Categories: Business

Դեկտեմբերի 10-16-ը Հնդկաստանում կացկացվի SSSholidays-ը

Դեկտեմբերի 10-16 Սևան Ստարտափ Սամմիթի կազմակերպիչների նախաձեռնությամբ Հնդկաստանի Գոա մարզում անցկացվելու է SSSholidays միջոցառումը։

SSSholidays-ը Seaside Startup Summit-ի նոր ձևաչափերից մեկն է, որը առաջին անգամ հաջողությամբ անցկացվել է ԱՄԷ-ում` 2021թվականի դեկտեմբերին: Այս տարի միջոցառումը կանցկացվի Հնդկաստանում` Գոա մարզում: SSSholidays Goa-ն տարվա սպասված իրադարձություններից մեկն է Հայաստանի, Հնդկաստանի և Արևելյան Եվրոպայի երկրների  ստարտափ և բիզնես էկոհամակարգերի  ներկայացուցիչների համար: Այն կանցկացվի Գոայում գտնվող բարձրակարգ հյուրանոցներից մեկում՝ ամենագեղեցիկ վայրի բնության մեջ՝ մեկ հարկի տակ հավաքելով շուրջ 500 ձեռներեցների կամ ձեռներեցությամբ հետաքրքրվող անձանց։

Միջոցառման օրակարգը բաղկացած է լինելու և՛ կրթական և՛ ժամանցային բաժիններից։ Լինելու է հատուկ մշակված կրթական ծրագիր, որը ներառելու է պանելային քննարկումներ, մենթորություն, խարույկի շուրջ բանախոսություններ և քննարկումներ։ Ստարտափ թիմերը միջոցառման վերջում մասնակցելու են մրցույթների՝ ստանալով մրցանակներ և ներդրումային առաջարկություններ TripleS-ից և ներգրավված այլ վենչուրային ֆոնդերից։

Մասնակցության ձևաչափերը նախատեսված են ստարտափների, կազմակերպությունների և անհատների համար: Հայտերը ընդունվում են Seaside Startup Summit-ի պաշտոնական կայքէջում մինչև հոկտեմբերի 31-ը։

Ինչպես նշում են կազմակերպիչները՝ միջոցառման գլխավոր նպատակը նեթվորքինգն է։ Նրանք խոստանում են անել ամեն ինչ մասնակիցների հանգիստը հաճելի և օգտակար դարձնելու համար։

Հիշեցնենք, որ բոլորին հայտնի Սիսայդ Ստարտափ Սամմիթ նախագիծը Ստարտափ Արմենիա հիմնադրամի կողմից սկսել է իրականացվել դեռևս 2016թ.-ից:

2016-2021 թվականներին Հայաստանում և արտերկրում անցկացված 7 բիզնես ֆորումներին մասնակցել են ավելի քան 1000 ստարտափ ընկերություններ, բանախոսներ, մենթորներ և ներդրողներ ավելի քան 50 երկրից։

Միջոցառման շրջանակներում մինչ օրս իրականացրած ներդրումները գերազանցում են 4 մլն դոլլարը։

Recent Posts

Երևանում կանցկացվի Silicon Mountains միջազգային տեխնոլոգիական գագաթնաժողովը

Վաղը Երևանում կանցկացվի SILICON MOUNTAINS 2022 միջազգային տեխնոլոգիական գագաթնաժողովը՝ նվիրված տնտեսությունում թվային լուծումների կիրառմանը: Միջողառման կազմակերպիչը Տեղեկատվական և հաղորդակցության տեխնոլոգիաների…

29 mins ago

SAP Startup Factory-ի առաջին և երկրորդ շրջափուլերի շրջանակներում  16 թիմ մասնակցել է աքսելերացիոն ծրագրին

SAP Startup Factory ծրագրի առաջին և երկրորդ շրջափուլերի շրջանակներում 16 B2B թիմ մասնակցեց 16-շաբաթյա աքսելերացիոն ակտիվություններին։ Ծրագրի ավարտին  թիմերը նաև հնարավորություն…

1 hour ago

Կասպերսկի. Phishing now pay later. չարագործներն ակտիվորեն կեղծում են գնումների համար մաս-մաս վճարելու ծառայությունները

«Կասպերսկի» ընկերության փորձագետները 2022-ին հայտնաբերել են բազմաթիվ ֆիշինգային էջեր, որոնք նմանակում են Buy Now, Pay Later (բառացիորեն ՝ Գնիր հիմա,…

2 days ago

Տեղի ունեցավ ԱՏՁՄ արտահերթ համաժողովը

Դեկտեմբերի 2-ին տեղի ունեցավ Առաջատար տեխնոլոգիաների ձեռնարկությունների միության (ԱՏՁՄ) արտահերթ համաժողովը: Համաժողովի ընթացքում քննարկվեցին ԱՏՁՄ անդամների կողմից առաջադրված մի շարք…

3 days ago

BANA Angels-ի նախաձեռնությամբ ՄՌԿ մասնագետները կքննարկեն թիմեր հավաքագրելու և զարգացնելու մարտահրավերները

Սույն թվականի դեկտեմբերի 8-ին, Formula Hub կենտրոնում տեղի կունենա «Ինչպես ստեղծել, հավագագրել և ընդլայնել աճի ռազմավարություն որդեգրած թիմ» խորագիրը կրող…

3 days ago

ՏՏ ոլորտին կտրամադրվի օգնություն 4 ամսվա եկամտահարկի 55-100% չափով

Կառավարությունը հաստատեց տեղեկատվական տեխնոլոգիաների ոլորտում գործունեություն իրականացնող առևտրային կազմակերպություններին և անհատ ձեռնարկատերերին պետական աջակցության տրամադրման կարգը: Որոշման նախագծի ընդունման անհրաժեշտությունը…

1 week ago