Categories: Business

Հայկական BeeGraphy հարթակը հրավիրում է 3D մոդելավորողներին փորձարկել աշխարհում առաջին օնլայն 3D պարամետրիկ խմբագրիչը

Հայկական BeeGraphy ընկերությունը գործարկում է աշխարհում առաջին օնլայն հարթակը, որտեղ օգտատերերը կարող են գնել կամ ստեղծել 2D & 3D պարամետրիկ մոդելներ։

BeeGraphy հարթակը նախատեսված է ինչպես 2D և 3D մոդելավորողների համար, այնպես էլ այն անձանց ու ընկերությունների, որոնք շահագործում են համակարգչաթվային լազերային տպագրության սարքավորումներ (CNC machine) և եռաչափ տպիչներ։ Հարթակի ծառայություններից կարող են օգտվել նաև տարաբնույթ պարագաների և աքսեսուարների արտադրությամբ զբաղվող ընկերությունները, որոնց համար կգործի BeeGraphy-ի 2D/3D պարամետրիկ մոդելների խանութը։

BeeGraphy-ի առանցքային արտադրանքը պարամետրիկ մոդելավորման օնլայն գործիքակազմն է՝ BeeGraphy Editor-ը, որի գործարկումը աննախադեպ իրադարձություն է համարվում 2D և 3D մոդելավորման և նախագծման ինդուստրիայում։

Աշխարհում առաջին օնլայն պարամետրիկ մոդելավորման ծրագիրը

BeeGraphy ընկերությունը ստեղծել է 2D/3D պարամետրիկ մոդելավորման օնլայն խմբագրիչ, որի անալոգը աշխարհում դեռևս գոյություն չունի։ BeeGraphy-ի առցանց պարամետրիկ մոդելավորման հարթակը գալիս է լրացնելու մոդելավորման համաշխարհային ինդուստրիայում արդեն մի քանի տարի շարունակ նկատվող հսկայական պահանջարկը, այն է՝ ամպային սերվերների և համաշխարհային ցանցի տված հնարավորություններն օգտագործել պարամետրիկ 2D և 3D մոդելներ մշակելու և համօգտագործելու համար։

BeeGraphy-ի մոդելավորման ծրագրակազմում օգտագործվում են NURBS-ի վրա հիմնված մաթեմատիկական մոդելավորման ալգորիթմներ, ինչի արդյունքում մոդելների ճշգրտությունը հասնում է առավելագույնի։

Այս պահին BeeGraphy Editor մոդելավորման ծրագիրը գտնվում է վերջնական լրամշակումների փուլում (V1.0)։ Ծրագրակազմի առաջին հիմնական թողարկումը նախատեսվում է 2022 թ․ փետրվարի 27-ին։

BeeGraphy-ն հրավիրում է մոդելավորողներին փորձարկել օնլայն ծրագրակազմի գործիքներն ու հնարավորությունները՝ ստանալով խմբագրիչն օգտագործելու բացառիկ և անվճար հնարավորություն մինչև 2022 թ մայիսի 1-ը։ Մոդելավորողների և նախագծողների դիտարկումներն ու կարծիքները կօժանդակեն գործիքաշարերն ու հնարավորություններն ավելի հարստացնելու և օգտակար դարձնելու համար։

BeeGraphy Editor օնլայն մոդելավորման ծրագիրը հասանելի է այս հղումով՝ https://app.beegraphy.com

