374
21
2808
Կարեն Կարապետյանն այցելել է Տեղ գյուղի նորաբաց «Արմաթ» ինժեներական լաբորատորիա

Կարեն Կարապետյանն այցելել է Տեղ գյուղի նորաբաց «Արմաթ» ինժեներական լաբորատորիա

Մարտի 10-ին Ինֆորմացիոն տեխնոլոգիաների ձեռնարկությունների միության (ԻՏՁՄ) և «Գոր մետալ» ընկերության աջակցությամբ Սյունիքի մարզի Տեղ գյուղի թիվ 1 միջնակարգ դպրոցում բացվել է անվճար հիմունքներով գործող «Արմաթ» ինժեներական լաբորատորիա:
Նորաբաց «Արմաթ» լաբորատորիա է այցելել ՀՀ վարչապետ Կարեն Կարապետյանը: ԻՏՁՄ գործադիր տնօրեն Կարեն Վարդանյանը վարչապետին ներկայացրել է Միության կողմից իրականացվող կրթական համակարգում ինժեներական լաբորատորիաների ներդրման ծրագրի նպատակներն ու հնարավորությունները: Կարեն Կարապետյանը իր հերթին կարևորել է տեխնոլոգիական կրթության շարունակական զարգացումը մեր երկրում և ընդգծել, որ Հայաստանի համար տեղեկատվական տեխնոլոգիաների ոլորտը կարող է դառնալ տնտեսության առաջընթացի շարժիչ ուժ:

Հարկ է նշել, որ «Արմաթ» ինժեներական լաբորատորիայում տեխնոլոգիական անվճար կրթություն կստանան ինչպես Տեղ գյուղի, այնպես էլ հարակից բնակավայրերի դպրոցականները: Եռաչափ տպիչով, համակարգիչներով և ռոբոտաշինության հավաքածուներով կահավորված ժամանակակից այս լաբորատորիայում աշակերտները կսովորեն ծրագրավորման և ռոբոտաշինության հիմունքներ:

«Արմաթ» ինժեներական լաբորատորիաների սաները արտաժամյա դասընթացներից բացի կմասնակցեն նաև մի շարք խրախուսական միջոցառումների (Ամառային տեխնոլոգիական և «ԴիջիՔեմփ» ինովացիոն ճամբարներ, «ԴիջիԿոդ» ծրագրավորման պատանեկան մրցույթ, «Ական փնտրող ռոբոտներ» և «Անօդաչու թռչող սարքերի» մրցույթներ, «Բաց խաղ» առաջնություն և այլն), որտեղ վերջիններս կկիրառեն իրենց ձեռք բերած հմտությունները ու կընդգրկվեն ավելի լայն և ստեղծագործական միջավայրի մեջ, կծանոթանան մյուս դպրոցների խմբակների աշակերտների հետ և այլն:

«Արմաթ» ինժեներական լաբորատորիաները, որոնք մարզային հավասարաչափ զարգացման նպատակով առաջնահերթ հիմնվում են մարզերում, գործում են ՀՀ-ի (ներառյալ Արցախի) շուրջ 200 դպրոցներում: «Արմաթ»-ում այժմ սովորում են ավելի քան 5000 դպրոցականներ: ԻՏՁՄ ծրագրում է, որպեսզի տեխնոլոգիական կրթության հավասար պայմաններ ստեղծվեն բոլոր երեխաների համար և նման լաբորատորիաներ հիմնվեն բոլոր դպրոցներում:

Հավելենք, որ «Արմաթ» խմբակ-լաբորատորիաներն արժանացել են երկու՝ «Կայուն զարգացման» և «Տեխնոլոգիական կրթության լավագույն մատակարարի» միջազգային մրցանակների:

Կարճ հասցե: geek.am/u/5476.html
ԻՏՁՄ Արմաթ ինժեներական լաբորատորիա Կարեն Կարապետյան

Latest News

1 2 3 4 5 >
Ամբողջը` 2640 : Ցուցադրված է` 1 - 15 :

Tech

image

Պաշտպանության նախարարություն. մրցույթ՝ ՏՏ ոլորտի մասնագետ զորակոչիկների համար

Մրցույթին կարող են մասնակցել 2018թ. ամառային զորակոչի ժամանակ զորակոչի ենթակա տեղեկատվական և հաղորդակցական տեխնոլոգիաների, ինչպես նաև բարձր տեխնոլոգիաների ոլորտներում խորը մասնագիտական գիտելիքներ ու համապատասխան խնդիրներ ...

Code

image

Ինտերնետում հասանելի կայքերի 30%-ի հիմքում Wordpress-ն է

Համացանցային միտումների վերլուծությամբ զբաղվող W3Techs ընկերության հրապարակված տվյալների համաձայն 2018թ. փետրվարի սկզբի դրությամբ համացանցում հասանելի կայքերի 30%-ի հիմքում Wordpress-ն է։ Նշվում է. որ 2015թ. նոյեմբերին ...

Web

image

Statista. ինչ է կատարվում ինտերնետում 60 վայրկյանում

Statista վիճակագրական գործակալությունը հրապարակել է ինտերնետին վերաբերող հետազոտության արդյունքները, որտեղ նշված է, թե ինչ է կատարվում ինտերնետում 60 վայրկյանում։ Ներկայացված տվյալները արտացոլում են 2017թ.-ի ցուցանիշները։ Հրապարակված ...

Mobile

image

Վիվասել-ՄՏՍ. Համաշխարհային նորույթ՝ «Honor 10» սմարթֆոնի նախապատվերի ընդունում

ՎիվաՍել-ՄՏՍ-ը տեղեկացնում է, որ «Honor 10» սմարթֆոնն արդեն հասանելի է նախնական պատվերի համար: «Honor 10» սմարթֆոնն ունի արհեստական բանականությամբ օժտված 24 ՄՊ լուծաչափով լուսա- և տեսախցիկ, ...

Business

image

Ucom. բաժանորդների համար 43 երկրում կգործի 15 դրամ/ՄԲ ռոմինգի հատուկ սակագինը

Այսօրվանից Ucom շարժական կապի բաժանորդները 43 երկրներ մեկնելիս կօգտվեն շարժական ինտերնետի հատուկ՝ 15 դրամ/ՄԲ սակագնից։ Մասնավորապես հիմնական զբոսաշրջային ուղղություններով՝ Վրաստանում, Եգիպտոսում, Հունաստանում, Կիպրոսում, Իտալիայում, Իսպանիայում, ...

Various

image

Beeline. բարելավվում են աշխատանքի ընդունման գործընթացները

Beeline-ը հայտարարում է մարդկային ռեսուրսների կառավարման ժամանակակից և թվային մեթոդների ներմուծման մասին։ Մասնավորապես, աշխատանքի ընդունվելու համար նախնական հարցազրույցն արդեն կարելի է անցնել վիդեո տարբերակով՝ ընկերության կայքի ...

Bloggers

Վահագն Օհանջանյան
Newsmaker Geek
Samvel Chakhalyan
Beeline Armenia
Ինտերակտիվ
Ucom
Vivacell-MTS