Մարտ, 2024
March 2024
M T W T F S S
 123
45678910
11121314151617
18192021222324
25262728293031
Beeline. 4G ցանցը հասանելի է դարձել 14 նոր քաղաքում
10/11/2017 18:50

Beeline. 4G ցանցը հասանելի է դարձել 14 նոր քաղաքում

Հայաստանում Beeline-ը հայտարարում է այս տարվա կեսին մեկնարկած բջջային ցանցի լայնածավալ արդիականացման ծրագրի ավարտի մասին։ Հայաստանում Beeline-ի ներկայության ամբողջ ընթացքում սա ենթակառուցվածքների ամենախոշոր արդիականացումն է՝ իր ծավալով և ներդրումների չափով։

Ծրագրի շրջանակում ընկերությունը նորացրել է երկրի բոլոր բազային կայանների սարքավորումները, բազմապատկել է բջջային ցանցերի թողունակությունն ու ծածկույթը։ Մասնավորապես, 4G ցանցը հասանելի է դարձել 14 նոր քաղաքներում, իսկ Երևանում ցանցի ծածկույթն ավելացել է 30 %-ով։ 4G ցանցում 60 Մբ/վրկ-ով բարձրացել է տվյալների փոխանցման արագությունը։ Beeline-ի երրորդ սերնդի ցանցը նույնպես ընդլայնվել է և այժմ դրա ծածկույթը հասանելի է Հայաստանի բնակչության 82%-ին։

«Մեծ սիրով հայտարարում եմ Հայաստանի ողջ տարածքում Beeline-ի բջջային ցանցի արդիականացման ծրագրի հաջող ավարտի մասին։ Մեր առջև դրված էր հավակնոտ նպատակ, որը վերաբերում էր ամբողջ մի երկրի և հարյուր հազարավոր մեր բաժանորդների։ Նրանցից յուրաքանչյուրի համար մեր ծառայություններն այժմ դարձել են ավելի ժամանակակից, արագ ու որակյալ, և մենք շարունակելու ենք աշխատել, որպեսզի դրանք լինեն ավելի պարզ և հարմար», – նշեց Հայաստանում Beeline-ի Գլխավոր տնօրեն Անդրեյ Պյատախինը:

«Ցանկանում եմ առանձին շնորհակալություն հայտնել Beeline-ի բոլոր այն աշխատակիցներին, ովքեր մասնակցել են արդիականացման ծրագրին։ Ձեր պրոֆեսիոնալիզմը թույլ տվեց ամբողջովին փոխարինել սարքավորումները ողջ երկրի տարածքով և անել դա այնպես, որ կապը ընթացքում չընդհատվի ու բաժանորդները ցանկացած պահի կարողանան օգտվել մեր ծառայություններից», – ասաց Հայաստանում Beeline-ի Տեխնիկական բլոկի տնօրեն Մաքսիմ Լևինը։

Նշենք, որ արդիականացումից հետո Beeline-ի 2G ցանցի ծածկույթն ընդգրկում է Հայաստանի բնակչության 98,6%-ը, որը երկրի համար ռեկորդային ցուցանիշ է։

———–

«ՎԵՈՆ Արմենիա» ՓԲԸ-ն (Beeline ապրանքանիշ) հանդիսանում է «Վեոն» ընկերությունների խմբի մի մասը, որը հանդիսանում է աշխարհի խոշորագույն ինտեգրված օպերատորներից մեկը: Ընկերությունների խումբն ընդգրկում է մի շարք հեռահաղորդակցության ընկերություններ, որոնք մատուցում են ինչպես անլար և ամրակցված կապի տեխնոլոգիաների լայն շրջանակի վրա հիմնված ձայնային կապի ու տվյալների հաղորդման, այնպես էլ լայնաշերտ ինտերնետ հասանելիության ծառայություններ ավելի քան 235 մլն. բաժանորդների Ռուսաստանում, Իտալիայում, Ուկրաինայում, Ղազախստանում, Ուզբեկստանում, Տաջիկստանում, Հայաստանում, Վրաստանում, Ղրղզստանում, Լաոսում, Ալժիրում, Բանգլադեշում և Պակիստանում: «ՎիմպելԿոմ» խմբի ընկերությունները ծառայություններ են մատուցում «Beeline», «Киевстар», «Wind», «Mobilink», «Banglalink» և «Djezzy» ապրանքանիշերի ներքո: Մանրամասներին կարելի է ծանոթանալ www.veon.com կայքում: