Չնայած ներկայում արտադրվող «խելացի» ժամացույցների լայն ընտրանուն՝ կա մի շատ կարևոր բան, որ միավորում է նրանց, և դա, բնականաբար, սարքերի ոչ այնքան մատչելի գինն է: Ստեղծված իրավիճակը կփորձի շտկել PIPO ընկերությունը, որը ծրագրում է մոտ ապագայում ընդամենը 20 ԱՄՆ դոլար արժողությամբ «խելացի» ժամացույց թողարկել:

Սարքի մասին մանրամասներ առայժմ չեն հրապարակվել: Ենթադրվում է, որ այն կարողանալու է հաշվարկել կալորիաներն ու արևի ճառագայթման ինտենսիվությունը, ինչպես նաև չափել ջերմաստիճանը: Բացի այդ, այն հագեցած է լինելու քնի վերահսկման ֆունկցիայով, իսկ աշխատանքը համակցվելու է սմարթֆոնի հետ: 

Ժամացույցն ունենալու է E-Ink տեխնոլոգիայով պատրաստված կլոր դիսփլեյ և ամրացվող գոտի: Թողարկման ամսաթվի և արժեքի վերաբերյալ մանրամասները դեռևս հայտնի չեն: