Indiegogo համաֆինանսավորման կայքում ներկայացվել է Jibo ռոբոտը, որը ստեղծվել է Ձեր առաջադրանքները կատարելու համար:

Jibo-յի փոքրիկ գլխիկում տեղադրված տարատեսակ սենսորները, տեսախցիկներն ու հատուկ ծրագրերը հնարավորություն են տալիս ճանաչել մարդկանց դեմքերը և հետևել ձայնային հրահանգներին: Ռոբոտը հիշեցնում է կարևոր իրադարձությունների մասին և նույնիսկ բարձրաձայն կարդում է ընկերների կամ բարեկամների թողած հաղորդագրությունները: 

Երեկույթների ժամանակ իր շարժուն գլխիկով և երկու տեսախցիկներով Jibo-ն կարող է լուսանկարչի դեր կատարել: Ներկառուցված սենսորներն օգնում են ռոբոտին որոշել, թե երբ են մարդիկ կանգնում լուսանկարվելու համար և ավտոմատ կերպով լուսանկարում է:

Նշենք, որ նախնական պատվերի դեպքում Jibo ռոբոտի գինը կազմում է 499 ԱՄՆ դոլար: