Օրերս համացանցում հայտնվել են բուկլետների նկարներ, որտեղ նշված են iPhone 6-ի վաճառքի մեկնարկի օրն ու սարքի գինը:

Բուկլետի նկարները, որտեղ պատկերված են սմարթֆոնի 4.7 և 5.5 դյույմանոց տարբերակները, հրապարակվել են չինական Weibo սոցիալական կայքում: Բուկլետում նշվում է, որ iPhone 6-ը շուկայում է հայտնվելու սեպտեմբերի 19-ին: Սարքի 4,7 դյույմանոց տարբերակն արժենալու է մոտավորապես 853, իսկ 5.5 դյույմանոցը՝ 1 014  ԱՄՆ դոլար:

Հիշեցնենք, որ բացի համեմատաբար ավելի մեծ դիսփլեյից, iPhone 6-ն ունենալու է նաև ավելի հզոր պրոցեսոր և օպտիկական կայունացմամբ տեսախցիկ: