374
21
2808
16-ամյա Էդգարը ստեղծել է դպրոցական զանգի ավտոմատացված համակարգ. սեպտեմբերի 1-ին այն կգործարկվի

16-ամյա Էդգարը ստեղծել է դպրոցական զանգի ավտոմատացված համակարգ. սեպտեմբերի 1-ին այն կգործարկվի

Սիսիանի ավագ դպրոցի 11-րդ դասարանի աշակերտ, 16-ամյա Էդգար Պողոսյանը հանդես է եկել հետաքրքիր նախաձեռնությամբ։ Վեբ հարթակում նա պատրաստել է դպրոցական զանգի ավտոմատացված համակարգ։ Եվ այժմ Էդգարը սպասում է սեպտեմբերի 1-ին իր դպրոցում իր ստեղծած պրոդուկտը գործարկելու համար։

Էդգար Պողոսյանը Սիսիանի ավագ դպրոցի «Արմաթ» ինժեներական լաբորատորիայի սան է։ Ծրագրավորման առաջին քայլերը սովորել է 2015թ. քաղաքի մեծահասակների կենտրոնում, այնուհետև 2016-ին` ավագ դպրոցում Ինֆորմացիոն տեխնոլոգիաների ձեռնարկությունների միության կողմից «Արմաթ» ինժեներական լաբորատորիա բացվելուն պես, տեղափոխվել է այնտեղ և հմտությունները զարգացրել ինժեներական լաբորատորիայում։

Էդգարի ստեղծած զանգի ավտոմատացված համակարգը կոչվում է Clever Sentry՝ խելացի ժամապահ։ Այն հասանելի է վեբ հարթակում՝ csentry.com։ Clever Sentry-ն կարելի է գործարկել նաև բջջային հեռախոսով։ Համակարգն ունի չորս հիմնական գործառույթ` զանգը հնչում է ճիշտ ժամանակին, և պարտադիր չէ, որ ինչ-որ մեկը նստի ուսուցչանոցում, անընդհատ նայի ժամացույցին և հնչեցնի զանգը։ Համակարգն ունի տագնապի զանգ՝ առանձին կոճակը տալիս է տագնապի ազդանշան։ Երրորդ գործառույթն օգնում է, որպեսզի դասամիջոցներին հնչեն երգեր։ Ընդ որում, ձայնադարանում Էդգարի կողմից հատուկ ընտրված երգեր են. այստեղ բացառված է ռաբիսը, հիմնականում հայկական ազգագրական, հայրենասիրական երգեր են, որոնց միջոցով աշակերտների մոտ կսերմանվեն ազգային արժեքներ։ Բացի երգերից, հնարավոր է միացնել նաև թեմատիկ նյութեր. օրինակ, Եղիշե Չարենցի ծննդյան օրը՝ նրա մասին պատմող որևէ նյութ։ Եվ համակարգի չորրորդ գործառույթը՝ դասը սկսելուց անմիջապես առաջ հնչում է ՀՀ օրհներգը։

Էդգարը նշում է, որ Սիսիանի 5 դպրոցներից 3-4-ում Clever Sentry-ը սեպտեմբերի 1-ից կսկսի աշխատել, այդ թվում` իր դպրոցում։ Կրթօջախներն արդեն տեղադրել են համապատասխան տեխնիկան։

16-ամյա Էդգարը մինչ Clever Sentry-ը պատրաստելը ծրագրավորման բավականին փորձ է ունեցել։ Կայքեր է ստեղծել, գումար աշխատել։ Ասում է, որ նպատակ ունի Clever Sentry-ն ավելի շատ դպրոցներում տարածել, հանրայնացնել։

Clever Sentry-ն ուն կարգախոս՝ ապագան սկսվում է դպրոցից։ Էդգարը կարծում է՝ եթե մարդ ստանա որակյալ կրթություն, կկարողանա ճիշտ կերտել իր ապագան։

Ի դեպ, csentry.com կայքն ունի հատուկ բաժին, որտեղ ուսումնատենչ աշակերտները կարող են տեսնել, թե քանի օր, ժամ, րոպե և վայրկյան է մնացել սեպտեմբերի մեկին։

Կարճ հասցե: geek.am/u/5544.html
Apps Էդգար Պողոսյան Clever Sentry

Latest News

1 2 3 4 5 >
Ամբողջը` 2546 : Ցուցադրված է` 1 - 15 :

Tech

image

Beeline. 4G ցանցը հասանելի է դարձել 14 նոր քաղաքում

Հայաստանում Beeline-ը հայտարարում է այս տարվա կեսին մեկնարկած բջջային ցանցի լայնածավալ արդիականացման ծրագրի ավարտի մասին։ Հայաստանում Beeline-ի ներկայության ամբողջ ընթացքում սա ենթակառուցվածքների ամենախոշոր արդիականացումն է՝ ...

Code

image

Վիվասել-ՄՏՍ. Seedstars մրցույթին դիմում-հայտ է ներկայացրել ավելի քան 50 ստարտափ

Մայքրոսոֆթ ինովացիոն կենտրոն Հայաստանը ՎիվաՍել-ՄՏՍ-ի հետ համատեղ կազմակերպում է «Seedstars» միջազգային մրցույթի տեղական փուլը, որին արդեն իսկ  դիմում-հայտ է ներկայացրել տարբեր ոլորտներում նորարարական լուծում ներկայացնող ...

Web

image

Ավելի արագ Facebook Հայաստանում

Ucom-ն առաջին ընկերությունն է Հայաստանում, որն իր տվյալների կենտրոնում գործարկվել է Facebook սոցիալական ցանցի շտեմարանը (Facebook cache)` անելով հերթական քայլը Հայաստանում թվային բովանդակության զարգացման և ...

Mobile

image

2018թ.-ին հնարավոր է iPhone X-ի հիմքի վրա երեք նոր սմարթֆոն թողարկվի

KGI Securities ընկերության վերլուծաբան Մինգ-Չի Կուոն, ով հայտնի է ՏՏ ընկերություններում իր ունեցած կապերով, հայտնել է, որ հաջորդ տարի Apple կորպորացիան iPhone X սմարթֆոնի հիմքի ...

Business

image

ՎիվաՍել-ՄՏՍ-ում կայացել է iPod ապրանքանիշի ստեղծող Թոնի Ֆադելի հանդիպումը ՏՀՏ հայկական համայնքի ներկայացուցիչների հետ

Այսօր ՏՏ ոլորտում համաշխարհային ներդրման համար ՀՀ նախագահի մրցանակի դափնեկիր, լիբանանյան ծագումով ամերիկացի գյուտարար, «Nest Labs» ընկերության հիմնադիր Թոնի Ֆադելն այցելել է ՎիվաՍել-ՄՏՍ-ի գլխամասային գրասենյակ: ...

Various

image

Ռոստելեկոմի աշխատակիցները մասնակցեցին արյունատվության ակցիային

«Ռոստելեկոմ» Հայաստանի անձնակազմը հոկտեմբերի 26-ին մասնակցեց արյունատվության ակցիային և արյուն նվիրաբերեց ՀՀ առողջապահության նախարարության Արյունաբանական կենտրոնում։ Արյունաբանական կենտրոնում ախտորոշվում, բուժվում և դիսպանսեր հսկողության տակ են գտնվում ...

Bloggers

Վահագն Օհանջանյան
IT Job
Newsmaker Geek
Samvel Chakhalyan
Beeline Armenia
ITJobs am
Bang2Joom
Ինտերակտիվ
Ucom
Mobidram