Categories: Business

Հայկական CoinStats ստարտափը $3.2 միլիոն ներդրում է ներգրավել

CoinStats-ը 2017 թվականին հիմնադրված կրիպտո ներդրումների կառավարման հավելված է։ Հայկական ստարտափը ներգրավել է $3․2 միլիոն ոլորտի մի շարք հանրահայտ ներդրողներից։ Միջոցները կուղղվեն ապակենտրոնացված ֆինանսների (DeFi-ի) համակարգում ընկերության գործունեության ընդլայնմանն ու DeFi-ը հավելվածի 1.2 միլիոն ակտիվ օգտատերերի համար հասանելի դարձնելուն։

Գլխավոր ներդրողն է Ալեքս Փեքը՝ Hack VC վենչուրային ֆոնդից։ Ներդրողների շարքում է նաև 6th Man Ventures-ի հիմնադիր Մայք Դուդասը: Ստացած ֆինանսավորումը կարևոր նշանակություն ունի CoinStats-ի զարգացման և առաջմղման արագացման համար:

2021 թվականին հայկական CoinStats ընկերության օգտատերերի քանակն աճեց 8 անգամ՝ հասնելով ամսական 1․2 միլիոն ակտիվ օգտատերերի։ Ներկայում հավելվածով կառավարվում են այդ օգտատերերի 500 միլիարդ դոլարին համարժեք կրիպտո ներդրումները: Օգտատերերի աճող քանակի արդյունքում CoinStats-ը 6 անգամ ավելացրեց իր 2021 թվականի եկամուտը և 2022-ին ձեռնամուխ եղավ DeFi-ի ոլորտում նոր գործիքների ստեղծմանը:

Ապակենտրոնացված ֆինանսները բլոքչեյնի վրա աշխատող ֆինանսական ծառայությունների խումբ է, որը թույլ է տալիս ֆինանսական օպերացիաներ կատարել առանց միջնորդի՝ ապահով, վստահելի ու բոլորին հասանելի կերպով։

CoinStats հավելվածի նորամուծությունները թույլ կտան օգտատերերին իրենց կրիպտո ներդրումներից եկամուտ ստանալ։ Այս գործառույթը ավանդական ֆինանսական կառույցներում գործող ավանդների կրիպտո համարժեքն է։

«Այս ներդրման շնորհիվ մենք կարագացնենք մեր ստարտափի աճն ու զարգացումը՝ ստեղծելով էլ ավելի լավ ֆինանսական գործիքներ մեր օգտատերերի համար», – ասաց CoinStats-ի հիմնադիր տնօրեն Նարեկ Գևորգյանը։ «Անչափ կարևորում եմ մեր ներդրողների աջակցությունը, նրանց հավատը CoinStats-ի տեսլականին մեզ մղում է դեպի նոր նվաճումներ»:

«Հպարտ ենք աջակցել CoinStats-ին՝ կրիպտո պորտֆելի կառավարման ամենամեծ հավելվածին աշխարհում», – մեկնաբանել է Ալեքս Փեքը՝ Hack VC-ի հիմնադիրը:

2017 թվականին հիմնադրված CoinStats-ը կրիպտո ներդրումային պորտֆելի կառավարման անվճար հավելված և DeFi դրամապանակ է, որի շնորհիվ ամեն ամիս 1․2 միլիոն ակտիվ օգտատերեր իրական ժամանակում հետևում են իրենց կրիպտո, DeFi և NFT ակտիվներին։ Օգտատերերը կարող են հավելվածին կցել ավելի քան 300 բորսաներ ու դրամապանակներ և կառավարել իրենց ներդրումները մեկ տեղից: Այս պահին հավելվածի միջոցով կառավարվում է ավելի քան 500 միլիարդ դոլար արժողությամբ կրիպտո։ CoinStats-ի նպատակն է դառնալ միասնական հարթակ, որի միջոցով հնարավոր կլինի լիարժեք ուսումնասիրել կրիպտո և DeFi-ի անվերջ զարգացող աշխարհը:

 

Recent Posts

Activeloop-ը 11 միլիոն դոլարի ներդրում է ներգրավել

Հայկական Activeloop ստարտափը11 միլիոն դոլար է ֆինանսավորում է ապահովել Series A ռաունդում։ Դավիթ Բունիաթյանի հիմնադրած ստարտափն առաջարկում է հատուկ տվյալների…

24 hours ago

Hoory AI-ը Product Hunt-ում է

Hoory AI-ը Product Hunt-ում է։ Հայկական ստարտափի օգտին կարող եք քվեարկել այստեղ: Ձեր աջակցությունն ու մասնակցությունը շատ կարևոր են մեզ…

24 hours ago

Հայերի հիմնադրած Cognaize-ն արհեստական բանականության գերազանցության մրցանակիր է դարձել

Հայ հիմնադիրներ ունեցող Cognaize ընկերությունը Business Intelligence Group-ի կողմից արժանացել է արհեստական բանականության գերազանցության 2024-ի մրցանակի: Cognize-ը փաստաթղթերի կառավարման ավտոմատացման…

1 week ago

Կասպերսկի. Աշխարհում վնասաբեր փոստային առաքումների քանակը նվազել է, ֆիշինգային գրոհներինը՝ ավելացել

Գլոբալ փոստային տրաֆիկում սպամի միջին մասնաբաժինը 2023-ին նախորդ հաշվետու ժամանակաշրջանի համեմատ նվազել է 3,03 տ.կ.-ով և կազմել 45,60%: 2022-ին ամբողջ աշխարհում…

1 week ago

Team Telecom Armenia-ի ինտերնետը հասանելի է մետրոյում

Team Telecom Armenia-ն շարունակում է իրականացնել իր ռազմավարական ծրագրերը` կապի ամենաժամանակակից ծառայությունները հասանելի դարձնելով ամենուր՝ բոլոր բաժանորդներին։ Երևանի մետրոյում, որտեղ…

1 week ago

Կմեկնարկի Webflow-ի դասընթաց՝ աշխատանքի հնարավորությամբ

Հետաքրքրվա՞ծ եք Webflow ծրագրով կամ ցանկանում եք իմանալ, թե դա ինչ է, ուրեմն բաց մի թողեք Webflow դասընթացի տեղեկատվական օրը,…

1 week ago