Մարտ, 2024
March 2024
M T W T F S S
 123
45678910
11121314151617
18192021222324
25262728293031
«Դ-Լինկ» -ը Beeline-ին ճանաչել է որպես ամենահաճախորդամետ ընկերություն նորարարությունների ոլորտում
26/05/2015 20:35

«Դ-Լինկ» -ը Beeline-ին ճանաչել է որպես ամենահաճախորդամետ ընկերություն նորարարությունների ոլորտում

Ցանցային և հեռահաղորդակցության սարքավորումների համաշխարհային արտադրող «Դ-Լինկ» ընկերությունը Beeline-ին ճանաչեց որպես «Հայաստանի ամենահաճախորդամետ ընկերություն նորարարությունների ոլորտում»:

Համատեղ մամլո ասուլիսի ընթացքում «Դ-Լինկ» ընկերության Փոխնախագահ Թոմաս Հուանգը, «Դ-Լինկ»-ի Հայաստանյան ներկայացուցչության տնօրեն Արմեն Շահնազարյանը և Հայաստանում Beeline-ի Գլխավոր տնօրեն Անդրեյ Պյատախինը լրագրողներին ներկայացրեցին երկարաժամկետ համագործակցության մանրամասները, ինչպես նաև Beeline ցանցի հետագա արդիականացման ծրագրերը: Մասնավորապես, ընկերությունների ղեկավարները հատուկ ուշադրություն դարձրեցին օպտիկամանրաթելային կապի ոլորում նորագույն տեխնոլոգիաների ներդրման և սպառողներին տրամադրվող սարքավորումների հեռահար կառավարման հարցերին:

«Beeline-ը տարիներ շարունակ ներդրել է նորագույն տեխնոլոգիաներ ավելի նոր և որակյալ ծառայություններ մատուցելու նպատակով։ Բարձր գնահատելով ընկերության մոտեցումը նորարարությունների ներդրման, բիզնեսի զարգացման և ապագա ծրագրերին, մենք ուրախությամբ հանձնում ենք այս պատվոգիրը Beeline-ին՝ Հայաստանի հեռահաղորդակցության շուկայի անվերապահ առաջատարին», – հանձնելով պատվոգիրը` նշեց «Դ-Լինկ» ընկերության Փոխնախագահ Թոմաս Հուանգը:

«Մեզ համար շատ հաճելի և պարտավորեցնող է նման գնահատականի արժանանալը ցանցային սարքավորումների համաշխարհային արտադրողի կողմից` մի ընկերության, որի տեխնոլոգիաների և ծրագրային ապահովման հիման վրա են աշխատում հեռահաղորդակցության շատ ցանցեր ամբողջ աշխարհում: Մեր բաժանորդներին հետագայում ևս որակյալ, պարզ և հարմար ծառայություններ տրամադրելու նպատակով Beeline-ը կշարունակի համագործակցությունը «Դ-Լինկ»-ի հետ ժամանակակից որակյալ ցանցային սարքավորումներ ձեռք բերելու գործում», – նշեց Հայաստանում Beeline-ի Գլխավոր տնօրեն Անդրեյ Պյատախինը:

Հայաստանում Beeline-ի և «Դ-Լինկ»-ի լայնամասշտաբ համագործակցությունը սկսվել է 2008 թ., երբ «Դ-Լինկ»-ը սկսեց ցանցային սարքավորումների ներկրումը ADSL ցանցի կառուցման համար, որի հիման վրա Հայաստանում գործարկվեց Hi-Line ծառայությունը: Նշված ծառայության բաժանորդ է հանդիսանում հանրապետությունում լայնաշերտ լարային ինտերնետի բաժանորդների մեծամասնությունը: Այսօր «Դ-Լինկ»-ը և Beeline–ը համագործակցում են FTTB տեխնոլոգիայի զարգացման ոլորտում: «Դ-Լինկ»-ի ցանցային և վերջնական սպառողական սարքավորումների հիման վրա Beeline բաժանորդներին հասանելի է դառնում «Beeline ինտերնետ» ծառայությունը: 

Նշենք, որ այս պահին Beeline ցանցում օգտագործվում է «Դ-Լինկ»-ի շուրջ 5000 միավոր ցանցային սարքավորում: 

Հիշեցնենք, որ «ԱրմենՏել» ՓԲԸ-ն (Beeline ապրանքանիշ) հանդիսանում է «ՎիմպելԿոմ» ընկերությունների խմբի մի մասը: «ՎիմպելԿոմ»-ը հանդիսանում է աշխարհի խոշորագույն ինտեգրված օպերատորներից մեկը, որը գործում է աշխարհի 14 երկրում, իսկ գլխամասային գրասենյակը գտնվում է Ամստերդամում: Ընկերությունների խումբն ընդգրկում է մի շարք հեռահաղորդակցության ընկերություններ, որոնք մատուցում են ինչպես անլար և ամրակցված կապի տեխնոլոգիաների լայն շրջանակի վրա հիմնված ձայնային կապի ու տվյալների հաղորդման, այնպես էլ լայնաշերտ ինտերնետ հասանելիության ծառայություններ Ռուսաստանում, Ուկրաինայում, Ղազախստանում, Ուզբեկստանում, Տաջիկստանում, Հայաստանում, Վրաստանում, Ղրղզստանում, Լաոսում, Ալժիրում, Բանգլադեշում, Պակիստանում, Զիմբաբվեում, Իտալիայում: «ՎիմպելԿոմ»-ը ծառայություններ է մատուցում ամբողջ աշխարհում` շուրջ 740 մլն. ընդհանուր բնակչությամբ տարածքներում: «ՎիմպելԿոմ» խմբի ընկերությունները ծառայություններ են մատուցում «Beeline», «Киевстар», «Wind», «Infostrada», «Mobilink», «Banglalink», «Telecel» և «Djezzy» ապրանքանիշերի ներքո: 2015թ. մարտի 31-ի դրությամբ ընկերության բաժանորդների թիվը կազմում էր 218 միլիոն: “ՎիմպելԿոմ”-ի բաժնետոմսերը շրջանառվում են NASDAQ բորսայում VIP նշումով: Մանրամասներին կարելի է ծանոթանալ www.vimpelcom.com կայքում: