Հայկական Renderforest ընկերությունը գործարկել է տեսանյութեր պատրաստելու հավելված iPhone-ի օգտատերերի համար

Renderforest – Video Maker հավելվածն իր մեջ համադրում է ինտուիտիվ ինտերֆեյս և կայքում ներկայացված գործիքակազմի վերջին հավելումները։  Ձայնային ուղեկցություն և ֆոնային երաժշտություն ավելացնելու հնարավորությունը, ինչպես նաև 1000+ առկա շաբլոնները թույլ կտան օգտատերերին ստեղծել գովազդային, ներածական, տեքստային, անիմացիոն և երաժշտական պրոֆեսիոնալ հոլովակներ իրենց սմարթֆոնների օգնությամբ։

Renderforest ընկերությունն այսօր հայտնեց iPhone-ի համար նախատեսված իր նոր ծրագրի՝ “Renderforest – Video Maker”-ի գործարկման մասին։ Ծրագրի նպատակն է տեսահոլովակների ստեղծման ընթացքը դարձնել ավելի պարզ և արագ։ Օգտատերերը հնարավորություն կունենան գործնական և անձնական կիրառման համար նախատեսված պրոֆեսիոնալ հոլովակներ ստեղծել ընդամենը 3 քայլով՝

1. Ընտրել շաբլոնը;
2. Խմբագրել և անհատականացնել այն;
3. Բեռնել պատրաստի հոլովակը նախընտրած որակով։

“Renderforest – Video Maker”-ը ընկերության կողմից ստեղծված առաջին ծրագիրն է, որը նախատեսված է iOS օպերացիոն համակարգի օգտատերերի համար:  Ընկերությունը պլանավորում է շուտով թողարկել հավելաված՝ Android օպերացիոն համակարգի օգտատերերի համար ևս:  Ընկերության տնօրեն Նարեկ Սաֆարյանի խոսքով՝ նպատակ էր դրված ստեղծել ոչ միայն կայքի բջջային տարբերակը, այլ բազմաֆունկցիոնալ և կիրառման մեջ պարզ ծրագիր։

Հավելվածը խոստանում է լինել հոլովակների ստեղծման համար առկա գործիքներից ամենապարզն և արդյունավետը։ Իր մեջ ներառելով Renderforest կայքի լայն գործիքակազմն ու շաբլոնները, այն հնարավորություն կտա պրոֆեսիոնալ տեսանյութեր ստեղծել ընդամենը մի քանի րոպեում։

Հավելվածն օգտատերերին թույլ է տալիս՝

• Բեռնել պատրաստի հոլովակները HD ձևաչափով;
• Ձայնային ուղեկցություն ավելացնել;
• Նախադիտել հոլովակի յուրաքանչյուր տեսարանը;
• Ընտրել հավելվածում առկա ավելի քան 130 ֆոնային ձայնագրություններից մեկը, կամ ներբեռնել ձեր նախընտրած երաժշտությունը;
• Պահպանել բեռնված ֆայլերը մեդիա գրադարանում;
• Պահպանել նախագծերը ամպային համակարգում և կառավարել դրանք ցանկացած ժամանակ և ցանկացած վայրից;
• Օգտվել 24/7 հաճախորդների աջակցումից։

Renderforest – Video Maker հավելվածը ներբեռնելու համար հետևե՛ք հղմանը։

Հավելվածի կողմից տրամադրվող ճկունությունն ու կայքից անկախ լինելը թույլ կտա օգտատերերին աշխատել իրենց բիզնեսի զարգացման վրա ցանկացած պահի և աշխարհի ցանկացած կետից՝ առանց համակարգչից կախում ունենալու։

Renderforest-ը վիդեո անիմացիաներ, լոգո ստեղծման, ինչպես նաև կայքերի նախագծման ծառայություններ առաջարկող օնլայն «Բոլորը մեկում» բրենդավորման հարթակ է։ Հարթակում ինտեգրված արհեստական ինտելեկտը, «հասկանալով» օգտատերերի նախընտրությունները, առաջարկում է լոգոյի տարբերակներ, վիդեո անիմացիաներ և վեբ կայքերի պատրաստի օրինակներ։

Renderforest-ի օգնությամբ կարող եք սկսել ձեր բիզնեսի բրենդավորումը լոգո ստեղծելով, ապա նախապես մշակված բարձրակարգ մոքափների միջոցով ձեր պրոդուկտների համար ստանալ ֆոտոռեալիստիկ դիզայններ։ Տեսանյութեր խմբագրելու գործիքները հնարավորություն կտան պատրաստել գովազդային հոլովակներ և անիմացիաներ, որից հետո կայքերի ստեղծման գործիքների օգնությամբ կարող եք նախագծել բազմաֆունկցիոնալ և պրոֆեսիոնալ վեբ կայք։

Renderforest Video Maker-ը ամպային համակարգի վրա հիմնված հավելված է ներածական, բացատրական, երաժշտական, ինֆոգրաֆիկ, գովազդային հոլովակներ, ինչպես նաև շատ այլ տեսակի տեսանյութեր պատրաստելու համար։