Ինչ հնարավորություններ է տալիս BeeGraphy Editor-ը

  • Պարամերտիկ եռաչափ մոդելավորման օնլայն խմբագրիչ (որը միակն է օնլայն ռեժիմում)։
  • Նախագծողների և դիզայներների թիմերի միջև համագործակցություն իրական ժամանակում (Real-time collaboration)։
  • Հաճախորդ-դիզայներ-արտադրող աշխատանքային հաղորդակցության բարելավում և գործընթացի արագության և արդյունավետության բարձրացում:
  • API, որը հնարավորություն է տալիս ինտեգրել BeeGraphy-ի մոդելները և NURBS համակարգը այլ օնլայն հարթակներում և ուսումնական հաստատություններում։
  • Ամպային սերվերներում մեծ ծավալով պարամետրիկ 3D և 2D մոդելներ պահելու և խմբագրելու հնարավորություն, որը տալիս է միայն Beegraphy-ն։
  • Պարամետրիկ մոդելի եռաչափ տեսք (3D view), ինչի շնորհիվ նախագծողները/մոդելավորողները կարող են տեսնել մշակվող մոդելի տեսքը եռաչափ տարածության մեջ, ինչպես նաև ցուցադրել այն գործընկերներին և պատվիրատուներին: Այս գործառույթը բազմաթիվ մոդելավորողների կօգնի խուսափել հավելյալ ծառայություններից և թույլ կտա խնայել գումար։

Առաջիկայում, BeeGraphy Editor-ի ամբողջական գործարկման հետ զուգահեռ, հարթակում գրանցված նախագծող օգտատերերը կկարողանան իրենց ստեղծած պարամետրիկ եռաչափ մոդելները ներկայացնել վաճառքի անմիջապես BeeGraphy Shop-ում՝ստեղծելով եկամտի նոր աղբյուր։

BeeGraphy ընկերության թարմացումներին և մասնագիտական հոդվածներին կարող եք ծանոթանալ ընկերության բլոգում այստեղ։

Recent Posts

Հայկական CodeSignal ընկերությունը արժանացել է բարձրագույն մրցանակի

Հայկական CodeSignal ընկերությունը արժանացել է բարձրագույն մրցանակի բիզնես տեխնոլոգիաների ռեյթինգներ կազմող TrustRadius ընկերության կողմից «CodeSignal-ը TrustRadius-ից ստացել է «Top Rated»…

2 weeks ago

Վլադիմիր Եղիազարյանի անվան ծրագրավորման հայաստանյան բաց մրցույթն ընդունում է մասնակցության հայտեր

Մայիսի 22-ին, Հայ-Ռուսական (Սլավոնական) համալսարանում տեղի կունենա Վլադիմիր Եղիազարյանի անվան ծրագրավորման հայաստանյան բաց  մրցույթը։ Կազմակերպիչներներն են Հայ-ռուսական (սլավոնական) համալսարանը (RAU),…

3 weeks ago

ԵՊՀ-ում տեղի ունեցավ ծրագրավորման միջազգային թիմային ICPC մրցույթի Հյուսիսային Եվրասիայի տարածաշրջանային եզրափակիչ փուլի բացման արարողությունը

Ծրագրավորման միջազգային թիմային ICPC (International Collegiate Programming Contest in Armenia, «ԱյՍիՓիՍի») մրցույթի՝ Հյուսիսային Եվրասիայի տարածաշրջանային եզրափակիչ փուլը կանցկացվի 2022 թ.-ի…

1 month ago

Հայկական CoinStats ստարտափը $3.2 միլիոն ներդրում է ներգրավել

CoinStats-ը 2017 թվականին հիմնադրված կրիպտո ներդրումների կառավարման հավելված է։ Հայկական ստարտափը ներգրավել է $3․2 միլիոն ոլորտի մի շարք հանրահայտ ներդրողներից։…

1 month ago

CodeSignal-ը Հայաստանում անցկացվող ICPC Ծրագրավորման միջազգային մրցույթի գլխավոր գործընկերն է

Ծրագրավորման միջազգային թիմային ICPC (International Competitive Programming Contest in Armenia, «ԱյՍիՓիՍի») մրցույթի՝ Հյուսիսային Եվրասիայի տարածաշրջանային եզրափակիչ փուլը կանցկացվի 2022 թ.-ի…

1 month ago

Հայաստանի ապագան գիտության միջոցով վերափոխելու շարժումը միավորել է տարբեր անհատների ու կազմակերպությունների

Հայաստանն արժանացել է գիտության և նորարարության առաջընթացն աջակցող անհատների ու կազմակերպությունների ուշադրությանը: Հայաստանցիներն ու սփյուռքահայերը, ինչպես նաև օտարերկրյա հաջողակ ընկերություններն…

2 months ago