374
21
2808

ONEArmenia. օգնենք Արագածավանի դպրոցականներին

Indiegogo համաֆինանսավորման հարթակում մեկնարկել է ONEArmenia-ի այս տարվա առաջին նախագիծը, որով նախատեսվում է հավաքել 26 000 ԱՄՆ դոլար: Այս գումարը կուղղվի Արագածավան դպրոցում սովորող երեխաների կենցաղի բարելավմանը: Արդեն հավաքվել է 7275 դոլար: Դրամահավաքը կաշրունակվի դեռևս 30 օր:

Դրամահավաքի էջում  ONEArmenia-ի կողմից մանրամասն ներկայացվել է ծրագրի նպատակը, իրականացման ժամկետներն ու ձևերը.

Այս քարոզարշավը միջոցներ է հավաքում Հայաստանի Մանուկների Հիմնադրամի համար, որ վավերացված ոչ առևտրային կազմակերպություն է։ Արշավի և Հիմնադրամի հայացքների համընկնումը, ինչպես նաև որևէ պաշտոնական կապ նրանց միջև պարտադիր չէ։  Բոլոր ներդրումները համարվում են անվերապահ նվիրատվություն և դրանց նկատմամբ որևէ նպատակ չի կարող ներկայացվել։

Երևակայությունն ամեն ինչ է։ Իսկ թուղթը հավիտյան չէ։

Արագածավանի տարրական դասարանների աշակերտներն ուզում են ուրախ փորիկներ և առողջ ատամներ ունենալ․ ո՞վ չի ուզի։ Եկե՛ք այս ամառ նրանց համար ճաշարան և ատամները խոզանակելու հարմարություն ստեղծենք։

Հայաստանի մայրաքաղաք Երևանից 1․5 ժամվա հեռավորության վրա գտնվող Արագածավան անունով փոքր գյուղի տարրական դասարանների 160 աշակերտ սննդային և առողջապահական հեղափոխության եզրին են։ Հայաստանի Մանուկների Հիմնադրամը (ՀՄՀ) նպատակ ունի Արագածավանի դպրոցն ընդգրկել իր այդքան հաջող՝ ճաշարանի և խոզանակման հարմարության ծրագրում՝ դպրոցում կառուցելով տարածք, որտեղ 1-4-րդ դասարանցիները (6-11 տարեկան) մեկ տարի շարունակ՝ ամեն օր, կարող են առողջ և տաք սնունդ ընդունել և խոզանակել ատամները։

Ներկայումս Հայաստանի դպրոցներում նախաճաշի համակարգային ծրագիր գոյություն չունի։ Աշակերտները կամ սոված են մնում, կամ մի կտոր խմորեղեն ուտում, կամ էլ, պարզապես, լքում դպրոցի տարածքը ուսումնական օրվա ընթացքում՝ սնունդ հայթհայթելու համար։ 2012թ․ ՀՄՀ-ն ուսումնասիրություն անցկացրեց Հայաստանի գյուղական համայնքների 800 աշակերտների շրջանում, և պարզ դարձավ, որ նրանցից 785-ի մոտ հիմնական ատամների փչացման նշաններ կան։

Մեկ առ մեկ յուրաքանչյուր դպրոցում խոհանոց, ճաշարան և ատամները խոզանակելու հարմարություն կառուցելով՝ ՀՄՀ-ն սպառնում է ոչնչացնել այս թվերը։ Արագածավանը կլինի ծրագրին մասնակցող 4-րդ դպրոցը։

Ատամները խոզանակելու հարմարությունն իրենից ներկայացնում է մեծ սենյակ՝ լվացարաններով և հայելիներով, որտեղ երեխաներն ամեն օր՝ նախաճաշից առաջ,  լվանում են ձեռքերը, իսկ նախաճաշից հետո՝ ատամները։ ՀՄՀ-ն երեխաներին կապահովի ատամի խոզանակներով և մածուկով, իսկ դպրոցի դայակին՝ վերապատրաստումով, որպեսզի վերջինս երեխաներին սովորեցնի և վերահսկի նրանց, մինչ նրանք յուրացնում են առողջ ժպիտի երկարամյա արժեքը։

Ի լրումն՝ յուրաքանչյուր 6 ամիսը մեկ անգամ  ՀՄՀ-ի ատամնաբուժական գործընկերները երեխաների ատամների փչացումը կանխարգելելու նպատակով դրանք կմշակեն ֆտորով, իսկ այն երեխաներին, ում ատամներն արդեն խնդիրներ ունեն, կտրամադրեն միջոցներ՝ դրանք բուժելու համար։

Մի լուսավոր սենյակում կլինի ճաշարանը՝ սեղաններով և աթոռներով, ինչպես նաև՝ խոհանոց։ Երեխաններն այստեղ ոչ միայն լավորակ սնունդ կընդունեն, այլև դպրոցից հետո  կմասնակցեն ՀՄՀ-ի կողմից կազմակերպված Առողջ ապրելակերպի ակումբին, որ կքարոզի առողջ սնվելու, մաքրության և առողջ ապրելակերպի սովորույթներ։

Աշխատատեղերի ստեղծում

Ծրագիրը կարճատև աշխատանքով կապահովի կառուցապատողների թիմին և երկարատև աշխատանքով՝ 1 խոհարարի և  խոհանոցի 2 աշխատակցի՝ կազմակերպելու ճաշարանի աշխատանքները։

Կայունություն

ՀՄՀ-ն իր այս ծրագիրը համարում է «միջամտություն», քանի որ առաջին տարին լրանալուց հետո հիմնադրամի աջակցությունը հավասարվում է նվազագույնի։ Այդ ժամանակ արդեն դպրոցը բավականաչափ վերապատրաստում կունենա անժամկետ աջակցելու երեխաներին առողջ սննդի և հիգիենայի հարցում։ Արագածավանի դպրոցի տնօրեն Անահիտ Տեր-Մարտիրոսյանն արդեն տվել է իր համաձայնությունը։

Ծրագրի ժամանակացույցը

Կառուցապատման աշխատանքները կկատարվեն ամռանը, իսկ ամբողջ հարմարությունը պատրաստ կլինի ծառայելու երեխաներին 2014թ․ սեպտեմբերին՝ դպրոցի բացման հենց առաջին օրը։

Կարճ հասցե: geek.am/u/3650.html
Հայաստան բարեգործություն Indiegogo Crowdfunding ONEArmenia Համաֆինանսավորում Արագածավան

Latest News

1 2 3 4 5 >
Ամբողջը` 2525 : Ցուցադրված է` 1 - 15 :

Tech

image

ՀՀ Նախագահի ՏՏ ոլորտի 2017թ. մրցանակը՝ iPod-ի ստեղծողին

Տեղեկատվական տեխնոլոգիաների ոլորտում համաշխարհային ներդրման համար 2017թ. Հայաստանի Հանրապետության Նախագահի մրցանակին արժանացել է «Նեսթ Լաբս» ընկերության հիմնադիր, iPod ապրանքանիշի ստեղծող Թոնի Ֆադելը: Հոկտեմբերի 19-ին ՀՀ ...

Code

image

Վիվասել-ՄՏՍ. Seedstars մրցույթին դիմում-հայտ է ներկայացրել ավելի քան 50 ստարտափ

Մայքրոսոֆթ ինովացիոն կենտրոն Հայաստանը ՎիվաՍել-ՄՏՍ-ի հետ համատեղ կազմակերպում է «Seedstars» միջազգային մրցույթի տեղական փուլը, որին արդեն իսկ  դիմում-հայտ է ներկայացրել տարբեր ոլորտներում նորարարական լուծում ներկայացնող ...

Web

image

Ավելի արագ Facebook Հայաստանում

Ucom-ն առաջին ընկերությունն է Հայաստանում, որն իր տվյալների կենտրոնում գործարկվել է Facebook սոցիալական ցանցի շտեմարանը (Facebook cache)` անելով հերթական քայլը Հայաստանում թվային բովանդակության զարգացման և ...

Mobile

image

Ինչ սմարթֆոններից են ամենաշատն օգտվում Հայաստանում. 2017 օգոստոս

Ամեն տարվա աշնանը սմարթֆոնների արտադրության բազմաթիվ առաջատար ընկերություններ ներկայացնում են իրենց նորագույն մոդելները։ Այս աշունը ևս բացառություն չէ, հանրությունն անհամբեր սպասում է iPhone-ի հերթական մոդելներին, ...

Business

image

Facebook և Microsoft կորպորացիաները ավարտել են նոր անդրատլանտյան ինտերնետային մալուխի տեղադրումը

Մոտ երկու տարի առաջ Microsoft և Facebook կորպորացիաները մեկնարկել էին անդրատլանտյան օպտիկական մալուխի տեղադրման միասնական նախագիծը։ Marae անվանված մալուխի երկարությունը 6,600 կմ է, այն մեկնարկում է ...

Various

image

WiFi սարքավորումներ` 173 դպրոցի «Արմաթ» լաբորատորիային

Ինֆորմացիոն տեխնոլոգիաների ձեռնարկությունների միության (ԻՏՁՄ) գործադիր տնօրեն Կարեն Վարդանյանն ու Beeline-ի Գլխավոր Տնօրեն Անդրեյ Պյատախինն այցելել են Երևանի Վ. Վարդևանյանի անվան թիվ 173 հիմնական դպրոցի ...

Bloggers

Վահագն Օհանջանյան
IT Job
Newsmaker Geek
Samvel Chakhalyan
Beeline Armenia
ITJobs am
Bang2Joom
Ինտերակտիվ
Ucom
Mobidram