Ինչպե՞ս կարել է ստիպել ընթերցողներին մեկ շնչով մի ամբողջ գիրք կարդալ: Կարելի է, օրինակ, վայրկյանաչափ օգտագործել, որպեսզի սահմանված ժամանակի լրանալուն պես գիրքն ինքնաոչնչացվի: Հենց այսպես է վարվել հանրահայտ ամերիկացի գրող Ջեյմս Փաթերսոնը: Իր «Private Vegas» ստեղծագործության նկատմամբ ընթերցողների ուշադրությունը գրավելու նպատակով վերջինս ինքնաոչնչացվող գիրք է թողարկել: 

«Private Vegas»-ը սկիզբից մինչև վերջ ընթերցելու համար Փաթերսոնը 24 ժամ է հատկացրել: Ժամանակը լրանալուն պես գիրքը, կախված ընտրված տարբերակից, ջնջվում կամ պայթում է: Առաջին 1000 ընթերցողները հնարավորություն կունենան անվճար ձեռք բերել գրքի էլեկտրոնային տարբերակը: Լարվածություն առաջացնելու նպատակով էկրանի վրա արտացոլվելու է սահմանված ժամանակի հետհաշվարկը:

Կա ևս մեկ՝ շատ ավելի հետաքրքիր տարբերակ: Կարելի է 294038 ԱՄՆ դոլարով ձեռք բերել գրքի տպագիր տարբերակը, որի վրա նույնպես վայրկյանաչափ է տեղադրված լինելու: Հարկ է նշել, որ գրքի գինը ներառում է ընթրիք Ջեյմս Փաթերսոնի հետ: