Coca-Cola-ն հանդես է եկել բնապահպանական մի անչափ հետաքրքիր նախաձեռնությամբ: Փաստ է, որ օգտագործված պլաստիկ շշերը ողողել են աշխարհը, և իհարկե դրանց մեջ քիչ չեն նաև Coca-Cola-յի շշերը: Այս երևույթի դեմ պայքարելու համար Coca-Cola-ն Վիետնամում հանդես է եկել մի անչափ հետաքրքիր նախաձեռնությամբ: Ամեն մեկ շիշ Coca-Cola-ի հետ տրվում է մի փոքր կցորդ, որը միանալով Coca-Cola-յի օգտագործված շշին այն դարձնում է նոր ֆունկցիոնալությամբ սարքավորում: Երեխաների համար այն կարող է դառնալ ջրամղիչ ատրճանակ կամ օճառե պղպճակների սարք, կան բավական հետաքրքիր կցորդներ նաև մեծահասակների համար: Նախաձեռնության մասին ավելի լավ պատկերացում կազմելու համար կարող եք դիտել կից տեսանյութը: