Մարտ, 2024
March 2024
M T W T F S S
 123
45678910
11121314151617
18192021222324
25262728293031
Հեքըթոնի հաղթողները ստացան իրենց մրցանակները
08/11/2017 14:51

Հեքըթոնի հաղթողները ստացան իրենց մրցանակները

Մայքրոսոֆթ ինովացիոն կենտրոն Հայաստանի գրասենյակում տեղի ունեցավ Beeline Հայաստանի հետ համատեղ անցկացված Հեռահաղորդակցության հեքըթոնի մրցանակների հանձնման արարողությունը։

Հայաստանում Beeline-ի գլխավոր տնօրեն Անդրեյ Պյատախինը 3000 դոլարին համարժեք գումարի չափով մրցանակով պարգևատրեց հաղթող Lezoo թիմին, ովքեր հեքըթոնի ընթացքում մշակել էին խմբակային զանգի հնարավորություն և համաժամանակյա թարգմանություն ապահովող մի լուծում։ Լուծումը տեխնոլոգիական տեսանկյունից բավականին նորարար էր ու բարդ և մեծ հետաքրքրություն կարող է ներկայացնել հեռահաղորդակցության օպերատորների համար։

Երկրորդ մրցանակին արժանացած iterate և megista թիմերը ստացան 1000-ական ԱՄՆ դոլարին համարժեք գումարի չափով մրցանակներ։ Iterate թիմը հեքըթոնի 24 ժամվա ընթացքում մշակել էր մի լուծում, որը թույլ է տալիս հեռահաղորդակցության կապից օգտվողին տեսահոլովակներ նայելու միջոցով հավաքել միավորներ և հետագայում այդ միավորները փոխանակել հեռախոսակապի րոպեների հետ։ Իսկ megista թիմի մշակած պրոդուկտը թույլ է տալիս հաճախորդի տվյալների վերլուծության հիման վրա նրան առաջարկել օպերատորի ամենահարմար սակագնային պլանը։

«Ներկա դրությամբ թվային լուծումներն են բիզնեսի ապագայի գրավականը, և շատ կարևոր է, որպեսզի Հայաստանում այդ լուծումներ մշակելու և կիրառելու ավանդույթ ձևավորվի։ Մենք որպես ՏՏ և հեռահաղորդկացության ոլորտում աշխատող ընկերություն լավ գիտակցում ենք այդ ամենի կարևորությունը և ցանկանում ենք աջակցել Հայաստանում թվային լուծումների զարգացմանը», – նշեց Հայաստանում Beeline-ի գլխավոր տնօրեն Անդրեյ Պյատախինը:

«Հաղթող թիմերի լուծումները մշակված են նորագույն տեխնոլոգիաների հիման վրա: Նրանց հետագա զարգացման և ճիշտ շուկայահանման դեպքում կարող են դառնալ բավականին նորարար և եկատմաբեր պրոդուկտներ, որոնցով հետաքրքրված կլինեն հեռահաղորդակցության տարբեր օպերատորներ», – նշում է Մայքրոսոֆթ ինովացիոն կենտրոնի տնօրեն Արտաշես Վարդանյանը։

Հայաստանում Beeline-ի գլխավոր տնօրեն Անդրեյ Պյատախինը և Մայքրոսոֆթ ինովացիոն կենտրոնի Հայաստանի տնօրեն Արտաշես Վարդանյանը հեքըթոնի հաղթող թիմերի հետ քննարկեցին նաև նրանց մշակած պրոդուկտներիի հետագա զարգացման հնարավորությունները, պոտենցիալ շուկաները և թիմերի հետ հնարավոր համագործակցությունը։

———–

«ՎԵՈՆ Արմենիա» ՓԲԸ-ն (Beeline ապրանքանիշ) հանդիսանում է «Վեոն» ընկերությունների խմբի մի մասը, որը հանդիսանում է աշխարհի խոշորագույն ինտեգրված օպերատորներից մեկը: Ընկերությունների խումբն ընդգրկում է մի շարք հեռահաղորդակցության ընկերություններ, որոնք մատուցում են ինչպես անլար և ամրակցված կապի տեխնոլոգիաների լայն շրջանակի վրա հիմնված ձայնային կապի ու տվյալների հաղորդման, այնպես էլ լայնաշերտ ինտերնետ հասանելիության ծառայություններ ավելի քան 235 մլն. բաժանորդների Ռուսաստանում, Իտալիայում, Ուկրաինայում, Ղազախստանում, Ուզբեկստանում, Տաջիկստանում, Հայաստանում, Վրաստանում, Ղրղզստանում, Լաոսում, Ալժիրում, Բանգլադեշում և Պակիստանում: «ՎիմպելԿոմ» խմբի ընկերությունները ծառայություններ են մատուցում «Beeline», «Киевстар», «Wind», «Mobilink», «Banglalink» և «Djezzy» ապրանքանիշերի ներքո: Մանրամասներին կարելի է ծանոթանալ www.veon.com կայքում:

Հայաստանի Մայքրոսոֆթ ինովացիոն կենտրոնը սկսել է իր գործունեությունը 2011 թվականին Ձեռնարկությունների Ինկուբատոր հիմնադրամի, ԱՄՆ Միջազգային զարգացման գործակալության (USAID) և Մայքրոսոֆթ կորպորացիայի համատեղ ջանքերով: Ստեղծումից անմիջապես հետո Կենտրոնը միացել է ինովացիոն կենտրոնների համաշխարհային ցանցին և սկսել ակտիվ գործունեություն ծավալել Մայքրոսոֆթի կողմից ողջ աշխարհում նորարար և սետղծագործ մտքի զարգացման նպատակով  իրականացվող նախաձեռնությունների շրջանակում:

Ի˚նչ է Հեքըթոնը. Սիլիկոնե հովտում սկիզբ առած այս միջոցառման ձևաչափը թույլ է տալիս նորագույն տեխնոլոգիաների կիրառման, թիմային աշխատանքի եւ ծրագրավորողների ու չ’ծրագրավորողների, այսինքն` այլ ոլորտների մասնագետների համագործակցության միջոցով առկա խնդիրների արդյունավետ լուծումներ առաջարկել: