374
21
2808
Գործարկվեց  «Արմենպրես։ Պատմություն»  կայքը

Գործարկվեց «Արմենպրես։ Պատմություն» կայքը

«Արմենպրես» լրատվական գործակալությունը, Հայաստանում Beeline-ը և Տեխնոլոգիական Զարգացման Կենտրոն Հիմնադրամը հայտարարում են «Արմենպրես. Պատմություն» նախագծի շրջանակում history.armenpress.am կայքի մեկնարկի մասին։

«Արմենպրես. Պատմություն» նախագծի նպատակն է Գործակալության բնույթով եզակի ֆոտոարխիվի 10,000 լուսանկարի թվայնացումը և Արմենպրես լրատվական գործակալության «Արմենպրես։ Պատմություն» կայքի ստեղծումը։ Հանդիսանալով Հայաստանի հնագույն լրատվական գործակալությունը (հիմնադրվել է 1918թ.), Արմենպրեսը լուսաբանել է մեր երկրի պատմության վերջին հարյուր տարվա կարևորագույն բոլոր իրադարձությունները: Նախագծի գլխավոր աջակիցը Beeline-ն է։ Թվայնացման և կայքի ստեղծման աշխատանքներն իրանացվում են Տեխնոլոգիական Զարգացման Կենտրոն Հիմնադրամի կողմից։ Նախագծիշրջանակում արդեն իրականացվել է մոտ 6500 լուսանկարի թվայնացում, որոնցից մոտ 2500-ն արդեն իսկ հրապարակված են կայքում։

«Այսօր մենք առանձնակի հպարտությամբ ենք ազդարարում «Արմենպրես։ Պատմություն» կայքի մեկնարկը։ Աշխարհում շատ չեն գործակալությունները, որոնք նման նախագծեր են իրականացրել ու հանրության համար հասանելի են դարձրել լուսանկարների արխիվի լավագույն նմուշները։ 1918թ․ստեղծված Հայաստանի պետական լրատվական գործակալության առաքելությունը եղել և մնում է օպերատիվ ու ստույգ լրատվություն ներկայացնելը և այն, որ մեր լրագրողների և լուսանկարիչների աշխատանքի արդյունքը դառնում է պատմության անօտարելի մասը, փաստում է, որ մեր բոլոր ժամանակների գործընկերները, իրենց առաքելությանը եղել են հավատարիմ», -ասեց «Արմենպրես» լրատվական գործակալության տնօրեն Արամ Անանյանը:

«Սեփական պատմության նկատմամբ հարգանքն ու հոգատարությունը բնորոշ է զարգացած հասարակություններին, և այս կայքի ստեղծումը անմիջական ավանդ է Հայաստանի պատմագրության մեջ։ Տեղեկատվության դարաշրջանում թվային տարբերակով երկրի ֆոտոպատմության ստեղծումը կարևոր ձեռքբերում է։ Beeline-ը հպարտ է մասնակից լինել այս գործընթացին, քանի որ անցյալի ուսումնասիրությունն ապագան ավելի լավը դարձնելու գլխավոր նախադրյալներից է», - նշեց Հայաստանում Beeline-ի Գլխավոր տնօրեն Անդրեյ Պյատախինը։

«Կայքն իրականացվել է նորագույն լուծումներով և դիզայնով։ Այն հնարավորություն է տալիս լուսանկարները դասակարգել ըստ թվականի, ժամանակահատվածի, լուսանկարի տեսակի, լուսանկարչի անվան, թեմայի, տեղանքի և այլն։ Վերոնշյալ գործառույթները թույլ են տալիս արագ և հարմարավետ կերպով օգտվել արխիվից։ Կայքը նաև հնարավորություն է տալիս լուսանկարները տարածել սոցիալական կայքերում և այլ հարթակներում։ Կայքը հասանելի է և համակարգիչների, և սմարթֆոնների, և պլանշետների միջոցով։», - նշում է Տեխնոլոգիական Զարգացման Կենտրոն Հիմնադրամի խորհրդի նախագահ Սամվել Չախալյանը։

Նշենք, որ Տեխնոլոգիական Զարգացման Կենտրոն Հիմնադրամը նախագիծն իրականացնում է «Արմենպրես» լրատվական գործակալությունում: Ծրագրի արդյունքում թվայնացված բոլոր լուսանկարների օգտագործման, ինչպես նաև հեղինակային և հարակից իրավունքները պատկանում են բացառապես «Արմենպրես» լրատվական գործակալությանը:

-----------------

«ԱրմենՏել» ՓԲԸ-ն (Beeline ապրանքանիշ) հանդիսանում է «ՎԵՈՆ» ընկերությունների խմբի մի մասը, որը հանդիսանում է աշխարհի խոշորագույն ինտեգրված օպերատորներից մեկը: Ընկերությունների խումբն ընդգրկում է մի շարք հեռահաղորդակցության ընկերություններ, որոնք մատուցում են ինչպես անլար և ամրակցված կապի տեխնոլոգիաների լայն շրջանակի վրա հիմնված ձայնային կապի ու տվյալների հաղորդման, այնպես էլ լայնաշերտ ինտերնետ հասանելիության ծառայություններ ավելի քան  200 մլն. բաժանորդների Ռուսաստանում, Իտալիայում, Ուկրաինայում, Ղազախստանում, Ուզբեկստանում, Տաջիկստանում, Հայաստանում, Վրաստանում, Ղրղզստանում, Լաոսում, Ալժիրում, Բանգլադեշում և Պակիստանում,: «ՎիմպելԿոմ» խմբի ընկերությունները ծառայություններ են մատուցում «Beeline», «Киевстар», «Wind», «Mobilink», «Banglalink» և «Djezzy» ապրանքանիշերի ներքո: «Վեոն»-ի բաժնետոմսերը շրջանառվում են NASDAQ բորսայում VIP նշումով: Մանրամասներին կարելի է ծանոթանալ www.veon.com կայքում:

«Արմենպրես» լրատվական գործակալությունը ստեղծվել է 1918թ.-ին՝ առաջին հանրապետության Ազգային Խորհրդի որոշմամբ: «Արմենպրես»-ի թիմը պահպանում է գործակալության առաջատար դերը հայաստանյան լրատվադաշտում և ամուր հիմքեր է ստեղծել տարածաշրջանային և միջազգային լրատվական հարթակներում՝ գործակալության ներկայությունն ապահովելու և զարգացնելու առումով: Ներկայում «Արմենպրես» լրատվական գործակալությունը գործում է որպես փակ բաժնետիրական ընկերություն, որի բաժնետոմսերը տնօրինում է Հայաստանի Հանրապետությունը:

«Տեխնոլոգիական Զարգացման Կենտրոն» Հիմնադրամը գործում է 2013թ.-ից։ Հիմնադրամի գործունեության հիմնական նպատակներից մեկը հայկական թվային բովանդակության զարգացումն է։ Նշած ուղղությամբ հիմնադրամն իրականացրել է մի շարք առցանց և մոբայլ նախագծեր, կոնֆերասների, հավաքներ և այլ աշխատանքներ։ Հիմնադրամը ստեղծել է App Armenia հայկական մոբայլ հավելվածների հարթակը և Hayeren  ստեղնաշար-հավելվածը iOS սարքերի համար, որոնց ներբեռնումների ընդհանուր թիվը վաղուց հատել է հարյուր հազարի շեմը։

Կարճ հասցե: geek.am/u/5537.html
Beeline Telecom Telecom Beeline Անդրեյ Պյատախին Արամ Անանյան

Latest News

1 2 3 4 5 >
Ամբողջը` 2503 : Ցուցադրված է` 1 - 15 :

Tech

image

ՏՏ ոլորտի ընկերությունները Գյումրիում դասընթացներ են կազմակերպում սկսնակ մասնագետների համար

«Դ-Լինկ Ինտերնեշնլ» ընկերությունը «Ինստիգեյթ Դիզայն» և «Դեվելանդոո» ընկերությունների հետ համատեղ ապրիլից Գյումրիում անցկացնում է տեղեկատվական տեխնոլոգիաների ոլորտի մասնակիցների դասընթացներ։ Դասընթացների հիմքում դրված են «Ինստիգեյթ ուսումնական կենտրոն» ...

Code

image

Գործարկվեց «Արմենպրես։ Պատմություն» կայքը

«Արմենպրես» լրատվական գործակալությունը, Հայաստանում Beeline-ը և Տեխնոլոգիական Զարգացման Կենտրոն Հիմնադրամը հայտարարում են «Արմենպրես. Պատմություն» նախագծի շրջանակում history.armenpress.am կայքի մեկնարկի մասին։ «Արմենպրես. Պատմություն» նախագծի նպատակն է Գործակալության ...

Web

image

ExpressVPN. որակյալ և ապահով ընտրություն

Մենք ապրում ենք ինտերնետի սահմանափակումների ժամանակաշրջանում, երբ օրեցօր խստացվում է ինտերնետի նկատմամբ վերահսկողությունը։ Սահմանափակումների հետ մեկտեղ չի նվազում հաքերների ակտիվությունը, որոնք զանազան չարամիտ ծրագրերի միջոցով ...

Mobile

image

Վիվասել-ՄՏՍ․ Ռոումինգը ՄՏՍ Ռուսաստանի ցանցում՝ ընդամենը 25 դրամով

Ռուսաստան մեկնողներին ՎիվաՍել-ՄՏՍ-ն առաջարկում է ռոումինգի մատչելի՝ ընդամենը 25 դրամ սակագին՝ ՄՏՍ Ռուսաստանի ցանցում: 25 դրամ/րոպե սակագինը գործում է մուտքային զանգերի, ինչպես նաև դեպի ՎիվաՍել-ՄՏՍ ...

Business

image

Վարչապետն այցելել է Zangi

Վարչապետ Կարեն Կարապետյանն այցելել է ՏՏ ոլորտի «Zangi» ընկերություն: Կառավարության ղեկավարը ծանոթացել է ընկերության գործունեությանը, ձեռքբերումներին, ընթացիկ և հեռանկարային ծրագրերին: Նշվել է, որ «Zangi»-ն նոր սերնդի ...

Various

image

Beeline. «Անվտանգ համացանց» կրթական դասընթացներ ամառային ճամբարներում

Beeline-ի և Վորլդ Վիժն Հայաստանի ղեկավարներն այցելեցին Հանքավանի Զեփյուռ ճամբար, որտեղ անցկացվում է «Անվտանգ համացանց» խորագրով դասընթացը։ «Անվտանգ համացանց» դասընթացի նպատակն է 11-14 տարեկան երեխաներին փոխանցել ...

Bloggers

Վահագն Օհանջանյան
IT Job
Newsmaker Geek
Samvel Chakhalyan
Beeline Armenia
ITJobs am
Bang2Joom
Ինտերակտիվ
Ucom
Mobidram