374
21
2808
ՏՏ համաշխարհային համաժողովը Հայաստան բերելը հայկական տեխնոլոգիական հանրության երազանքն է եղել

ՏՏ համաշխարհային համաժողովը Հայաստան բերելը հայկական տեխնոլոգիական հանրության երազանքն է եղել

Տեղեկատվական տեխնոլոգիաների համաշխարհային համաժողովը (World Congress on Information Technology - WCIT) Հայաստան բերելը հայկական տեխնոլոգիական հանրության երազանքն է եղել: Այս մասին փետրվարի 24-ին «Արմենպրես»-ի մամուլի սրահում կայացած ասուլիսում հայտնեց Ինֆորմացիոն տեխնոլոգիաների ձեռնարկությունների միության (ԻՏՁՄ) գործադիր տնօրեն Կարեն Վարդանյանը: Այդ երազանքն իրականություն կդառնա 2019 թվականին:

Հայաստանը կհյուրընկալի իր ծավալներով, ներկայացուցչականությամբ, վարկանիշով շատ հավակնոտ ու մասշտաբային միջոցառումը: Վարդանյանի խոսքով՝ քանի որ միջոցառումն իր ծավալներով Հայաստանում նախադեպը չի ունեցել, ԻՏՄՁ թիմը դիտարկել է Հնդկաստանում՝ այս տարի, Թայվանում, Բրազիլիայում՝ նախորդ տարիների համաժողովի կազմակերպումն ու անցկացումը և յուրացրել փորձը, հետևություն արել թերություններից:

«Մենք կարծում ենք, որ կարող ենք լավագույն կոնգրեսը կազմակերպել: Իհարկե, պատասխանատվությունը մեծ կլինի, սովորաբար մասնակցում են 2500 խոշոր ընկերությունների տնօրեններ, համալսարանների ղեկավարեր, առաջատար մասնագետներ: Խոշոր երկրները ներքին ռեսուրս ունեն, մասնակիցների մեծ մասը հենց այդ երկրների ներկայացուցիչներ են, սակայն քանի որ Հայաստանում ներքին ռեսուրսն այնքան էլ մեծ չէ, պետք է ներգրավենք ողջ աշխարհը»,-նկատեց Վարդանյանը:

Հայ կազմակերպիչները հետևություններ են արել, թե ինչպես ճիշտ կազմակերպել սննդի հարցը, ինչպիսի b2b գործիքներ կիրառել, որ շփումները լավ լինեն: ԻՏՄՁ թիմը պատրաստվում է իրենց յուրացրած փորձը կիրառել ու լավագույնս կազմակերպել համաժողովը: Մինչև այժմ արդեն պատրաստել են բյուջեն, գործողությունների ծրագիրը, հովանավորչական փաթեթները, դիզայն են արել էջը, դիզայն են անում b2b պորտալը:

Կազմակերպիչները համոզված են, որ Երևան գալիս հյուրերը պետք է պատրաստ լինեն խորը պայմանավորվածությունների և պայմանագրերի, դրա համար նրանց ավելի շուտ հասանելի կլինի b2b պորտալը: Վարդանյանը տեղեկացրեց, որ ստեղծված է կառավարական հանձնաժողով: Հնդկաստանի համաժողովից հետո լիարժեք նիստ կգումարվի, ձեռքբերած փորձը կներկայացնեն նաև հանձնաժողովին:

ՀՀ տրանսպորտի, կապի և տեղեկատվական տեխնոլոգիաների նախարարի տեղակալ Արման Խաչատրյանը նշեց, որ երկրի տեսանելիության և ճանաչելիության բարձրացման տեսանկյունից համաժողովի՝ Հայաստանում անցկացումը մեծ ձեռքբերում կլինի: «Համաշխարհային ներկայացվածությամբ միջոցառումներին շատ կարևոր է մեր երկրի մասնակցությունը: Հայաստանը կարող է առաջարկել խոշոր, մրցունակ, ուսուցողական և կրթական ծրագրեր, որոնք ունեն մեծ պահանջարկ: Գործարար կապերի ընդլայնումը և գործարար կապերի ընդլայնումը շատ կարևոր է Հայաստանի համար: Աշխարհը շատ արագ փոխվում է իսկ ինֆորմացիոն և հեռահաղորդակցական տեխնոլոգիաների ոլորտը փոխվում է շատ ավելի արագ: Փորձի, գիտելիքի փոխանակումը կարևոր է շուկաների հասանելիության և ներքին ռեսուրսների զարգացման համար: Հյուրընկալելով համաշխարհային IT ֆորումը Հայաստանում նպատակ ունենք խթանելու գործարար կապերը և նոր շուկաների հասանելիությունը: Բազմաթիվ տեղերում խոսվել է Հայաստանի՝ որպես կամուրջ լինելու մասին՝ ԵԱՏՄ-ի, Իրանի, Եվրամիության, ինչու ոչ նաև ԱՄՆ-ի միջև. կարծում ենք, որ ՏՏ ոլորտն ու Հայաստանում արտադրվող ծառայությունները կարող են լինել կենսունակ կամուրջ տարբեր շուկաների միջև»,-համոզմունք հայտնեց փոխնախարարը:

Փետրվարի 19-21-ը Հնդկաստանում կայացավ Տեղեկատվական տեխնոլոգիաների համաշխարհային համաժողովը (World Congress on Information Technology - WCIT), որի ավարտին Հնդկաստանը էստաֆետը փոխանցեց Հայաստանին՝ WCIT 2019-ի նախապատրաստական աշխատանքները մեկնարկելու համար:

ԻՏՁՄ նախագահ Ալեքսանդր Եսայանի խոսքով՝ տեսնելով, թե Հնդկաստանն ինչպես է պատրաստվել, ակնհայտ է, որ Հայաստանն էլ պետք է փորձի կազմակերպական և նախապատրաստական լուրջ աշխատանք կատարել:

«Մենք կունենանք մեր երկրի պոտենցիալը ցուցադրելու և ներդրումներ ներգրավելու հնարավորություն»,-ասաց Եսայանը, ով ընտրվել է World Information Technology and Services Alliance-ի տնօրենների խորհրդի անդամ: Այդ իրադարձությունը Հայաստանի տեխնոլոգիական հանրության համար ևս մեկ կարևոր ուղերձ էր և մեծ պատիվ:

Կարճ հասցե: geek.am/u/5640.html
Հայաստան ԻՏՁՄ Կարեն Վարդանյան Հնդկաստան Ալեքսանդր Եսայան Հայաստան

Latest News

1 2 3 4 5 >
Ամբողջը` 2657 : Ցուցադրված է` 1 - 15 :

Tech

image

ՎիվաՍել-ՄՏՍ-ից սմարթֆոն գնողը դարձավ նաև խաղարկված՝ «Kia Rio X-line» մակնիշի ավտոմեքենայի սեփականատեր

ՎիվաՍել-ՄՏՍ-ը շարունակում է հաճելի անակնկալներ մատուցել հասարակությանը: Հերթականը եղել է «Kia Rio X-line» մակնիշի ավտոմեքենայի խաղարկությունը, որի ամբողջ ընթացքը, ուղիղ հեռարձակման ռեժիմով, մայիսի 24-ին ցուցադրվել ...

Code

image

Ինտերնետում հասանելի կայքերի 30%-ի հիմքում Wordpress-ն է

Համացանցային միտումների վերլուծությամբ զբաղվող W3Techs ընկերության հրապարակված տվյալների համաձայն 2018թ. փետրվարի սկզբի դրությամբ համացանցում հասանելի կայքերի 30%-ի հիմքում Wordpress-ն է։ Նշվում է. որ 2015թ. նոյեմբերին ...

Web

image

WhatsApp-ի հիմնադիրները 1.3 մլրդ դոլար են կորցրել՝ դուրս գալով Facebook-ից

WhatsApp-ի հիմնադիրների՝ Facebook-ից դուրս գալու պատճառները կապված են մեսենջերի մոնետիզացիայի վերաբերյալ տեսակետերի տարբերության հետ։ WhatsApp-ի հիմնադիրներ Յան Կումը և Բրայան Էկտոնը դուրս են եկել Facebook-ից՝ կորցնելով ...

Mobile

image

Ucom-ն իջեցրել է Samsung J և S դասի սմարթֆոնների ողջ տեսականու գները

Ucom-ը շարունակում է ամառային գնիջեցման ֆանտաստիկ երթը։ Այս անգամ կտրուկ իջել են Samsung ապրանքանիշի J և S դասի սմարթֆոնների ողջ տեսականու գները, ընդ որում նաև ...

Business

image

Beeline. կանցկացվի հոբելյանական «3-րդ սերունդ» ստաժավորման ծրագիրը

Beeline-ը հայտարարում է 10-րդ հոբելյանական «3-րդ սերունդ» ստաժավորման ծրագրի անցկացման մասին։ Ծրագրի նպատակն է ընկերություն ներգրավել լավագույն երիտասարդ կադրեր։ Ծրագրին մասնակցելու համար կարող են դիմել բարձր ...

Various

image

Beeline. մեկնարկում է ստարտափների աջակցությանը ուղղված ՍտարտՀաբ նախագիծը

Beeline-ը և Տեխնոլոգիական Զարգացման Կենտրոն հիմնադրամը հայտարարում են հայկական ստարտափների տեղեկատվական աջակցության ՍտարտՀաբ նախագծի Օֆլայն՝ հարթակի մեկնարկի մասին։ ՍտարտՀաբ Օֆլայնը միջոցառումների շարք է, որի ընթացքում ...

Bloggers

Վահագն Օհանջանյան
Newsmaker Geek
Samvel Chakhalyan
Beeline Armenia
Ինտերակտիվ
Ucom
Vivacell-MTS