Samsung ընկերությունը ներկայացրել է Galaxy Note Pro և Galaxy Tab Pro պլանշետները, որոնք աչքի են ընկնում իրենց հզոր պրոցեսորներով և դիսփլեյների բարձր թույլատրությամբ: Բնականաբար, այնուհետև անհրաժեշտություն առաջացավ իրենց վրա սևեռել գնորդների ուշադրությունը: Ամենահաջողված տարբերակն, անկասկած, վերջերս լայն տարածում գտած տեսահոլովակներն են, որտեղ ընկերությունը մատնանշում է մրցակիցների «թերությունները», ինչպիսին են, օրինակ, դիսփլեյի համեմատաբար ցածր թույլատրությունը կամ աքսեսուարները, որոնք Microsoft Surface պլանշետը վերածում են մկնիկով և ստեղնաշարով նոութբուքի:

Այս տեսահոլովակը դիտելուց հետո բոլորը պետք է «հասկանան», որ այն մարդիկ, ովքեր չեն օգտվում կորեական արտադրողի սարքավորումներից, արժանի են խղճահարության: