը կազմել է 277 473: Ցուցանիշն այս տարվա երրորդ եռամսյակի համանման ցուցանիշից պակաս է 7 196-ով, իսկ 2014թ.-ի չորրորդ եռամսյակի համեմատ արձանագրված աճը կազմել է 22 092:

VivaCell MTS-ի շարժական լայնաշերտ ինտերնետի բաժանորդների թիվը (բացառությամբ հեռախոսով օգտվողների) 2015թ.-ի չորրորդ եռամսյակում կազմել է 70 843: Անցյալ տարվա երրորդ եռամսյակի համեմատ ցուցանիշը նվազել է 1 626-ով, իսկ 2014թ.-ի չորրորդ եռամսյակի համեմատ անկումը կազմել է 11 914 բաժանորդ: Միևնույն ժամանակ, հեռախոսի միջոցով տվյալների հաղորդման ծառայություններից օգտվող բաժանորդների թիվն անցյալ տարվա երրորդ եռամսյակի համեմատ աճել է 21 099-ով և կազմել 1 061 110, իսկ 2014թ.-ի չորրորդ եռամսյակի համեմատ արձանագրված անկումը կազմել է 8 712:

Ucom-ի բաժանորդների թիվն անցյալ տարվա չորրորդ եռամսյակում կազմել է 75 388: 2015թ.-ի երրորդ եռամսյակի համեմատ ընկերության բաժանորդների թիվն աճել է 3 726-ով, իսկ 2014թ.-ի նույն ժամանակահատվածի համեմատ աճը կազմել է 9 786:

Rostelecom-ի բաժանորդների թիվը 2015թ.-ի չորրորդ եռամսյակի դրությամբ կազմել է 34 173: Սույն ցուցանիշն այս տարվա երրորդ եռամսյակի համանման ցուցանիշը գերազանցում է 3 012-ով, իսկ 2014թ.-ի նույն ժամանակահատվածի համեմատ ցուցանիշն աճել է 7 965-ով:

Interactive-ի բաժանորդների թիվն անցյալ տարվա չորրորդ եռամսյակի դրությամբ կազմել է 4 985, ինչը 2015թ.-ի երրորդ եռամսյակի ցուցանիշը գերազանցում է 155-ով, իսկ 2014թ.-ի չորրորդ եռամսյակի ցուցանիշը՝ 2 639-ով:

Այլ պրովայդերների բաժանորդների թիվը մեր կողմից գնահատվում է Հայաստանում ինտերնետ բաժանորդների ընդհանուր թվի 2%-ի** շրջակայքում՝ մոտ 10 330:

Այսպիսով, 2015թ.-ի վերջի դրությամբ Հայաստանում ինտերնետ բաժանորդների թիվը կազմում է մոտ 516 466, ինչը  մոտ 4.87 հազարով ավել է քան անցյալ տարվա երրորդ եռամսյակի ցուցանիշը և մոտ 0.87 հազարով ավելի, քան 2014թ.-ի չորրորդ եռամսյակում գրանցված ցուցանիշը:

Հեռահաղորդակցական ընկերությունների ունեցած մասնաբաժիններն ըստ ինտերնետ բաժանորդների քանակի հետևյալն է. 1. Beeline - 36.75% (-0.47 տոկ. կետ 2015թ. III եռ. նկատմամբ), 2. Orange - 25.36% (-0.20), 3. Ucom - 14.60% (+0.59), 4. Vivacell-MTS - 13.72% (-0.44), 5. Rostelecom - 6.62% (+0.52), 6. Interactive - 0.96% (+0.02), Այլ - 2%:

Բջջային ինտերնետ

Բջջային ինտերնետի բաժանորդների քանակը (բացառությամբ հեռախոսով օգտվողների) հետևյալն է. 1. Orange - 130 962 (+217, 2015թ. III եռ. համեմատ), 2. Vivacell-MTS - 70 843 (-1 626), 3. Beeline - 42 638 (+1 134): Վերոնշյալ տվյալները, ներկայացված ըստ մասնաբաժինների, ունեն հետևյալ տեսքը՝ 1. Orange - 53.57% (+0.15 տոկ. կետ,  2015թ. III եռ. համեմատ), 2. Vivacell-MTS - 28.98% (-0.63), 3. Beeline - 17.44% (+0.48):

Բջջային ինտերնետի (բացառությամբ հեռախոսով օգտվողների) բաժանորդների ընդհանուր քանակը 244 443 է: Անցյալ տարվա երրորդ եռամսյակի համեմատ սույն ցուցանիշը նվազել է 275-ով, իսկ 2014թ. չորրորդ եռամսյակի համեմատ անկումը կազմել է 13 167 բաժանորդ:

Բջջային հեռախոսով տվյալների փոխանակման ծառայություններից օգտվող բաժանորդների բաշխվածությունը հետևյալն է. 1. Vivacell-MTS - 1 061 110 (+21 099, 2015թ. III եռ. համեմատ), 2. Beeline - 331 736 (-5 315) , 3. Orange - 277 473 (-7 196): Վերոնշյալ տվյալները, ներկայացված ըստ մասնաբաժինների, ունեն հետևյալ տեսքը՝ 1. Vivacell-MTS - 63.53% (+0.94, 2015թ. III եռ. համեմատ), 2. Beeline - 19.86% (-0.42), 3. Orange - 16.61% (-0.52):

Բջջային հեռախոսով տվյալների փոխանակման ծառայություններից օգտվող բաժանորդների քանակը 1 670 319 է: Անցյալ տարվա երրորդ եռամսյակի համեմատ սույն ցուցանիշն աճել է 8588-ով, իսկ 2014թ. չորրորդ եռամսյակի համեմատ արձանագրված աճը կազմել է 47 602 բաժանորդ:

Բաժանորդների ակտիվություն

«Բաժանորդների ակտիվության» ցուցանիշները ստանալու համար վերցվել են հեռահաղորդակցական ընկերությունների կողմից հրապարակվող «Մեկ բաժանորդին ընկնող միջին ամսական տրաֆիկ (MOaU, MbOU)» ցուցանիշները, բազմապատկվել բաժանորդների քանակի վրա և բաժանվել ըստ մասնաբաժինների: «Բաժանորդների ակտիվության» ցուցանիշներն ըստ էության այն ցուցանիշներն են, որոնք անցած մի քանի տարիների ընթացքում ներկայացվում էին «Բիզնես 24»-ի և «Circle.am»-ի կողմից հրապարակվող «Ինտերնետը Հայաստանում» զեկույցներում:

Այսպիսով, «Բաժանորդների ակտիվության» ցուցանիշների համաձայն պատկերը հետևյալն է. 1. Beeline - 40.07% (+1.23 տոկ. կետ, 2015թ. III եռ. համեմատ), 2. Ucom - 26.09% (-0.21), 3. Orange - 11.95% (-2.07), 4. Rostelecom - 14.29% (+0.77), 5. Vivacell-MTS - 4.85% (+0.23), 6. Interactive - 0.75 (+0.05), 7. Այլ - 2%:

Մասնաբաժին շուկայում՝ ըստ հասույթի

Հեռահաղորդակցական ընկերությունների բաժանորդներից ստացված հասույթի մասնաբաժինները ստանալու համար վերցվել են հրապարակված «Ծառայությունների վաճառքից մեկ ակտիվ բաժանորդին ընկնող միջին ամսական հասույթ (ARPU)» ցուցանիշները, բազմապատկվել բաժանորդների քանակի վրա և բաժանվել ըստ մասնաբաժինների:

Այսպիսով, «Բաժանորդներից ստացված հասույթի» ցուցանիշների համաձայն պատկերը հետևյալն է. 1. Beeline - 30.57% (-0.52 տոկ. կետ, 2015թ. III եռ. համեմատ), 2. Ucom - 27.38% (+1.11), 3. Orange - 17.96% (-1.19), 4. Vivacell-MTS - 8.45% (-0.40), 5. Rostelecom - 11.14% (+0.98), 6. Interactive - 2.50% (+0.02), 7. Այլ - 2%:

Կարճ հասցե: geek.am/u/5266.html

Latest News

1 2 3 4 5 >
Ամբողջը` 2689 : Ցուցադրված է` 1 - 15 :

Tech

image

Beeline Ստարտափ Ինկուբատորի 4 ռեզիդենտ մրցանակ է ստացել Սևան Ստարտափ Սամմիթ 2018-ին

Beeline Ստարտափ Ինկուբատորի  8 ռեզիդենտ ստարտափներից 5-ը մասնակցել են Սևան Ստարտափ Սամմիթ 2018-ին, և 4-ը՝ վերադարձել են մրցանակներով։ Վրանային ճամբարի ձևաչափով սամմիթն անցկացվեց հուլիսի 22-ից 29-ը ...

Code

image

Ինտերնետում հասանելի կայքերի 30%-ի հիմքում Wordpress-ն է

Համացանցային միտումների վերլուծությամբ զբաղվող W3Techs ընկերության հրապարակված տվյալների համաձայն 2018թ. փետրվարի սկզբի դրությամբ համացանցում հասանելի կայքերի 30%-ի հիմքում Wordpress-ն է։ Նշվում է. որ 2015թ. նոյեմբերին ...

Web

image

Հաքերային հարձակման ենթարկված ՀՀ ԱԺ կայքի թերությունները վերացվել են

Ադրբեջանական հաքերների կողմից հունվարի 26-ին ՀՀ ԱԺ պաշտոնական կայքը ենթարկվել է հարձակման։ «Արմենպրես»-ի հաղորդմամբ՝ այս մասին ֆեյսբուքյան  գրառման միջոցով հայտնել է ԱԺ աշխատակազմի ղեկավարի տեղակալ Արսեն ...

Mobile

image

Ucom-ն իջեցրել է Samsung J և S դասի սմարթֆոնների ողջ տեսականու գները

Ucom-ը շարունակում է ամառային գնիջեցման ֆանտաստիկ երթը։ Այս անգամ կտրուկ իջել են Samsung ապրանքանիշի J և S դասի սմարթֆոնների ողջ տեսականու գները, ընդ որում նաև ...

Business

image

Beeline. Հաճախորդի օր` ընկերության ղեկավար կազմն աշխատում է սպասարկման գրասենյակներում

Beeline-ում այսօր հայտարարված է Հաճախորդի օր, որի շրջանակում ընկերության ղեկավար կազմը, ինչպես նաև տարբեր բաժինների աշխատակիցներ՝ ավելի քան 110 հոգի օրվա ընթացքում շփվելու և աշխատելու ...

Various

image

Beeline. մեկնարկում է ստարտափների աջակցությանը ուղղված ՍտարտՀաբ նախագիծը

Beeline-ը և Տեխնոլոգիական Զարգացման Կենտրոն հիմնադրամը հայտարարում են հայկական ստարտափների տեղեկատվական աջակցության ՍտարտՀաբ նախագծի Օֆլայն՝ հարթակի մեկնարկի մասին։ ՍտարտՀաբ Օֆլայնը միջոցառումների շարք է, որի ընթացքում ...

Bloggers

Վահագն Օհանջանյան
Newsmaker Geek
Samvel Chakhalyan
Beeline Armenia
Ինտերակտիվ
Ucom
Vivacell-MTS