Google Maps-ի 8.2 տարբերակը որոշ փոփոխությունների է ենթարկվել: Այն համալրվել է նոր՝ ձայնային նավիգացիոն հրահանգների ֆունկցիայով, որն առավելապես օգտակար կլինի հեծանվորդների համար: 

Քարտեզի վերջին տարբերակի գլխավոր փոփոխությունը ձայնային հրահանգներ տալու հնարավորությունն է, օրինակ, հեծանիվ վարելու ընթացքում: Դրա համար անհրաժեշտ կլինի պարզապես սեղմել ինտերֆեյսի ձախ անկյունում պատկերված բարձրախոսի նշանով կոճակը: Ծրագրը կարող է պատասխանել մի շարք հարցերի կապված երթևեկության, շրջապտույտների, երթուղիների և մի շարք այլ բաների հետ:

Հեծանվորդները հնարավորություն կունենան տեղեկանալու ճանապարհների ռելիեֆի մասին և ըստ դրա ընտրել առավել հարմար ու անվտանգ երթուղին:  

Հավելվածի թարմացված տարբերակն արդեն հասանելի է Play Store-ում: