Երբ խոսում ենք խոցելիության մասին, հիմնականում ի նկտաի ենք ունենում համակարգիչներն ու բջջային սաքերը, սակայն վերջերս այդ ցանկը զգալիորեն ընդլայնվել է: Բավականին լուրջ խոցելիություն է հայտնաբերվել Tesla Model S էլեկտրական ավտոմեքենայում, որից ճիշտ օգտվելու դեպքում հաքերները առանց որևէ բարդության կարող են առևանգել այն: 

Չինական Qihoo 360 ընկերության փորձագետների համոզմամբ՝ հաքերները, միջամտելով ավտոմեքենայի և էլեկտրական կախազարդի (բանալու) միջև տվյալների փոխանակման գործընթացին, կարող են «ջարդել» նույնականացման համակարգը: Հափշտակած ինֆորմացիան հնարավորություն կտա շրջանցել անվտանգության համակարգն ու առևանգել ավտոմեքենան: 

Tesla ընկերությունը չի հերքում խոցելիության առկայությունը և խոստանում է հնարավորինս արագ լուծում տալ խնդրին: