Instagram-ը գործարկել է Bolt հավելվածը, որը նախատեսված է լուսանկարներ և տեսանյութեր ուղարկելու համար: Այն բանից հետո, երբ հասցեատերը տեսնում է հաղորդագրությունը և դիտում է դրա պարունակությունը, այն անմիջապես ջնջվում է: 

Bolt-ի միջոցով շփման մեխանիզմը հնարավորինս պարզեցված է: Հաղորդագրությունն ուղարկելու համար անհրաժեշտ է պարզապես սեղմել գլխավոր էկրանին հայտնված ընկերների՝ շրջանի տեսք ունեցող գլխավոր նկարների վրա: Որևէ նկարի վրա սխալմամբ սեղմելու դեպքում սմարթֆոնն անհրաժեշտ է թափահարել ու հաղորդագրության ուղարկման գործընթացն ավտոմատ կընդհատվի: 

Instagram-ի նոր հավելվածից առայժմ կարող են օգտվել միայն Նոր Զելանդիայի, Սինգապուրի և Հարավային Աֆրիկայի բնակիչները: Իսկ ժամանակի ընթացքում այն հասանելի կդառնա նաև մյուս երկրներում: