Twitter փոխել է ի սկզբանե օգտագործվող տառատեսակը՝ անցում կատարելով «Gotham Narrow»-ին, որի տառերի չափսը համեմատաբար ավելի փոոքր է: Այս տառատեսակը ամենատարածվածն է համացանցում: Gotham տարբերակն օգտագործվել է նաև «One World Trade»-ի նոր ապրանքանիշում: Նշենք, որ Gotham տառատեսակի հեղինակը Hoefler & Co. ընկերությունն է:

Այսուհետ տառատեսակի փոփոխությունը նկատելի կդառնա ինչպես օգտատերերի էջերում և էջերի կողքի հատվածում, այնպես էլ թվիթերում և բոլոր մյուս գրառումներում:

Այդուհանդերձ, սոցիալական ցանցի բջջային տարբերակում շարունակելու է օգտագործվել «Helvetica Neue Arial» տառատեսակը, որն ավելի հարմար է օգտատերերից շատերի համար: