Վերջին տարիների ընթացքում էլեկտրոնային տեխնոլոգիաների ոլորտում աշխատող դիզայներներն իրենց բազմաթիվ տարօրինակ ու ապշանք առաջացնող նախագծերով հասցրել են բավականին կասկածելի համբավ ձեռք բերել: Այդուհանդերձ, մի շարք՝ առաջին հայացքից կասկածելի թվացող նախագծեր հետագայում լայն կիրառում են գտել: Չի բացառվում, որ նման ճակատագրի կարժանանա նաև Միշել Վենդիի մտահղացումը, ով MacBook-ով աշխատելու միանգամայն նոր եղանակ է բացահայտել: 

Տեղադրելով սենսորային կառավարման Apple Magic Trackpad վահանակը շտատիվի վրա՝ Վենդին հնարավորություն է ստացել քթի միջոցով կառավարել կուրսորը: Որքան էլ անհեթեթ թվա աղջկա գաղափարը, այն ունի իր դրական առանձնահատկությունները՝ թույլ է տալիս մարզել վիզն ու հանգստացնել ձեռքերը: