Աշխարհահռչակ The Black Eyed Peas հիփ-հոփ խմբի առաջատար Will.i.am-ն այսօր ներկայացնելու է իր «խելացի» ժամացույցը: Սարքի շնորհանդեսը տեղի է ունենալու  Սան Ֆրանցիսկոյում՝ Dreamforce ամենամյա կոնֆերանսի շրջանակներում: 

Սպասվում է, որ i.am+ «խելացի» ժամացույցը հնարավորություն է ընձեռելու զանգեր իրականացնել անգամ այն ժամանակ, երբ այն միացված չէ սմարթֆոնին: Սարքը հագեցած է լինելու Bluetooth և Wi-Fi մոդուլներով, ինչպես նաև Facebook, Twitter և Instagram սոցիալական ցանցերի հավելվածներով:

Ժամացույցն ունենալու է կոր դիսփլեյ և երաժշտական մի շարք առավելություններ, որոնց մշակմամբ ամենայն հավանականությամբ զբաղվել է բրիտանական 7digital ընկերությունը: 

Սարքի գնի և վաճառքի մեկնարկի վերաբերյալ մանրամասներ առայժմ չեն հրապարակվում: