Ֆուտբոլը հիմնականում անվտանգ սպորտաձև է: Այո, հնարավոր է հարված ստանալ ոտքին կամ բախվել հակառակորդի հետ, բայց հիմնականում դրանք ծանր վնասվածքներ չեն հասցնում: Գոյություն ունի ևս մեկ վտանգ, որին կարող է բախվել, և փորձը ցույց է տալիս, որ բախվում է, ցանկացած ֆուտբոլ խաղացող` գնդակի հարված: Ցանակցած մարզիկ գիտի, որ գնդակի հարվածը ամենացավոտն է, երբ այն հարվածում է փորին, գոտկատեղից ներքև և երեսին: Անձնական փորձից ասեմ, որ ամենանյարդայնացնողն իհարկե հարվածն է երեսին:

Ժամանակակից տեխնոլոգիաներն այժմ մեզ օգնում են տեսնել, թե ինչ է կատարվում նման դեպքերում: Կից տեսանյութում գերարագ նկարահանման միջոցով ցույց է տրվում, թե ինչի է նմանվում մարզիկը, երբ նրա երեսին դիպչում է գնդակը: Կարծում եմ բավական «զվարճալի» է, մանավանդ, երբ անձամբ հիշելու բան ունես: