374
21
2808
Web
Երևանում մեկնարկեց 5-րդ ArmNet-ը

Երևանում մեկնարկեց 5-րդ ArmNet-ը

Այսօր Orange-ը, Maeutica բրենդինգային գործակալությունը և «Ինտերնետ հանրություն» ՀԿ-ն  հայտարարեցին հինգերորդ «ArmNet » տարեկան նախագծի մեկնարկը: «ArmNet 2015» միջոցառումների շրջանակներում տեղի կունենա վեբկայքերի և բջջային հավելվածների համահայկական «ArmNet Awards 2015»մրցանակաբաշխությունը, որը կոչված է գնահատելու ոլորտի տարվա ձեռքբերումներն ու տեղեկատվական տեխնոլոգիաների, մասնավորապես, բջջային տեխնոլոգիաների զարգացումները, բացի այդ կանցկացվեն  համացանցին և բարձր տեխնոլոգիաներին նվիրված համաժողով ու մի շարք սեմինարներ, որոնց մասնակից կդառնան այս ոլորտում աշխարհում առաջատար դիրքեր զբաղեցնող  կազմակերպությունների ներկայացուցիչներ:

«2010 թվականին Orange-ն այս նախագծի համահիմնադիրներից է եղել, և ուրախ ենք արդեն հինգերորդ տարին շարունակ աջակցել ArmNet-ին: Այս տարիների ընթացքում ArmNet-ն իրոք դարձել է ավանդական՝ նշանակալիորեն նպաստելով հայկական ինտերնետ բովանդակության զարգացմանը: Այս 5 տարիների ընթացքում հայկական ինտերնետն ու բջջային հավելվածների ոլորտը կտրուկ զարգացում են ապրել. այսպես 2010 թվականին Հայաստանում տնային տնտեսությունների ընդամենը 29%-ն էր օգտվում լայնաշերտ ինտերնետից, 2014 թվականի վերջին այդ թիվը հասել է 75%-ի: Այժմ մեր հեռախոսասարքերի վաճառքի 86%-ը կազմում են սմարթֆոնները, այնինչ 2010 թվականին այդ ցուցանիշն ընդամենը 3% էր: Մեծ առաջընթաց է նկատվել նաև հայալեզու բովանդակության ստեղծման և որակի առումով», - ասաց Օրանժ Արմենիայի Բրենդի և հաղորդակցության տնօրեն Արամ Մկրտչյանը:

«ArmNet Awards 2015» մրցույթի մասնակիցները կմրցեն  «Նորարարություն», «Լավագույն բովանդակություն», «Դիզայն և հարմարավետություն» և «Հասարակական ազդեցություն» անվանակարգերում, կտրամադրվեն գլխավոր մրցանակներ Լավագույն բջջային հավելվածի և Լավագույն վեբկայքի համար: Մրցույթին մասնակցելու համար անհրաժեշտ է դիմում ներկայացնել մինչև մարտի 26-ը, ժամը 18:00: Մրցույթին մասնակցության և գրանցման մանրամասները հասանելի են www.armnet.am կայքում:  

«Բջջային հավելվածներն ու ծրագրերը փոխել են մեր աշխարհը, այսօր հազիվ թե հնարավոր է պատկերացնել ժամանակակից ինտերնետ օգտատերի առանց Ինտերնետին միացած սմարթֆոնի:  Հատկապես անհրաժեշտ է նշել որ մեր վեբկայքեր և բջջային հավելվածներ մշակողները ստեղծում են մրցունակ փաթեթներ, այսպիսով նպաստելով ոլորտի զարգացմանը:  Այս տարի Ինտերնետ Հանրությունը սկսելու է գրանցել մեսրոպատառ «.հայ» վերջավորությամբ դոմենային անուններ, ինչը նույնպես վկայում է ոլորտի զարգացման մասին:  Ցանկանում եմ ArmNet մրցույթի  բոլոր մասնակիցներին հաջողություն՝ անկախ մրցույթի արդյունքներից, սա փորձ է, որ թույլ կտա իրենց ուժերն ավելի լավ գնահատել և ձգտել նոր հաջողությունների»,- նշեց Ինտերնտ Հանրություն ՀԿ փոխնախագահ  Գրիգոր Սաղյանը:

«ArmNet Awards 2015» մրցույթի ժյուրին կուսումնասիրի և կգնահատի բոլոր առաջադրված նախագծերը՝ մարտի 30-ին հրապարակելով յուրաքանչյուր անվանակարգում հավակնորդների անունները: Մրցույթի արդյունքները կամփոփվեն ապրիլի 4-ին կայանալիք մրցանակաբաշխության արարողության ընթացքում:

Այս տարի ArmNet 2015 միջոցառումների մասը կազմող համաժողովը կկրի «2015 ինտերնետի և բջջային հավելվածների միտումները» խորագիրը: Համաժողովը կհյուրընկալի ՏՏ ոլորտի մասնագետների ինչպես Հայաստանից, այնպես էլ արտերկրից,այդ թվում՝ MediaRu ընկերության գլխավոր տնօրեն Ալեքս Նոսովին, Pediatr 24/7 բջջային հավելվածի ղեկավար Դենիս Յուդչցին, ինչպես նաև FrooZoo և Getmyway նախագծերի ներկայացուցիչներին:

Կարճ հասցե: geek.am/u/4934.html
Հեռահաղորդակցություն Արամ Մկրտչյան Armnet Գրիգորի Սաղյան Orange

Latest News

1 2 3 4 5 >
Ամբողջը` 2622 : Ցուցադրված է` 1 - 15 :

Tech

image

Apple-ը թողարկել է կարմիր գույնի iPhone 8 և iPhone 8 Plus սմարթֆոններ

Apple կորպորացիան հերթական անգամ թողարկել է iPhone սմարթֆոնի կարմիր տարբերակը։ Այս անգամ խոսքը iPhone 8 և iPhone 8 Plus սմարթֆոնների մասին է։ Apple կորպորացիան կարմիր ...

Code

image

Ինտերնետում հասանելի կայքերի 30%-ի հիմքում Wordpress-ն է

Համացանցային միտումների վերլուծությամբ զբաղվող W3Techs ընկերության հրապարակված տվյալների համաձայն 2018թ. փետրվարի սկզբի դրությամբ համացանցում հասանելի կայքերի 30%-ի հիմքում Wordpress-ն է։ Նշվում է. որ 2015թ. նոյեմբերին ...

Web

image

Statista. ինչ է կատարվում ինտերնետում 60 վայրկյանում

Statista վիճակագրական գործակալությունը հրապարակել է ինտերնետին վերաբերող հետազոտության արդյունքները, որտեղ նշված է, թե ինչ է կատարվում ինտերնետում 60 վայրկյանում։ Ներկայացված տվյալները արտացոլում են 2017թ.-ի ցուցանիշները։ Հրապարակված ...

Mobile

image

Թողարկվել են Հռոմի Պապի և Հիսուսի նկարներով ոսկեպատ iPhone X սմարթֆոններ

Սմարթֆոնների և բջջային հեռախոսների թանկարժեք տարբերակների արտադրող Caviar ընկերությունը ներկայացրել է iPhone X սմարթֆոնի նոր շքեղացված տարբերակները։ Թողարկված մոդելները նվիրված են Զատկի տոնին։ iPhone X սմարթֆոնների ...

Business

image

Beeline. ծախսերի ստուգման հնարավորություն՝ SMS-ի միջոցով

«ՎԵՈՆ Արմենիա» ՓԲԸ-ն հայտարարում է Beeline շարժական կապի կանխավճարային բաժանորդների համար «Ծախսերի վերահսկում» ծառայության գործարկման մասին։ Ծառայությունը թույլ է տալիս *128# հրահանգի միջոցով ստանալ SMS հաղորդագրություն, ...

Various

image

Կանխվել է պետական կառավարման մարմինների համակարգչային ցանցերի նկատմամբ կիբեռհարձակման դեպքը

Հայաստանի Հանրապետության ազգային անվտանգության ծառայությունը, իր իրավասությանը վերապահված խնդիրների լուծման կապակցությամբ շարունակելով ՀՀ տեղեկատվական-հեռահաղորդակցական համակարգերում պետական տեղեկատվական պաշարների պաշտպանությանն ուղղված համալիր միջոցառումների իրականացումը, բացահայտել և ...

Bloggers

Վահագն Օհանջանյան
Newsmaker Geek
Samvel Chakhalyan
Beeline Armenia
Ինտերակտիվ
Ucom
Vivacell-MTS