Facebook սոցիալական ցանցն ընդլայնել է իր սթիքերների օգտագործման հնարավորությունները: Այժմ օգտատերերը կարող են օգտվել դրանցից նաև մեկնաբանություններ գրելիս:

Նախկինում սթիքերները կարելի էր օգտագործել միայն հաղորդագրություններում, իսկ այս նորամուծությունը թույլ է տալիս ավելի էմոցիոնալ մեկնաբանել նաև տարատեսակ իրադարձությունները, ինչպես նաև տարբեր խմբերում օգտատերի կողմից արված գրառումները: 

Մեկնաբանություններում սթիքերները դրվում են հենց այն սկզբունքով, ինչպես և հաղորդագրություններում: Բավական է բացել «Sticker Store»-ն ու սեղմել նախընտրած սթիքերի վրա: 

Facebook-ի բոլոր սթիքերներն առայժմ անվճար են, սակայն ապագայի վերաբերյալ կանխատեսումներ անելը մի փոքր բարդ է: