374
21
2808
AppCON 2013. Կոնֆերանս՝ նվիրված Հայաստանի բջջային բովանդակության զարգացմանը

AppCON 2013. Կոնֆերանս՝ նվիրված Հայաստանի բջջային բովանդակության զարգացմանը

Վաղը՝ նոյեմբերի 22-ին, Երևանում տեղի կունենա «AppCON 2013. բջջային բովանդակության զարգացումը Հայաստանում» կոնֆերանս: Այն կազմակերպում է «Տեխնոլոգիական Զարգացման Կենտրոն» Հիմնադրամը՝ «Արմենտել» ՓԲԸ (Beeline) աջակցությամբ: Կոնֆերանսի կազմակերպման նպատակի և քննարկման ներկայացված թեմաների շուրջ Geek.am-ը զրուցել է «Տեխնոլոգիական Զարգացման Կենտրոն» Հիմնադրամի տնօրեն Սամվել Չախալյանի հետ:

- Պրն. Չախալյան, ո՞րն է AppCON 2013 կոնֆերանսի նպատակը:

- AppCON 2013 կոնֆերանսի հիմնական նպատակն է աջակցել հայկական բջջային բովանդանդակության զարգացմանը, որին հասնելու համար տեսնում եմ երկու ուղի՝ ստեղծել նոր հավելվածներ ու ապահովել դրանց առաջխաղացումը, ինչու չէ նաև աջակցել արդեն ստեղծված նախագծերին: Բացի իր այս հիմնական նպատակին ծառայելուց՝ կոնֆերանսը կօգնի նաև հաստատել նոր բիզնես կապեր և գտնել համագործակցության նոր եզրեր:

Հարկ է նշել, որ այսօր Հայաստանում ծրագրավորման մակարդակը բավականին բարձր է: Ծրագրավորողների մեծ մասը աշխատում է արտասահմանյան ընկերությունների համար: Սա շատ գովելի է: Միևնույն ժամանակ, սա խոսում է այն մասին, որ հայաստանյան բիզնես միջավայրը, ինչպես նաև պետական հատվածը առայժմ այքան էլ չեն կարևորում բջջային բովանդակության ուղղությունը: Միայն վերջին մի քանի ամիսների ընթացքում է նկատվում «հայկական» բջջային հավելվածների ոլորտի  որոշակի ակտիվացում, ինչը լավ միտում է:

- Ո՞վքեր են կոնֆերանսի մասնակիցները:

- Կոնֆերանսին հրավիրված են մասնակցելու ծրագրավորողներ, բջջային ծրագրավորմամբ հետաքրքրվող մասնագետներ, ինչպես նաև բիզնեսի, կրթության, մշակույթի, առողջապահության և հասարակական գործունեության այլ ոլորտների ներկայացուցիչներ:

- Ի՞նչ թեմաներ են քննարկվելու կոնֆերանսի ժամանակ: Ովքե՞ր են հանդես գալու ելույթներով:

- Կոնֆերանսին հրավիրված են շատ հետաքրքիր հյուրեր: «ԱրմենՏել» ընկերության գլխավոր տնօրեն Անդրեյ Պյատախինը կխոսի բջջային բովանդակության զարգացման գործում հեռահաղորդակցության ընկերության դերի մասին: «Microsoft»-ի հայաստանյան գրասենյակի տնօրեն Գրիգոր Բարսեղյանը հանդես կգա «Microsoft-ի փորձը. Հայալեզու հավելվածների զարգացումը ОС Windows Phone բազայի հիման վրա» զեկույցով:

Ունենք հյուրեր Ռուսաստանից: SPB TV ընկերության զարգացման և էլեկտրոնային բովանդակության գծով տնօրեններ Դմիտրի Ֆիլիպովը և Պյոտր Շերբակովը կխոսեն Ռուսաստանում և ԱՊՀ երկրներում բջջային հավելվածների շուկայի միտումների մասին:

Հայաստանում բիզնեսի համար բջջային հավելվածների ստեղծման իրենց փորձը կներկայացնի mLab ECA մոբայլ լուծումների տարածաշրջանային լաբորատորիայի տնօրեն Մարիամ Դավթյանը: PicsАrt ընկերության գլխավոր օպերացիոն տնօրեն Արտավազդ Մեհրաբյանը կներկայացնի հանրահյատ այս նախագծի հաջողության բանաձևը:

Կոնֆերանսի երկրորդ մասում կլինեն քննարկումներ՝ երկու ողղությամբ՝ «Բջջային տեխնոլոգիաները բիզնեսում» և «Բջջային տեխնոլոգիաների և բջջային բովանդակության զարգացումը հանրային ոլորտում» թեմաներով:

- «Տեխնոլոգիական Զարգացման Կենտրոն» Հիմնադրամն ի՞նչ ծրագրեր ունի առաջիկայում:

- Մեր հիմանդրամը հաջորդ տարվա ընթացքում կիրականացնի գործնական մեծ աշխատանք, որի արդյունքում կստեղծվեն մեծ քանակությամբ հայկական բովանդակությամբ արդյունավետ հավելվածներ: Մենք պատրաստվում ենք կոնֆերանսի ընթացքում մանրամասն ներկայացնել մեր առաջիկա ծրագրերը, այնպես որ, բոլորին հրավիրում եմ: Կարծում եմ բավական հետաքրքիր կլինի:

Կարճ հասցե: geek.am/u/3106.html

Latest News

1 2 3 4 5 >
Ամբողջը` 2587 : Ցուցադրված է` 1 - 15 :

Tech

image

Հայկական WooChess–ը գրոսմայստերներին կկապի սկսնակ շախմատիստների հետ

Հայաստանում օրեցօր ստեղծվում են նոր սթարթափներ, յուրաքանչյուրը փորձում է լուծել որևէ խնդիր, լրացնել այն պակասը, որ զգացել է։ Սահմանում գլոբալ նպատակներ` հաջողված բիզնեսից մինչև աշխարհը ...

Code

image

Apple-ը հրապարակել է 2017թ. ամենաշատ ներբեռնված հավելվածների ցուցակը

Apple կորպորացիան հրապարակել է App Store և iTunes հարթակներից 2017թ.-ի ամենաշատ ներբեռնումներ ունցող հավելվածների ցուցակը։ 2016թ.-ի համեմատ տեղի է ունեցել առաջատարի փոփոխություն։ 2017թ.-ին առաջատարն է ...

Web

image

Ավելի արագ և հասանելի Facebook՝ Ռոստելեկոմի բաժանորդների համար

«Ռոստելեկոմ»-ը հայաստանյան օգտատերերի համար նորանոր տեխնոլոգիական լուծումներ է գործարկում՝ բարձրացնելով ամենահաճախ օգտագործվող ռեսուրսների հասանելիությունն ու ցանցի արագագործությունը։Ընկերությունը Ֆեյսբուք սոցիալական ցանցի հետ կնքված համաձայնագրի արդյունքում «Ռոստելեկոմ»-ի ...

Mobile

image

Գործարկվել է Earlyone հերթերի հառավարման համակարգի մոբայլ հավելվածի թարմացված տարբերակը

Earlyone-ը Հերթերի Կառավարման յուրահատուկ համակարգ է՝ բաղկացած երկու հիմնական բաղադրիչներից՝ Բջջային հավելված և Հերթերի Կառավարման ծրագրային ապահովում, որոնք աշխատում են ամպային տեխնոլոգիաների հիման վրա (Microsoft ...

Business

image

Beeline-ը և «Զիգզագ» ընկերությունը գործարկել են սմարթֆոնների տարաժամկետ վճարումով վաճառքի համատեղ ծրագիր

Beeline-ը «Զիգզագ» ընկերության հետ համատեղ հայտարարում է սմարթֆոնների վաճառքի գործընկերային ծրագրի մեկնարկի մասին։ Ծրագրի շրջանակում հաճախորդները կկարողանան տարաժամկետ վճարման պայմանով գնել 30 000 դրամից սկսած ...

Various

image

Ucom. Փետրվարի 6-ին մեկնարկեց «Ապահով համացանց 2018» ծրագիրը

Փետրվարի 6-ին՝ Ապահով Համացանցի միջազգային օրը, մեկնարկում է «Ապահով համացանց 2018» վեցամսյա ծրագիրը, որի շրջանակներում մայրաքաղաքի և մարզերի  դպրոցներում կանցկացվեն բաց դասեր համացանցի և թվային ...

Bloggers

Վահագն Օհանջանյան
IT Job
Newsmaker Geek
Samvel Chakhalyan
Beeline Armenia
ITJobs am
Bang2Joom
Ինտերակտիվ
Ucom
Mobidram