Արդեն մի քանի ամիս է, ինչ գործում է Justdelete.me կայքը («Ուղղակի ջնջեք ինձ»): Այն առաջարկում է անվճար «ջնջել» օգտատերերի անհատական էջերն ու տվյալներն՝ արդեն ավելի քան 300 կայքից:

Կայքում ջնջելու մակարդակներն առանձնացված են գույներով: Օրինակ, Facebook-յան էջեր ջնջելը դասվում է միջին դժվարության մակարդակին, որը նշվում է դեղին գույնով:

Միևնույն ժամանակ, կանաչ գույնը ցույց է տալիս, որ տվյալ կայքում օգտատիրոջ անձնական էջը ջնջելը կլինի հեշտ, իսկ կարմիր գույնը վկայում է, որ ամբողջությամբ ջնջել հնարավոր չէ: Կան նաև սև գույնով նշված էջեր, ինչը նշանակում է, որ կայքից ջնջվելն անհնար է:

Justdelete.me կայքն աշխատում է ոչ թե հակերային ալգորիթմներով, այլ պարզապես տեղադրվել են ինտերնետ հղումներ, որտեղից հնարավոր կլինի ջնջել անձնական էջը: Ստեղծվել է նաև Google Chrome-ի համար հատուկ հավելված: