374
21
2808
Աշխատանք. մրցույթ «Այբ» դպրոցի տեղեկատվական համակարգերի և տեխնոլոգիաների համակարգողի պաշտոնի համար

Աշխատանք. մրցույթ «Այբ» դպրոցի տեղեկատվական համակարգերի և տեխնոլոգիաների համակարգողի պաշտոնի համար

«Այբ» կրթական հիմնադրամը հայտարարում է մրցույթ տեղեկատվական համակարգերի և տեխնոլոգիաների համակարգողի պաշտոնի համար:
 
ՊԱՐՏԱԿԱՆՈՒԹՅՈՒՆՆԵՐ ԵՎ ՊԱՏԱՍԽԱՆԱՏՎՈՒԹՅՈՒՆՆԵՐ

Համակարգողը, համագործակցելով տեղեկատվական և հաղորդակցման ծառայություններ մատուցողների հետ, ապահովում է դպրոցի տեխնոլոգիական ենթակառուցվածքի մշտական անխափան շահագործումը և կատարելագործումը:

- Աջակցություն ցանցային սարքավորումների և համակարգչային ծրագրերի տեղադրման, շահագործման և պահպանման գործառույթներին:
- RFID քարտերով գործարկվող համակարգի ընդլայնում և հիմնական համակարգի հետ ինտեգրում:
- Անվտանգության, ահազանգման, դպրոցի մշտական և հատուկ առիթներով տեղադրվող աուդիո և վիդեո շարժական և ֆիքսված համակարգերի շահագործում, ցանցային շարունակական ինտեգրում (լայֆսթրիմինգի, ռադիո հեռարձակման, տեղեկատվական հեռուստացույցների անխափան աշխատանքի ապահովում):
- Դպրոցի սերվերային համակարգի շահագործում՝ սերվերային ծառայություններ մատուցող ընկերությունների հետ, դպրոցի համակարգերի անխափան աշխատանքի համար անհրաժեշտ համագործակցության իրականացում:
- Բոլոր անհրաժեշտ սարքավորումների նախնական գնահատում, ձեռքբերման աջակցություն, գործարկում և գույքագրում:
- Առցանց անվտանգության համակարգի զարգացում, օգտագործման համադպրոցական հաշվետվությունների տրամադրում:

Ուսումնասիրում և առաջարկում է դպրոցի կառավարման տեղեկատվական համակարգի համար մոբայլ, առցանց, ամպային կամ առանձնացված ծրագրային լուծումներ, ուսումնասիրում է դրանք դպրոցում առկա համակարգերի հետ ինտեգրելու հնարավորությունները, աջակցում է դրանց տեղայնացման, ադմինիստրացիայի և տարածման գործում:

- Աշակերտների շարժի կառավարում և աջակցություն հաշվետվությունների մշակմանը:
- Գնահատման համակարգի սպասարկում, արխիվացում և վերահսկում, աջակցություն հաշվետվությունների մշակմանը:
- Տարբեր գործառույթների իրականացման և գործունեության արդյունավետության մշտադիտարկում:
- Միջոցառումների և տարածքների տեխնիկական կառավարում:
- Էլեկտրոնային նյութերի գրադարանի դասակարգում և պահպանում:
- Գրադարանի ֆոնդերի հաշվառման համակարգի զարգացում և ինտեգրում մյուս համակարգերին՝ գրադարանավարի հետ սերտ համագործակցությամբ:
- Ծնողների հետ հաղորդակցության և համագործակցության ապահովման այլ համակարգերի անխափան աշխատանքի և արդյունավետության վերահսկում:
- Ծագած խնդիրների և արտակարգ իրավիճակների կառավարում և հաղորդակցության ապահովում:
- Աջակցություն ժամանակի կառավարման և ժամատախտակային համալիր համակարգերի մշակմանը և իրականացմանը:
- Տրանսպորտի օգտագործման համակարգի մշակում:
- Նախագծերի կառավարման համակարգերի մշակում:

Դպրոցների կայքերի գործառութային հնարավորությունների ընդլայնում և օգտակարության բազմազանեցում:
 
ՊԱՀԱՆՋՎՈՂ ՈՐԱԿԱՎՈՐՈՒՄՆԵՐ ԵՎ ՈՒՆԱԿՈՒԹՅՈՒՆՆԵՐ

- անգլերենի իմացություն,
- նորագույն տեխնոլոգիաներով հետաքրքրվածություն և տեղեկացվածություն,
- խնդիրներ լուծելու կարողություն,
- վերլուծական և հետազոտական կարողություններ,
- հաշվետվողականության բարձր մշակույթ,
- ժամանակի և առաջնահերթությունների կառավարում,
- ցանցային, սերվերային սարքերի և ծրագրային ապահովման իմացություն,
- անընդհատ կատարելագործվելու ձգտում,
- որոշումներ կայացնելու և աշխատանքը սկզբից մինչև վերջ տանելու կարողություն,
- խնդիրների լայն համատեքստը տեսնելու կարողություն և դրանք ենթատեքստում վերլուծելու կարողություն,
- ճգնաժամային իրավիճակներում արագ կողմնորոշվելու ունակություն,
- թիմային աշխատանքի փորձառություն:

ՑԱՆԿԱԼԻ ՀԱՏԿՈՒԹՅՈՒՆՆԵՐ

- կրթական գործընթացների կազմակերպման և կառավարման իմացություն,
- համակարգերի համակցման փորձառություն,
- ցանցային ադմինիստրատորի փորձ,
- Cisco Systems հավատարմագրված ցանցային ադմինիստրատորի որակավորում,
- առցանց ծառայությունների ուսումնասիրության/կիրառության փորձ,
- տեսաձայնային սարքերի և ցանցային լուծումների համակցման, շահագործման փորձ,
- դասընթացավարի փորձ և ձիրք զարգացնելու ցանկություն:

Բոլոր հետաքրքրված թեկնածուներին խնդրում ենք vacancy@ayb.am էլփոստի հասցեին ուղարկել.

1. ինքնակենսագրություն (CV),
2. նամակ-հիմնավորում «Ինչո՞ւ եմ ուզում աշխատել «Այբ»-ում» թեմայով (մեկ էջից ոչ ավել):
 
Որպես նամակի թեմա պետք է նշել թափուր հաստիքի անվանումը՝ ITIS Coordinator: Հայտերն ընդունվում են մինչև 2014 թ. հուլիսի 3-ը ներառյալ:

Կարճ հասցե: geek.am/u/4107.html
Աշխատանք Այբ Դպրոց Jobs

Latest News

1 2 3 4 5 >
Ամբողջը` 2574 : Ցուցադրված է` 1 - 15 :

Tech

image

Samsung-ը ճկվող էկրանով սմարթֆոն է ցուցադրել

Լաս Վեգասում կայացած CES-2018 ցուցահանդեսի ավարտից անմիջապես առաջ Samsung կորպորացիան ցուցադրել է Galaxy X գաղտնի սմարթֆոնը։ Ցուցադրությունը կազմակերպվել է սահմանափակ թվով հյուրերի համար։ Հյուրերին չի թւյլատրվել ...

Code

image

Apple-ը հրապարակել է 2017թ. ամենաշատ ներբեռնված հավելվածների ցուցակը

Apple կորպորացիան հրապարակել է App Store և iTunes հարթակներից 2017թ.-ի ամենաշատ ներբեռնումներ ունցող հավելվածների ցուցակը։ 2016թ.-ի համեմատ տեղի է ունեցել առաջատարի փոփոխություն։ 2017թ.-ին առաջատարն է ...

Web

image

Ավելի արագ և հասանելի Facebook՝ Ռոստելեկոմի բաժանորդների համար

«Ռոստելեկոմ»-ը հայաստանյան օգտատերերի համար նորանոր տեխնոլոգիական լուծումներ է գործարկում՝ բարձրացնելով ամենահաճախ օգտագործվող ռեսուրսների հասանելիությունն ու ցանցի արագագործությունը։Ընկերությունը Ֆեյսբուք սոցիալական ցանցի հետ կնքված համաձայնագրի արդյունքում «Ռոստելեկոմ»-ի ...

Mobile

image

ՎիվաՍել-ՄՏՍ. գնեք iPhone X և ստացեք նվեր գեղեցիկ համար

ՎիվաՍել-ՄՏՍ-ը տեղեկացնում է, որ դեկտեմբերի 1-ից ՎիվաՍել-ՄՏՍ-ի սպասարկման կենտրոններում* հնարավոր է գնել նոր iPhone X` 64 ԳԲ հիշողությամբ և ստանալ գեղեցիկ համար: iPhone-ի նոր դարաշրջանի այս ...

Business

image

Beeline. բաժանորդները կարող են 4G կապից օգտվել 39 երկրում

Այս տարի ամանորյա տոների շրջանում Beeline-ի բաժանորդները ճանապարհորդելիս արդեն 39 երկրներում կարող են օգտվել 4G կապից։ Այդ թվում 4G կապը հասանելի է դարձել Հունաստանում, Կիպրոսում, ԱՄԷ-ում, ...

Various

image

Ռոստելեկոմ. Իվանա Չաբբաքը Հայաստանում՝ վարպետության հատուկ դասընթաց

Դեկտեմբերի 22-ին Գ․Սունդուկյանի անվան թատրոնի դահլիճում հայաստանյան ունկնդիրներին ներկայացավ աշխարհահռչակ Իվանա Չաբբաքը․ հոլիվուդյան հայտնի մասնագետի վարպետության դասը հատուկ հայ հանդիսատեսի համար անցկացվեց ինտերակտիվ ֆորմատով։ Իվանա Չաբբաքի ...

Bloggers

Վահագն Օհանջանյան
IT Job
Newsmaker Geek
Samvel Chakhalyan
Beeline Armenia
ITJobs am
Bang2Joom
Ինտերակտիվ
Ucom
Mobidram