374
21
2808
Ինտերնետ բաժանորդների քանակը և առաջատար պրովայդերները Հայաստանում - 2016թ. III եռամսյակ

Ինտերնետ բաժանորդների քանակը և առաջատար պրովայդերները Հայաստանում - 2016թ. III եռամսյակ

Հայաստանի հեռահաղորդակցության ոլորտում գործող ընկերությունները հրապարակել են 2016թ.-ի III եռամսյակի գործունեության ամփոփ հաշվետվությունները: Սույն հաշվետվությունների հիման վրա կատարած վերլուծությունների արդյունքում «Բիզնես 24»-ը կներկայացնի Հայաստանում Ինտերնետ շուկայի հիմնական միտումները:

Բաժանորդների թիվ

Բաժանորդների թվով առաջատարն է Ucom ընկերությունը: 2016թ.-ի երրորդ եռամսյակի դրությամբ Ucom-ի ամրակցված լայնաշերտ ինտերնետի բաժանորդների թիվը կազմել է 81,535, ինչը 2016թ երկրորդ եռամսյակի ցուցանիշից ավել է 1,682-ով, իսկ 2015թ. երրորդ եռամսյակի ցուցանիշից ավել 9,873 բաժանորդով: Միևնույն ժամանակ, Ucom-ի շարժական ինտերնետի բաժանորդների քանակը (բացառությամբ հեռախոսներով օգտվողների) կազմել է 124,659, ինչը 2016թ․երկրորդ եռամսյակի ցուցանիշից ավել է 3,836-ով, իսկ 2015թ.-ի երրորդ եռամսյակի համեմատ շարժական ինտերնետի բաժանորդների թիվը կրճատվել է 6,086 բաժանորդով: Հեռախոսի միջոցով տվյալների հաղորդման ծառայություններից օգտվող բաժանորդների թիվը 2016թ.-ի երրորդ եռամսյակում կազմել է 266,434: Այս ցուցանիշը 2016թ.-ի երկրորդ եռամսյակի համեմատ աճել է 1,461-ով, իսկ 2015թ․երրորդ եռամսյակի համեմատ արձանագրվել է կրճատում 18,235 բաժանորդով:

Բաժանորդների թվով երկրորդն է Beeline-ը: 2016թ.-ի երրորդ եռամսյակի դրությամբ Beeline-ի ամրակցված լայնաշերտ ինտերնետի բաժանորդների թիվը կազմել է 140,327, ինչը 2016թ երկրորդ եռամսյակի ցուցանիշից պակաս է 2,280-ով, իսկ 2015թ.երրորդ եռամսյակի ցուցանիշից պակաս 8,672-ով: Միևնույն ժամանակ, Beeline-ի շարժական ինտերնետի բաժանորդների քանակը (բացառությամբ հեռախոսներով օգտվողների) կազմել է 50,113, ինչը 2016թ․երկրորդ եռամսյակի ցուցանիշից ավել է 7,469-ով, իսկ 2015թ.-ի երրորդ եռամսյակի համեմատ շարժական ինտերնետի բաժանորդների թվի աճը կազմել է 8.609 բաժանորդ: Հեռախոսի միջոցով տվյալների հաղորդման ծառայություններից օգտվող բաժանորդների թիվը 2016թ.-ի երրորդ եռամսյակում կազմել է 365,042: Այս ցուցանիշը 2016թ.-ի երկրորդ եռամսյակի համեմատ աճել է 27,147-ով, իսկ 2015թ․երրորդ եռամսյակի համեմատ արձանագրված աճը կազմել է 27,991 բաժանորդ:

Վիվասել-ՄՏՍ-ի շարժական լայնաշերտ ինտերնետի բաժանորդների թիվը (բացառությամբ հեռախոսով օգտվողների) 2016թ.-ի երրորդ եռամսյակում կազմել է 72,368: 2016թ. երկրորդ եռամսյակի համեմատ ցուցանիշն աճել է 4,763-ով, իսկ 2015թ.-ի երրորդ եռամսյակի համեմատ արձանագրվել է անկում 101 բաժանորդով: Միևնույն ժամանակ, հեռախոսի միջոցով տվյալների հաղորդման ծառայություններից օգտվող բաժանորդների թիվը 2016թ. երկրորդ եռամսյակի համեմատ աճել է 68,601-ով և կազմել 1,259,602, իսկ 2015թ.-ի երրորդ եռամսյակի համեմատ արձանագրվել է աճ 219,591 բաժանորդով:

Ռոստելեկոմի բաժանորդների թիվը 2016թ.-ի երրորդ եռամսյակի դրությամբ կազմել է 36,972: Սույն ցուցանիշը 2016թ. երկրորդ եռամսյակի համանման ցուցանիշը գերազանցում է 1,153-ով, իսկ 2015թ.-ի նույն ժամանակահատվածի համեմատ ցուցանիշն աճել է 5,811-ով:

Interactive-ի բաժանորդների թիվը 2016թ. երրորդ եռամսյակի դրությամբ կազմել է 5,411, ինչը 2016թ.-ի երկրորդ եռամսյակի ցուցանիշը գերազանցում է 199-ով, իսկ 2015թ.-ի երրորդ եռամսյակի ցուցանիշը՝ 581-ով:

Այլ պրովայդերների բաժանորդների թիվը մեր կողմից գնահատվում է Հայաստանում ինտերնետ բաժանորդների ընդհանուր թվի 2%-ի շրջակայքում՝ մոտ 10,430:

Այսպիսով, 2016թ.-ի երրորդ եռամսյակի դրությամբ Հայաստանում ինտերնետ բաժանորդների թիվը կազմում է մոտ 521,800, ինչը  մոտ 17.200 բաժանորդով ավել է քան 2016թ. երկրորդ եռամսյակի ցուցանիշը և մոտ 10,200-ով ավել, քան 2015թ.-ի երրորդ եռամսյակի ցուցանիշը:

Հեռահաղորդակցական ընկերությունների ունեցած մասնաբաժիններն ըստ ինտերնետ բաժանորդների քանակի հետևյալն է. 1. Ucom - 39.51% (-0.25 տոկ. կետ 2016թ. II եռ. նկատմամբ), 2. Beeline - 36.50% (-0.21), 3. Vivacell-MTS - 13.87% (+0.47), 4. Rostelecom - 7.08% (-0.02), 5. Interactive - 1.04% (+0.01), Այլ - 2%:

Բջջային ինտերնետ

Բջջային ինտերնետի բաժանորդների քանակը (բացառությամբ հեռախոսով օգտվողների) հետևյալն է. 1. Ucom - 124,659 (+3,836, 2016թ. II եռ. համեմատ), 2. Vivacell-MTS - 72,368 (+4,763), 3. Beeline - 50,113 (+7,469): Վերոնշյալ տվյալները, ներկայացված ըստ մասնաբաժինների, ունեն հետևյալ տեսքը՝ 1. Ucom - 50.44% (-1.85 տոկ. կետ,  2016թ. II եռ. համեմատ), 2. Vivacell-MTS - 29.28% (+0.03), 3. Beeline - 20.28% (+1.82):

Բջջային ինտերնետի (բացառությամբ հեռախոսով օգտվողների) բաժանորդների ընդհանուր քանակը 247,140 է: 2016թ. երկրորդ եռամսյակի համեմատ սույն ցուցանիշն աճել է 16,068-ով, իսկ 2015թ. երրորդ եռամսյակի համեմատ աճը կազմել է 2,422 բաժանորդ:

Բջջային հեռախոսով տվյալների փոխանակման ծառայություններից օգտվող բաժանորդների բաշխվածությունը հետևյալն է. 1. Vivacell-MTS - 1,259,602 (+68,601, 2016թ. II եռ. համեմատ), 2. Beeline - 365,042 (+27,147) , 3. Ucom - 266,434 (+1,461): Վերոնշյալ տվյալները, ներկայացված ըստ մասնաբաժինների, ունեն հետևյալ տեսքը՝ 1. Vivacell-MTS - 66.61% (+0.21, 2016թ. II եռ. համեմատ), 2. Beeline - 19.30% (+0.47), 3. Ucom - 14.09% (-0.68):

Բջջային հեռախոսով տվյալների փոխանակման ծառայություններից օգտվող բաժանորդների քանակը 1,891,078 է: 2016թ. երկրորդ եռամսյակի համեմատ սույն ցուցանիշն աճել է 97,209-ով, իսկ 2015թ. երրորդ եռամսյակի համեմատ արձանագրված աճը կազմել է 229,347 բաժանորդ։

Բաժանորդների ակտիվություն

«Բաժանորդների ակտիվության» ցուցանիշները ստանալու համար վերցվել են հեռահաղորդակցական ընկերությունների կողմից հրապարակվող «Մեկ բաժանորդին ընկնող միջին ամսական տրաֆիկ (MOaU, MbOU)» ցուցանիշները, բազմապատկվել բաժանորդների քանակի վրա և բաժանվել ըստ մասնաբաժինների: «Բաժանորդների ակտիվության» ցուցանիշներն ըստ էության այն ցուցանիշներն են, որոնք անցած մի քանի տարիների ընթացքում ներկայացվում էին «Բիզնես 24»-ի և «Circle.am»-ի կողմից հրապարակվող «Ինտերնետը Հայաստանում» զեկույցներում:

Այսպիսով, «Բաժանորդների ակտիվության» ցուցանիշների համաձայն պատկերը հետևյալն է. 1. Beeline - 40.87% (+0.70 տոկ. կետ, 2016թ. II եռ. համեմատ), 2. Ucom - 35.93% (-1.05), 3. Rostelecom - 14.56% (+0.07), 4. Vivacell-MTS - 5.76% (+0.23), 5. Interactive - 0.88 (+0.05), Այլ - 2%:

Մասնաբաժին շուկայում՝ ըստ հասույթի

Հեռահաղորդակցական ընկերությունների բաժանորդներից ստացված հասույթի մասնաբաժինները ստանալու համար վերցվել են հրապարակված «Ծառայությունների վաճառքից մեկ ակտիվ բաժանորդին ընկնող միջին ամսական հասույթ (ARPU)» ցուցանիշները, բազմապատկվել բաժանորդների քանակի վրա և բաժանվել ըստ մասնաբաժինների:

Այսպիսով, «Բաժանորդներից ստացված հասույթի» ցուցանիշների համաձայն պատկերը հետևյալն է. 1. Ucom - 45.43% (+0.59 տոկ. կետ, 2016թ. II եռ. համեմատ), 2. Beeline - 29.56% (-0.74), 3. Rostelecom - 11.97% (-0.04), 4. Vivacell-MTS - 8.71% (+0.47), 5. Interactive - 2.33% (-0.28), Այլ - 2%:

Կարճ հասցե: geek.am/u/5448.html
Internet Rostelecom Beeline Vivacell-MTS Ucom

Latest News

1 2 3 4 5 >
Ամբողջը` 2546 : Ցուցադրված է` 1 - 15 :

Tech

image

Beeline. 4G ցանցը հասանելի է դարձել 14 նոր քաղաքում

Հայաստանում Beeline-ը հայտարարում է այս տարվա կեսին մեկնարկած բջջային ցանցի լայնածավալ արդիականացման ծրագրի ավարտի մասին։ Հայաստանում Beeline-ի ներկայության ամբողջ ընթացքում սա ենթակառուցվածքների ամենախոշոր արդիականացումն է՝ ...

Code

image

Վիվասել-ՄՏՍ. Seedstars մրցույթին դիմում-հայտ է ներկայացրել ավելի քան 50 ստարտափ

Մայքրոսոֆթ ինովացիոն կենտրոն Հայաստանը ՎիվաՍել-ՄՏՍ-ի հետ համատեղ կազմակերպում է «Seedstars» միջազգային մրցույթի տեղական փուլը, որին արդեն իսկ  դիմում-հայտ է ներկայացրել տարբեր ոլորտներում նորարարական լուծում ներկայացնող ...

Web

image

Ավելի արագ Facebook Հայաստանում

Ucom-ն առաջին ընկերությունն է Հայաստանում, որն իր տվյալների կենտրոնում գործարկվել է Facebook սոցիալական ցանցի շտեմարանը (Facebook cache)` անելով հերթական քայլը Հայաստանում թվային բովանդակության զարգացման և ...

Mobile

image

2018թ.-ին հնարավոր է iPhone X-ի հիմքի վրա երեք նոր սմարթֆոն թողարկվի

KGI Securities ընկերության վերլուծաբան Մինգ-Չի Կուոն, ով հայտնի է ՏՏ ընկերություններում իր ունեցած կապերով, հայտնել է, որ հաջորդ տարի Apple կորպորացիան iPhone X սմարթֆոնի հիմքի ...

Business

image

ՎիվաՍել-ՄՏՍ-ում կայացել է iPod ապրանքանիշի ստեղծող Թոնի Ֆադելի հանդիպումը ՏՀՏ հայկական համայնքի ներկայացուցիչների հետ

Այսօր ՏՏ ոլորտում համաշխարհային ներդրման համար ՀՀ նախագահի մրցանակի դափնեկիր, լիբանանյան ծագումով ամերիկացի գյուտարար, «Nest Labs» ընկերության հիմնադիր Թոնի Ֆադելն այցելել է ՎիվաՍել-ՄՏՍ-ի գլխամասային գրասենյակ: ...

Various

image

Ռոստելեկոմի աշխատակիցները մասնակցեցին արյունատվության ակցիային

«Ռոստելեկոմ» Հայաստանի անձնակազմը հոկտեմբերի 26-ին մասնակցեց արյունատվության ակցիային և արյուն նվիրաբերեց ՀՀ առողջապահության նախարարության Արյունաբանական կենտրոնում։ Արյունաբանական կենտրոնում ախտորոշվում, բուժվում և դիսպանսեր հսկողության տակ են գտնվում ...

Bloggers

Վահագն Օհանջանյան
IT Job
Newsmaker Geek
Samvel Chakhalyan
Beeline Armenia
ITJobs am
Bang2Joom
Ինտերակտիվ
Ucom
Mobidram