374
21
2808
Սևան ստարտափ սամիթ 2017. 50,000$ մրցանակային ֆոնդ և 200,000$ ներգրավելու հնարավորություն

Սևան ստարտափ սամիթ 2017. 50,000$ մրցանակային ֆոնդ և 200,000$ ներգրավելու հնարավորություն

«Սևան ստարտափ սամիթ 2017»-ի գլխավոր մրցանակը՝ 8000 դոլար, ստացավ Անիքս ստարտափը: ANIX-ը վիրտուալ օգնական է ցանցային միջավայրում, որն ավտոմատացնում է հաճախորդների սպասարկումը: Այն նաև վիրտուալ ավատար է սպասարկող անձնակազմի համար՝ օգտագործելով ձայնային և տեքստային կապի միջոցները:

5000 դոլար հատուկ մրցանակի արժանացավ «Թրիպլ»-ի ստարտափը: «Լենց» ստարտափը ստացավ 3000 դոլար մրցանակ: «Աուգմենտ-Ար», «Չեսիֆայ», «Տրիմառան հոթել», «Մատչ-ափ», «Փլեյ ընդ դու» ստարտափները ստացան 2500-ական  դոլար, «Սայբեր Մանթիս»-ը՝ 2000 դոլար: «Դևստեք», «Լոկատեք» ստարտափները ստացան 1000 դոլար, «Վի-մոբայլ», «Աուգմենտ-Ար» ստարտափները՝ 500 դոլար:

Խրախուսական մրցանակներ ստացան ևս մի քանի ստարտափներ: Նրանցից որոշները կստանան բիզնես խորհրդատվական ծառայություններ, մյուսների համար  փորձառու ընկերությունները կիրականացնեն մարկետինգային աուդիտ: Եղան նաև այնպիսի ստարտափներ, որոնց համար «Սևան ստարտափ սամիթ 2017»-ի գործընկերները պատրաստակամություն հայտնեցին ձևավորել տարբերանշան նպաստել կայքի ստեղծմանը, տրամադրել հատուկ դասընթացներ:

Մրցանակակիրների ոլորտները բազմազան էին՝ Սասնա ծռեր էպոսի հիման վրա համակարգչային խաղ, բույսերի աճին նպաստող ֆիտո լուսավորություն, եռաչափ տպիչներ, հայ կանանց կյանքը հեշտացնող հավելվածներ, հիվանդանոցներում ամրագրում անող հավելված, և այլ բազմաթիվ յուրօրինակ գաղափարներ: «Սևան ստարտափ սամիթ» 2017թ. 6-օրյա ճամբարն ավարտվեց, և կազմակերպիչները արդյունքը համարեցին հիանալի:

Զբոսաշրջության, սննդի, գյուղատնտեսության, գիտական ոլորտները ներկայացնող ստարտափները փակման նախորդ օրը հնարավորություն ունեցան ներկայացնել իրենց գաղափարները, իսկ ժյուրին՝ ընտրել լավագույններին: Պայքարի էր դուրս եկել 92 թիմ՝ 20 ջոկատի կազմում: Սևան էր ժամանել 10 երկրի ավելի քան 1000 մասնակից: Մինչև մրցանակների համար պայքարի ամենակարևոր օրը ճամբարային առօրյան մասնակիցների համար հագեցած և ավելի օգտակար  էր դառնում տարբեր փորձառու ընկերությունների ներկայացուցիչների հետ խարույկի շուրջ զրույցների շնորհիվ:

Սևան էր ժամանել նաև ռուս հաղորդավար, խոսքի և հաղորդակցության մասնագետ Դմիտրի Չումակը: Նա մասնակիցներին սովորեցրեց՝ ինչպես ավելի ազդեցիկ և տպավորիչ ներկայացնել բիզնես գաղափարները՝ ավելի հավանական դարձնելով ներդրողների կողմից ֆինանսավորում ստանալը:

«Այստեղ իրենց գաղափարները ներկայացրած բոլոր ստարտափները կարող են լուրջ հաջողությունների հասնել: Պետք է օգնել նրանց այդ հարցում, իսկ Հայաստանի ՓՄՁ ԶԱԿ-ը միշտ սկսնակների կողքին է եղել և կշարունակի լինել՝ աջակցության իր գործիքակազմով»,- «Արմենպրես»-ի հաղորդմամբ՝ հաղթողների ընտրության ժամանակ նշել էր Սևան ստարտափ սամիթի համակազմակերպիչ Հայաստանի ՓՄՁ ԶԱԿ-ի գործադիր տնօրեն Լևոն Մնացականյանը: Նրա խոսքով՝   միայն այն, որ այս տարի մասնակիցների թիվը գրեթե եռապատկվել է անցած տարվա համեմատ, վկայում է այն մասին, որ միջոցառումը պահանջված է և կդառնա ավանդական:

«Համոզված եմ, որ այսօրվա մրցանակակիր ստարտափներից շատերը մի քանի տարի անց հենց իրենք են լինելու մրցանակ հանձնող: Միգուցե տարիներ անց մենք Սևան Ստարտափ սամիթի շրջանակն ընդլայնենք, և այն դառնա միջազգային իրադարձություն՝ անցկացվելով ոչ միայն Սևանի լողափին, այլև Հնդկական, Խաղաղ և Ատլանտյան օվկիանոսների ափերին»,- ասաց Սրատրափ Արմենիա հիմնադրամի հիմնադիր Հակոբ Հակոբյանը:

«Սևան ստարտափ սամիթ 2017»-ի մյուս կազմակերպիչ՝ «Գլոբալ էյ-էմ» ՀԿ նախագահ Գևորգ Պողոսյանի կարծիքով՝ միջոցառումը Հայաստանը շուտով կդարձնի ստարտափների զարգացման գլխավոր կենտրոններից մեկը:

Միջոցառմանը ֆինանսական և տեխնիկական աջակցություն է տրամադրել նաև Գերմանիայի միջազգային համագործակցության ընկերությունը (ԳՄՀԸ)՝ ԵՄ ֆինանսավորմամբ իրականացվող «Աջակցություն ՓՄՁ զարգացմանը Հայաստանում» (SMEDA) ծրագրի շրջանակում: Ծրագրի ղեկավար Էվա Նեհերն ասաց. «Հիանալի էր այստեղ տեսնել այսքան շատ քանակի ստեղծարար գաղափարներով լեցուն երիտասարդների: Բոլորն այնքան լեցուն են էներգիայով և արարելու ցանկությամբ, որ բոլորին վարակում են»: Նրա խոսքով՝ SMEDA ծրագիրը մասնակիցներից մի քանիսի համար ֆինանսավորելու է սեպտեմբերին Բեռլինում կայանալիք ստարտափների համար նախատեսված միջոցառմանը: 

«Սևան ստարտափ սամիթ 2017»-ի ժամանցային մասը նույնպես բովանդակալից էր: Մասնակիցներին ջերմորեն ողջունեց Նազենի Հովհաննիսյանը, մաղթեց, որ նրանք կանգ չառնեն և չընկրկեն խոչընդոտների առաջ: Սրատրափների և հյուրերի համար կրակոտ երգեր կատարեց Սոֆի Մխեյանը: Նրանից հետո երեկոն ավելի թեժացրեց պրոֆեսիոնալ դիջեի՝ մի քանի ժամանոց պարային ծրագիրը:

Կարճ հասցե: geek.am/u/5539.html
Հայաստան Սևան ստարտափ սամիթ 2017 Startups Հայաստան

Latest News

1 2 3 4 5 >
Ամբողջը` 2633 : Ցուցադրված է` 1 - 15 :

Tech

image

ԻՏՁՄ. մայիսի 23-ին կկայանա միության տարեկան 18-րդ համաժողովը

Ինֆորմացիոն տեխնոլոգիաների ձեռնարկությունների միությունը ս.թ. մայիսի 23-ին կազմակերպում է միության տարեկան 18-րդ համաժողովը, որին կմասնակցեն ինչպես ԻՏՁՄ անդամները, այնպես էլ ոլորտի այլ առաջատար ընկերություններ, կրթական ...

Code

image

Ինտերնետում հասանելի կայքերի 30%-ի հիմքում Wordpress-ն է

Համացանցային միտումների վերլուծությամբ զբաղվող W3Techs ընկերության հրապարակված տվյալների համաձայն 2018թ. փետրվարի սկզբի դրությամբ համացանցում հասանելի կայքերի 30%-ի հիմքում Wordpress-ն է։ Նշվում է. որ 2015թ. նոյեմբերին ...

Web

image

Statista. ինչ է կատարվում ինտերնետում 60 վայրկյանում

Statista վիճակագրական գործակալությունը հրապարակել է ինտերնետին վերաբերող հետազոտության արդյունքները, որտեղ նշված է, թե ինչ է կատարվում ինտերնետում 60 վայրկյանում։ Ներկայացված տվյալները արտացոլում են 2017թ.-ի ցուցանիշները։ Հրապարակված ...

Mobile

image

Թողարկվել են Հռոմի Պապի և Հիսուսի նկարներով ոսկեպատ iPhone X սմարթֆոններ

Սմարթֆոնների և բջջային հեռախոսների թանկարժեք տարբերակների արտադրող Caviar ընկերությունը ներկայացրել է iPhone X սմարթֆոնի նոր շքեղացված տարբերակները։ Թողարկված մոդելները նվիրված են Զատկի տոնին։ iPhone X սմարթֆոնների ...

Business

image

Ucom. իջեցվել են 60-ից ավելի սմարթֆոնների գները և մեկնարկել է iPhone 8 Red-ի վաճառքը

Ամառային արձակուրդին ընդառաջ Ucom-ը վերանայել է 60-ից ավելի սմարթֆոնների գները, իչպես նաև մեկնարկել է նոր՝ iPHone 8 և iPhone 8 Plus Red մոդելների վաճառքը։ HTC, Huawei, ...

Various

image

Ucom-ը մրցութային կարգով աշխատանքի է ընդունել Պոլիտեխնիկական համալսարանի ուսանողների

Այսօր հանդիսավոր պայմաններում Ucom ընկերության և Հայաստանի ազգային պոլիտեխնիկական համալսարանի կողմից կազմակերպված «Տեղեկատվական և հեռահաղորդակցական ժամանակակից ցանցային տեխնոլոգիաներ» դասընթացը հաջողությամբ հաղթահարած ուսանողներն ավարտական հավաստագրեր են ...

Bloggers

Վահագն Օհանջանյան
Newsmaker Geek
Samvel Chakhalyan
Beeline Armenia
Ինտերակտիվ
Ucom
Vivacell-MTS