Մարտ, 2024
March 2024
M T W T F S S
 123
45678910
11121314151617
18192021222324
25262728293031
Beeline. Սմարթֆոնների վաճառքի նոր ռեկորդ
20/05/2015 11:49

Beeline. Սմարթֆոնների վաճառքի նոր ռեկորդ

Beeline-ը Հայաստանում սմարթֆոնների վաճառքի նոր ռեկորդ է սահմանել: Ապրիլի սկզբին մեկնարկեց Beeline Smart սմարթֆոնների վաճառքի երկրորդ փուլը: Միայն Հյուսիսային պողոտայում գտնվող վաճառքի և սպասարկման գրասենյակում վաճառքների մեկնարկի առաջին րոպեներին իրացվել է հարյուր Beeline Smart սմարթֆոն: Ընդհանուր առմամբ մեկ ամսվա ընթացքում Beeline-ը վաճառել է մոտ 4000 բրենդային սմարթֆոն:

«Նախորդ տարվա դեկտեմբերին Beeline Smart-ը 3712 վաճառված հեռախոսով և մոտակա մրցակցից երկու անգամ մեծ առավելությամբ Հայաստանում ամենաշատը վաճառված սմարթոֆոնների թվով զբաղեցրեց առաջին հորիզոնականը: Ընդամենը չորս ամիս անց մենք սահմանեցինք նոր ռեկորդ, ինչը միանշանակ խոսում է հեռախոսների վաճառքի շուկայում մեր ճիշտ դիրքավորման մասին և ցույց տալիս, որ Beeline-ի սպասարկումը, սարքավորումները, պարզ և հարմար ծառայությունները գոհացնում են հաճախորդներին», – նշեց Հայաստանում Beeline-ի Գլխավոր տնօրեն Անդրեյ Պյատախինը: 

«Մատչելի պայմաններով սմարթֆոնների և պլանշետների առաջարկն ընկերության ռազմավարության մի մասն է` ուղղված տվյալների փոխանցումից ստացված եկամտի աճին: Մենք շնորհակալ ենք Հայաստանի մեր բաժանորդներին բարձր գնահատականի և Beeline-ն ընտրելու համար: Ավելին, մենք կշարունակենք ընդլայնել սմարթֆոնների և պլանշետների տեսականին՝ առաջարկելով գնի և որակի լավագույն համադրությունը շուկայում», – նշեց «ՎիմպելԿոմ» ընկերությունների խմբի բջջային սարքավորումների ուղղության ղեկավար Անդրեյ Չուկաևը:

Նշենք, որ Beeline Smart սմարթֆոնը վաճառվում էր «Սմարթֆոն + 2 ամիս ինտերնետ առանց հետագա պարտավորությունների» հատուկ առաջարկի շրջանակում: Առաջարկը բաժանորդներին հնարավորություն էր տալիս ձեռք բերել սմարթֆոն և ստանալ մինչև 512 Կբ/վ արագությամբ անսահմանափակ Beeline Premium ինտերնետ 2 ամիս ժամկետով ընդամենը 33 900 դրամով։  

Հիշեցնենք, որ «ԱրմենՏել» ՓԲԸ-ն (Beeline ապրանքանիշ) հանդիսանում է «ՎիմպելԿոմ» ընկերությունների խմբի մի մասը: «ՎիմպելԿոմ»-ը հանդիսանում է աշխարհի խոշորագույն ինտեգրված օպերատորներից մեկը, որը գործում է աշխարհի 14 երկրում, իսկ գլխամասային գրասենյակը գտնվում է Ամստերդամում: Ընկերությունների խումբն ընդգրկում է մի շարք հեռահաղորդակցության ընկերություններ, որոնք մատուցում են ինչպես անլար և ամրակցված կապի տեխնոլոգիաների լայն շրջանակի վրա հիմնված ձայնային կապի ու տվյալների հաղորդման, այնպես էլ լայնաշերտ ինտերնետ հասանելիության ծառայություններ Ռուսաստանում, Ուկրաինայում, Ղազախստանում, Ուզբեկստանում, Տաջիկստանում, Հայաստանում, Վրաստանում, Ղրղզստանում, Լաոսում, Ալժիրում, Բանգլադեշում, Պակիստանում, Զիմբաբվեում, Իտալիայում: «ՎիմպելԿոմ»-ը ծառայություններ է մատուցում ամբողջ աշխարհում` շուրջ 739 մլն. ընդհանուր բնակչությամբ տարածքներում: «ՎիմպելԿոմ» խմբի ընկերությունները ծառայություններ են մատուցում «Beeline», «Киевстар», «Wind», «Infostrada», «Mobilink», «Banglalink», «Telecel» և «Djezzy» ապրանքանիշերի ներքո: 2014թ. դեկտեմբերի 31-ի դրությամբ ընկերության բաժանորդների թիվը կազմում էր 222 միլիոն: “ՎիմպելԿոմ”-ի բաժնետոմսերը շրջանառվում են NASDAQ բորսայում VIP նշումով: Մանրամասներին կարելի է ծանոթանալ www.vimpelcom.com կայքում: