Գաղտնիք չէ, որ սմարթֆոնների շուկան այժմ գերահագեցած է։ Այդ իսկ պատճառով արտադրող ընկերությունների համար գնալով ավելի դժվար դառնում բավարարել օգտատերերի պահանջները։ Սա վերաբերում է նաև առաջատար արտադրողներին՝ Apple, Samsung և այլն։

Ճապոնական Nikkei պարբերականը գրում է, որ Apple կորպորացիան հնարավոր է անցնի iPhone-ների արտադրության եռամյա ցիկլի։ Հիշեցնենք, որ այժմ iPhone-ները թողարկվում են երկամյա ցիկլով։

Apple-ի կողմից եռամյա ցիկլի ներդրման մասին է խոսում այն, որ սեպտեմբերին թողարկվելիք հերթական iPhone-ը այդքան էլ շատ չի տարբերվում iPhone 6s-ից, մեծ փոփոխություններ են սպասվում 2017թ․-ի աշնանը թողարկվելիք սմարթֆոններում։