Microsoft Lumia ապրանքանիշի գրանցման պահից շատ կարճ ժամանակ անց ընկերությունն արդեն պատրաստ է ներկայացնել այդ բրենդի առաջին սմարթֆոնը: Թե ինչ տեսք է ունենալու սարքը, առայժմ հայտնի չէ, սակայն ենթադրվում է, որ այն դասվելու է բյուջետային սմարթֆոնների շարքին: 

Ինչ վերաբերում է Microsoft Lumia-յի տեխնիկական հատկություններին, ապա այն ունենալու է QHD թույլատրությամբ 5 դյույմանոց էկրան, 1.2 ԳՀց հաճախականությամբ պրոցեսոր, ինչպես նաև հագեցած է լինելու 1Գբ օպերատիվ և 8 Գբ ներկառուցված հիշողությամբ:

Սմարթֆոնի շնորհանդեսը նախատեսված է նոյեմբերի 11-ին: Ընդամենը մեկ օրից հայտնի կդառնա, թե ինչով է Microsoft ընկերությունը պատրաստվում զարմացնել իր սպառողներին: