Որոշակի հետաքրքրրություն առաջացնելու նպատակով Google-ն իր նոր՝ «Inbox» փոստային ծառայությունից օգտվելու հնարավորություն է ընձեռում միայն այն օգտատերերին, ովքեր հատուկ հրավեր են ստանում ընկերության կողմից, ընդ որում՝ ոմանք այն ստանում են անմիջապես հաջորդ օրը, իսկ ոմանք ստիպված են լինում սպասել շաբաթներ շարունակ:  Այս կապակցությամբ առաջարկում ենք «Inbox»-ում գրանցվելու մի տարբերակ, որից օգտվելու դեպքում հատուկ հրավեր ունենալու անհրաժեշտություն չի առաջանա: 

Գրանցման համար անհրաժեշտ կլինի՝

• • Ընկերոջ՝ ակտիվացված «Inbox» հավելվածով  Google օգտահաշիվ
• • iOS կամ Android սարք: 

1. Ներբեռնում ենք «Inbox»-ը սմարթֆոնի վրա:

2. Սմարթֆոնին ենք միացնում ընկերոջ Google օգտահաշիվը:

• • Android՝  օգտահաշիվներ – ավելացնել Google օգտահաշիվ:
• • iOS` օգտահաշվի միջոցով մուտք ենք գործում Google-ի ցանկացած հավելված (Chrome, YouTube, Gmail)

3. Բացում ենք «Inbox»-ն ու ընկերոջ օգտահաշվից հաստատում ենք մուտքը: 

4. «Inbox»-ի կարգավորումներում ակտիվացնում ենք հավելվածը:

5. Սարքից ջնջում ենք ընկերոջ օգտահաշիվը: 

• • Android` կարգավորումներ – օգտահաշիվներ – ջնջել Google օգտահաշիվը:
• • iOS` մուտք ենք գործում Google-ի ցանկացած հավելված և ջնջում օգտահաշիվը: 

6. Սեփական օգտահաշվից մուտք ենք գործում «Inbox»:

Նշենք, որ այս ճանապարհով հավելվածից օգտվելու հնարավորություն ստանալու դեպքում մեկ այլ օգտատիրոջ այն փոխանցելու տարբերակ այլևս չի լինի: