Ինչպես հաղորդում է b24.am կայքը, Ասիայի խոշորագույն համացանցային ընկերությունը համարվող Alibaba-ն 590 մլն դոլարով մտադիր է ձեռք բերել սմարթֆոններ արտադրող չինական Meizu ընկերության բաժնետոմսերի փոքրամասնական փաթեթը: Այս գործարքով էլեկտրոնային առևտրով զբաղվող չինական Alibaba-ն ծրագրում է ընդլայնել իր YunOS օպերացիոն համակարգը` նվաճելով չինական միլիոնավոր հեռախոսների օգտատերերի:

Canalys հետազոտական ընկերության տվյալներով` Meizu-ն ներառված չէ Չինաստանում սմարթֆոն արտադրող խոշորագույն ընկերությունների հնգյակում: Ենթադրվում է, որ Alibaba-ն նախատեսում է YunOS օպերացիոն համակարգի հաշվին ընդլայնել իր բիզնեսը համացանցում` սմարթֆոնի 557 մլն օգտատերերի լսարանը գրավելու միջոցով: