374
21
2808
Տեխնոլոգիական և ինտելեկտուալ օր Վանաձորում

Տեխնոլոգիական և ինտելեկտուալ օր Վանաձորում

Ապրիլի 30-ը Վանաձորում տեխնոլոգիական և ինտելեկտուալ օր էր:

Գյումրիի և Վանաձորի տեխնոլոգիական կենտրոնների սաները իրենց ուժերն էին փորձում «Ի՞ՆՉ, ՈՐՏԵ՞Ղ, Ե՞ՐԲ» ինտելեկտուալ խաղի շրջանակում: Խաղը կազմակերպել էր Ձեռնարկությունների ինկուբատոր հիմնադրամը և Գյումրիի տեղեկատվական տեխնոլոգիաների կենտրոնը՝ «Խորան Արդ» ինտելեկտուալ կենտրոնի և Վանաձորի քաղաքապետարանի աջակցությամբ:

Ընկերական խաղի նպատակն էր ստեղծել անկաշկանդ ինտելեկտուալ մթնոլորտ երկու քաղաքների ուսանողների միջև: Խաղի ավարտին հաղթող թիմերին Վանաձորի քաղաքապետարանի մշակույթի բաժնի պետ Գոռ Բադյանը և ԳՏՏԿ գործադիր տնօրեն Ամալյա Եղոյանը հանձնեցին մրցանակներ և մասնակցության վկայականներ:

Ընկերական խաղից հետո ԳՏԿ և ՎՏԿ շուրջ 70 ուսանողների Տեղեկատվական տեխնոլոգիաների ընթացիկ ծրագրերը և ոլորտի հեռանկարները ներկայացրեց Ձեռնարկությունների ինկուբատոր հիմնադրամի տնօրեն Բագրատ Ենգիբարյանը: Անդրադառնալով 2 քաղաքների տեխնոլոգիական կենտրոններում իրականացվող դասընթացներին՝ Բագրատ Ենգիբարյանը նշեց, որ դասընթացները հնարավորություն են տալիս ոչ միայն իրենց ծննդավայրում աշխատանք գտնելու, այլև սեփական ձեռքերով ստեղծելու իրենց քաղաքի և մարզի բարեկեցությունը:

Մարզի տեղեկատվական տեխնոլոգիաների ոլորտի մասնագետների բացը լրացնելու նպատակով մեկ տարի առաջ Ձեռնարկությունների ինկուբատոր հիմնադրամի կողմից Վանաձորի տեխնոլոգիական կենտրոնում մեկնարկեց ՏՏ ոլորտի անվճար դասընթացների ծրագիրը, որին մասնակցեցին 300 հետաքրքված երիտասարդներ: Ծրագրի աջակիցներն են ՀՀ կառավարությունը, Հայ օգնության ֆոնդը, Մայքրոսոֆթ ինովացիոն կենտրոնը, Եռաչափ մոդելավորման ուսումնական կենտրոնի և ԳՏՏԿ-ն:

«Ծրագրի մեկնարկը բարդ էր, ընթացքը՝ հետաքրքիր և բովանդակալից։ Ծրագրի մուտքը Լոռու մարզ կարևորվեց և գնահատվեց ոչ միայն 300 ուսանողների ու նրանց ընտանիքների, այլև մարզային ու քաղաքային իշխանությունների կողմից, ովքեր նախաձեռնությունը գնահատեցին որպես մարզի զարգացման կարևոր քայլ: Նշենք նաև, որ ծրագիրը նպաստում է մարդկային ռեսուրսների և արտահոսքի կանխմանը, 2 քաղաքների միջև ՏՏ ոլորտի համագործակցության ամրապնդմանը», - նշում է Գյումրու տեղեկատվական տեխնոլոգիաների կենտրոնի տնօրեն Ամալյա Եղոյանը:

Ձեռնակությունների ինկուբատոր հիմնադրամի կողմից երիտասարդներին խրախուսող միջոցառումները ՀՀ մարզերում շարունակական բնույթ են կրելու:

Ձեռնարկությունների ինկուբատոր հիմնադրամը (ՁԻՀ) տարածաշրջանի խոշորագույն տեխնոլոգիական բիզնես ինկուբատորներից և խորհրդատվական ընկերություններից է: Հիմնադրամի կողմից իրականացվող ծրագրերը շոշափում են ՏՏ ոլորտի զարգացման յուրաքանչյուր կարևորագույն ոլորտ: ՁԻՀ-ի նպատակն է Հայաստանում ձևավորել ՏՏ ոլորտի զարգացմանը նպաստող համապատասխան միջավայր, մատչելի դարձնել միջազգային գիտելիքը և ֆինանսավորման աղբյուրները, պատրաստել բարձրակարգ ՏՏ մասնագետներ և ղեկավար աշխատուժ, տեղական ընկերությունների համար ստեղծել գլոբալ ցանցերում ընդգրկվելու հնարավորություն: Վերոնշյալ նպատակներն իրականացվում են տարբեր նախաձեռնությունների շրջանակում, ինչպիսիք են՝ Հայ-հնդկական ՏՀՏ գերազանցության կենտրոնը, IBM Նորարար լուծումների և տեխնոլոգիաների կենտրոնը, Ազգային ճարտարագիտական լաբորատորիաներ (ANEL), Մայքրոսոֆթ ինովացիոն կենտրոնը, Գյումրու և Վանաձորի տեխնոլոգիական կենտրոնները, Մոբայլ լուծումների տարածաշրջանային լաբորատորիան (mLab ECA) և այլն:

Կարճ հասցե: geek.am/u/5280.html
Հայաստան Վանաձոր ՁԻՀ Հայաստան

Latest News

1 2 3 4 5 >
Ամբողջը` 2561 : Ցուցադրված է` 1 - 15 :

Tech

image

Beeline-ի վաճառքի և սպասարկման գրասենյակները կաշխատեն հանգստյան և տոն օրերին

Beeline-ի հաճախորդները դեկտեմբերին՝ նախատոնական շրջանում կկարողանան իրենց բոլոր հարցերով դիմել վաճառքի և սպասարկման գրասենյակներ նաև հանգստյան օրերին։ Մինչև Ամանոր Երևանի և Հայաստանի խոշոր քաղաքների գրասենյակների ...

Code

image

Apple-ը հրապարակել է 2017թ. ամենաշատ ներբեռնված հավելվածների ցուցակը

Apple կորպորացիան հրապարակել է App Store և iTunes հարթակներից 2017թ.-ի ամենաշատ ներբեռնումներ ունցող հավելվածների ցուցակը։ 2016թ.-ի համեմատ տեղի է ունեցել առաջատարի փոփոխություն։ 2017թ.-ին առաջատարն է ...

Web

image

Ավելի արագ և հասանելի Facebook՝ Ռոստելեկոմի բաժանորդների համար

«Ռոստելեկոմ»-ը հայաստանյան օգտատերերի համար նորանոր տեխնոլոգիական լուծումներ է գործարկում՝ բարձրացնելով ամենահաճախ օգտագործվող ռեսուրսների հասանելիությունն ու ցանցի արագագործությունը։Ընկերությունը Ֆեյսբուք սոցիալական ցանցի հետ կնքված համաձայնագրի արդյունքում «Ռոստելեկոմ»-ի ...

Mobile

image

ՎիվաՍել-ՄՏՍ. գնեք iPhone X և ստացեք նվեր գեղեցիկ համար

ՎիվաՍել-ՄՏՍ-ը տեղեկացնում է, որ դեկտեմբերի 1-ից ՎիվաՍել-ՄՏՍ-ի սպասարկման կենտրոններում* հնարավոր է գնել նոր iPhone X` 64 ԳԲ հիշողությամբ և ստանալ գեղեցիկ համար: iPhone-ի նոր դարաշրջանի այս ...

Business

image

iPhone X-ը՝ Ucom-ի ամենաարագ ցանցում Apple-ի պաշտոնական երաշխիքով

Դեկտեմբերի 1-ին Apple-ի պաշտոնական գործընկեր հանդիսացող Ucom ընկերության վաճառքի և սպասարկման կենտրոններում մեկնարկեց Apple ընկերության ամենասպասված և ամենաինտրիգային սարքավորման՝ iPhone X-ի վաճառքը։ Ինչպես բազմաթիվ երկրների, այնպես ...

Various

image

Ucom. գործարկվեց ինտերակտիվ մեթոդների և հեռավար ուսուցման stem.am առցանց հարթակը

Օրերս Ucom ընկերության, «ՍՏԵՄ ծրագրերի կենտրոն» և «Ինտերնետ հանրություն» կազմակերպությունների աջակցությամբ Վանաձորի Գևորգ Չաուշի անվան թիվ 24 միջնակարգ դպրոցում գործարկվեց ինտերակտիվ մեթոդների և հեռավար ուսուցման ...

Bloggers

Վահագն Օհանջանյան
IT Job
Newsmaker Geek
Samvel Chakhalyan
Beeline Armenia
ITJobs am
Bang2Joom
Ինտերակտիվ
Ucom
Mobidram