«Ստարտափ Արմենիա» գիտակրթական հիմնադրամը, Հայաստանի Ամերիկյան Համալսարանի (ՀԱՀ) Ձեռներեցության և Նորարարական Տեխնոլոգիաների Կենտրոնի (EPIC) հետ համագործակցության շրջանանակներում, հայտարարում է «Startup School»-ի նորարարական կրթական ծրագրի ամփոփման մասին։ Այս առիթով հիմնադրամը ձեռնամուխ է եղել կազմակերպելու «Startup School Demo Day Winter 2021» միջոցառումը, որի ընթացքում 7 ստարտափներ կներկայացնեն իրենց նորարարական գաղափարները։
«Demo Day Winter 2021»-ը կանցկացվի մրցակցային ձևաչափով, որը ենթադրում է մասնակից ստարտափների կողմից փիչերի(pitch) ներկայացում, կարճատև հարց ու պատասխան, պանելային քննարկում ու know-how, նեթվորքինգի հնարավորություններ, ինչպես նաև մրցանակների հանձնման արարողություն։
Այս առիթով «Ստարտափ Արմենիա» հիմնադրամի գլխավոր տնօրեն Արսեն Հարությունյանը նշել է․ «Հիմնադրամի նպատակներից մեկն է կրթել հայ պատանի ձեռներեցների նոր սերունդ՝ տրամադրելով պատանիներին համապարփակ ձեռներեցական գիտելիքներ։ «Demo Day Winter 2021»-ի ժամանակ երիտասարդ ձեռներեցները կներկայացնեն իրենց գաղափարները, ինչպես նաև կծանոթանան և կհամագործակցեն իրենց նախընտրած ոլորտի մասնագետների հետ»։
ՀԱՀ Ձեռներեցության և Նորարարական Տեխնոլոգիաների Կենտրոնի (EPIC) փոխտնօրեն Նժդեհ Հովհաննիսյանը նկատել է․ «Ձեռներեցության՝ որպես գաղափարական մոտեցման ուսուցումն առանցքային կարևորություն է ձեռք բերել ներկայիս աշխարհում։ Startup School-ը նախապատրաստում է երիտասարդ ձեռներեցներին մուտք գործելու ձեռներեցական ոլորտ, ստանալու արժեքավոր փորձառություն և ձևավորելու ճկուն մտածելակերպ»։
«Startup School Demo Day Winter 2021» միջոցառումը տեղի կունենա 2021 թվ․ դեկտեմբերի 19-ին՝ ժամը 13։00-ին, Հայաստանի ամերիկյան համալսարանի Մանուկեան դահլիճում։ Այն հյուրընկալելու է շուրջ 120 հյուրի, այդ թվում՝ ներդրողների, ստարտափ էկոհամակարգի և տարբեր կազմակերպությունների ներկայացուցիչների, ծնողների, ապագա մասնակիցների։
Միջոցառման մանրամասներին ծանոթանալու համար այցելե՛ք հետևյալ հղմամբ՝ bit.ly/3DYzWMO
«Ստարտափ Արմենիա» գիտակրթական հիմնադրամի առանցքային նպատակն է խթանել Հայաստանում նորարարական, տեխնոլոգիական և ինքնաբավ ստարտափ էկոհամակարգի
զարգացումը։ Այս առաքելությունը կյանքի կոչելու համար հիմնադրամն իրականացնում է տարաբնույթ կրթական ծրագրեր, ինչպես նաև կազմակերպում պարբերական միջոցառումներ, որոնց ընթացքում ստարտափները հնարավորություն են ստանում ներկայացնել իրենց ծրագրերը, աջակցություն ստանալ և ինտեգրվել տեղական և միջազգային ստարտափ համակարգ։
Հայաստանի ամերիկյան համալսարանի (ՀԱՀ) ձեռներեցության և նորարարական տեխնոլոգիաների կենտրոնը (EPIC) ստարտափ ինկուբացիոն ծրագիր է, որն օգնում է բացահայտել նոր բիզնես գաղափարներ ունեցող ուսանողներին՝ տրամադրելով նրանց բազմակողմանի աջակցություն իրենց ստարտափները հիմնելու և դրանք զարգացնելու համար:
Հայկական Activeloop ստարտափը11 միլիոն դոլար է ֆինանսավորում է ապահովել Series A ռաունդում։ Դավիթ Բունիաթյանի հիմնադրած ստարտափն առաջարկում է հատուկ տվյալների…
Hoory AI-ը Product Hunt-ում է։ Հայկական ստարտափի օգտին կարող եք քվեարկել այստեղ: Ձեր աջակցությունն ու մասնակցությունը շատ կարևոր են մեզ…
Հայ հիմնադիրներ ունեցող Cognaize ընկերությունը Business Intelligence Group-ի կողմից արժանացել է արհեստական բանականության գերազանցության 2024-ի մրցանակի: Cognize-ը փաստաթղթերի կառավարման ավտոմատացման…
Գլոբալ փոստային տրաֆիկում սպամի միջին մասնաբաժինը 2023-ին նախորդ հաշվետու ժամանակաշրջանի համեմատ նվազել է 3,03 տ.կ.-ով և կազմել 45,60%: 2022-ին ամբողջ աշխարհում…
Team Telecom Armenia-ն շարունակում է իրականացնել իր ռազմավարական ծրագրերը` կապի ամենաժամանակակից ծառայությունները հասանելի դարձնելով ամենուր՝ բոլոր բաժանորդներին։ Երևանի մետրոյում, որտեղ…
Հետաքրքրվա՞ծ եք Webflow ծրագրով կամ ցանկանում եք իմանալ, թե դա ինչ է, ուրեմն բաց մի թողեք Webflow դասընթացի տեղեկատվական օրը,…