Categories: Business

PicsArt-ը գնել է D’efekt ընկերությունն ու շարժումների վրա հիմնված վիդեո էֆեկտների հավելվածը

PicsArt վիզուալ ստեղծագործման աշխարհի ամենախոշոր պլատֆորմը հայտնել է D’efekt ընկերության և վիդեո էֆեկտների հավելվածի ձեռքբերման մասին:  Այս ստարտափը բազմիցս ներկայացվել է որպես Apple-ի «Օրվա հավելված» և առաջարկում է շարժման վրա հիմնված վիդեո էֆեկտներ:  D’efekt-ի երեք համահիմնադիրները կշարունակեն զարգացնել հավելվածը՝ PicsArt-ի ռեսուրսների ներդրման օգնությամբ:

Գործարքը ևս մեկ անգամ հաստատում է PicsArt-ի առաքելությունը և արհեստական բանականության նորարարությունների ներդրումը՝ իր 150 միլիոն ակտիվ օգտատերերին ներկայացնելով վիզուալ պատմվածքների ստեղծման յուրահատուկ մոտեցումներ։

«Մենք ավելի քան մեկ տարի է ինչ հետևում ենք D’efekt-ի հաջողություններին և շատ ուրախ ենք, որ նրանք կմիանան մեզ՝ միասին զարգացնելու ապագայի ստեղծագործական պլատֆորմը», – նշում է PicsArt-ի հիմնադիր և գործադիր տնօրեն Հովհաննես Ավոյանը:  «Սա բոլորի համար շատ շահավետ գործարք է.  PicsArt-ի միլիոնավոր ստեղծարար օգտատերերն այժմ կօգտվեն ավելի յուրօրինակ և նորարար վիդեո էֆեկտներից։ D’efekt-ի հիմնադիրներն աջակցություն կստանան պրոդուկտն էլ ավելի զարգացնելու համար, իսկ PicsArt-ն էլ միաժամանակ  միջազգային իր թիմը կհամալրի ստեղծագործ, տեխնիկապես ուժեղ ու տաղանդավոր նոր աշխատակիցներով»:

D’efekt-ն օգտատերերի տեսանյութերը վերածում է արվեստի գործերի՝ համաշխարհային կարգի աուդիո ռեակտիվության, օբյեկտների հայտնաբերման և ինտերակտիվ օբյեկտների միջոցով:  Միայն մեկ հպումով  օգտատերերը կարող են շարժման էֆեկտներ կիրառել մեկ անձի, բազմաթիվ մարդկանց կամ օբյեկտի վրա, ինչպես նաև խմբագրումներ կատարել տեսանյութի ֆոնի վրա:

D’efekt-ն ամերիկյան ընկերություն է, որի թիմն աշխատում է Հայաստանից։ Այն հիմնադրվել է երեք ստեղծարար ուղեղների՝ Վահագն Խաչիկյանի, Նանե Թումանյանի և Տաթևիկ Գասպարյանի կողմից:  Ներդնելով գեղարվեստական ​​մտածելակերպը և դիզայնի փորձված տաղանդը՝ D’efekt ընկերության թիմն իր ներդրումը կունենա  PicsArt-ի վիզուալ էֆեկտների զարգացման գործում․ նոր հնարավորություններ ընձեռելով պլատֆորմի օգտատերերին՝ համացանցը ցնցող տեսանյութեր ստեղծելու և TikTok-ի, Instagram-ի և նման այլ հարթակներում տարածելու համար:  D’efekt ծրագիրն անվճար հասանելի է iOS App Store-ում:

D’efekt հավելվածը հաջորդ շաբաթների ընթացքում կվերաբրենդավորվի PicsArt բրենդի ներքո և կհամալրի PicsArt հավելվածների ընտանիքը։

«Մեծ պատիվ է միանալ PicsArt ընկերությանը, որի հաջողություններին հետևել ենք առաջին օրից։ Մենք անհամբեր սպասում ենք, որ D’efekt-ը կդառնա ստեղծարար գործիքներով և հիանալի բովանդակությամբ հավատարիմ համայնք ունեցող այս ապրանքանիշի մի մասը», – նշում է D’efekt-ի համահիմնադիր և գլխավոր գործադիր տնօրեն Նանե Թումանյանը:  «Անհամբեր սպասում ենք նաև լավագույն էֆեկտները մատուցել տեսողական պատմություններ ստեղծողների ամբողջ սերնդին, այդպիսով հասանելի լինելով  միլիոնավոր մարդկանց»:

Նշենք, որ PicsArt-ը սոցիալական մեդիայի խմբագրման աշխարհի ամենամեծ ստեղծարար հարթակն է: PicsArt հավելվածի ամսական ակտիվ օգտատերերի թիվը հատել է 150 միլիոնի սահմանը։ Յուրաքանչյուր վայրկյան աշխարհում ավելի քան 800 նկար է խմբագրվում հավելվածի միջոցով։ Հավելվածն անվճար է ու հասանելի է 185 երկրում՝ 30 լեզվով iOS, Android և Windows սարքերի համար: PicsArt ընկերության գլխավոր գրասենյակը գտնվում է Սան Ֆրանցիսկոյում. Հայաստանից բացի գրասենյակներ կան նաև Լոս Անջելեսում, Պեկինում, Տոկիոյում և Մոսկվայում:

Recent Posts

Հայկական CodeSignal ընկերությունը արժանացել է բարձրագույն մրցանակի

Հայկական CodeSignal ընկերությունը արժանացել է բարձրագույն մրցանակի բիզնես տեխնոլոգիաների ռեյթինգներ կազմող TrustRadius ընկերության կողմից «CodeSignal-ը TrustRadius-ից ստացել է «Top Rated»…

2 weeks ago

Վլադիմիր Եղիազարյանի անվան ծրագրավորման հայաստանյան բաց մրցույթն ընդունում է մասնակցության հայտեր

Մայիսի 22-ին, Հայ-Ռուսական (Սլավոնական) համալսարանում տեղի կունենա Վլադիմիր Եղիազարյանի անվան ծրագրավորման հայաստանյան բաց  մրցույթը։ Կազմակերպիչներներն են Հայ-ռուսական (սլավոնական) համալսարանը (RAU),…

3 weeks ago

ԵՊՀ-ում տեղի ունեցավ ծրագրավորման միջազգային թիմային ICPC մրցույթի Հյուսիսային Եվրասիայի տարածաշրջանային եզրափակիչ փուլի բացման արարողությունը

Ծրագրավորման միջազգային թիմային ICPC (International Collegiate Programming Contest in Armenia, «ԱյՍիՓիՍի») մրցույթի՝ Հյուսիսային Եվրասիայի տարածաշրջանային եզրափակիչ փուլը կանցկացվի 2022 թ.-ի…

1 month ago

Հայկական CoinStats ստարտափը $3.2 միլիոն ներդրում է ներգրավել

CoinStats-ը 2017 թվականին հիմնադրված կրիպտո ներդրումների կառավարման հավելված է։ Հայկական ստարտափը ներգրավել է $3․2 միլիոն ոլորտի մի շարք հանրահայտ ներդրողներից։…

1 month ago

CodeSignal-ը Հայաստանում անցկացվող ICPC Ծրագրավորման միջազգային մրցույթի գլխավոր գործընկերն է

Ծրագրավորման միջազգային թիմային ICPC (International Competitive Programming Contest in Armenia, «ԱյՍիՓիՍի») մրցույթի՝ Հյուսիսային Եվրասիայի տարածաշրջանային եզրափակիչ փուլը կանցկացվի 2022 թ.-ի…

1 month ago

Հայաստանի ապագան գիտության միջոցով վերափոխելու շարժումը միավորել է տարբեր անհատների ու կազմակերպությունների

Հայաստանն արժանացել է գիտության և նորարարության առաջընթացն աջակցող անհատների ու կազմակերպությունների ուշադրությանը: Հայաստանցիներն ու սփյուռքահայերը, ինչպես նաև օտարերկրյա հաջողակ ընկերություններն…

2 months ago