374
21
2808
Ucom. Ericsson ընկերության 4G+ տեխնոլոգիայի ներդրման աշխատանքները մոտենում են ավարտին

Ucom. Ericsson ընկերության 4G+ տեխնոլոգիայի ներդրման աշխատանքները մոտենում են ավարտին

Օրերս Երևան աշխատանքային այցով էին ժամանել Էրիքսոն ընկերության տնօրենի ավագ տեղակալ, վաճառքի տնօրեն` Յան Վայերբայը, նույն ընկերության Եվրասիայի տարածաշրջանի 11 երկրների (ներառյալ՝ Բելառուսը, Ուկրաինան, Մոնղոլիան, Հայաստանը) հաճախորդների բաժնի ղեկավար՝ Վոյչեկ Բայդան և Հյուսիսային Եվրոպայի ու Կենտրոնական Ասիայի տարածաշրջանի բաժնի ղեկավար՝ Փիթեր Լորինը:

Աշխարհի 180 երկրներում ներկայացված հենց Ericsson ընկերությանն է վստահվել Ucom-ի 4G+ ցանցի ներդրման պատիվը: Համատեղ աշխատանքների մեկնարկի մասին հայտարարվել է մարտ ամսին, իսկ այժմ երկու ընկերությունները ծրագրի իրականացման ավարտին են մոտենում:

Ericsson ընկերության բարձրաստիճան ներկայացուցիչների խոսքով Հայաստանի հեռահաղորդակցության շուկան համաշխարհային չափանիշներով համարվում է զարգացած: Նրանք ոգևորված են, որ հայաստանյան Ucom ընկերությանն են տրամադրում այնպիսի առաջատար շուկաներում ներդրված մի տեխնոլոգիա, ինչպիսիք են Հյուսիսային Ամերիկայի, Կորեայի, Ճապոնիայի, Չինաստանի որոշ հատվածների, և անշուշտ՝ եվրոպական որոշ երկրների հեռահաղորդակցության շուկաները:

«Իմ անմիջական պատասխանատվության տակ գտնվող 11 երկրների մեջ սա առաջինն է, որտեղ մենք իրագործում ենք այդ լուծումը: Սարքավորումների և ծրագրային ապահովման տեսանկյունից սա շատ յուրահատուկ տեխնոլոգիա է, որն ապահովում է ցանցի բարձր կատարողականություն, առավելագույն որակ և օգտագործման փորձառություն», - ասել է Ericsson ընկերության Եվրասիայի տարածաշրջանի հաճախորդների բաժնի ղեկավար՝ Վոյչեկ Բայդան:

Խոսելով հայաստանյան լանդշաֆտի ու դրա հետ կապված «Ericsson Ռադիո Լուծում» գերժամանակակից համակարգի ներդրման բարդությունների մասին, պարոն Բայդան համոզմունք է հայտնել, որ բավականին հեշտությամբ կարող են ցանցի լավ ծածկույթ ու լավ հզորություն ապահովել Հայաստանում Ucom-ի բաժանորդների համար, անկախ նրանից, թե նրանք քաղաքում են, փոքր գյուղում, թե սարերում, քանի որ նրա կարծիքով Ասիայի որոշ խիստ բարձրադիր լեռնային շրջաններում և Աֆրիկայի անապատներում ցանցի ներդրման բարդություններն անհամեմատ ավելի շատ են:

«Մենք ժամանել ենք այստեղ Ucom ընկերության հաջողության մասը կազմելու նպատակով, այն պահին, երբ ընթացքի մեջ է այդ ընկերության կողմից հաջորդ սերնդի ցանցի գործարկումը: Ericsson-ում մենք տրամադրում ենք վերջին տեխնոլոգիական լուծումները, որոնք կյանքի կկոչեն այս ցանցը, ընդ որում ոչ միայն 3G-ն ու 4G-ն, այլև բարձր կարգի LTE-ն, որտեղ օգտագործվում են կրիչների ագրեգացման տեխնոլոգիան ու օդային ալեհավաքները, այսինքն՝ մեր ընկերության ամենավերջին ու լավագույն արտադրանքը», - ասել է Ericsson ընկերության Հյուսիսային Եվրոպայի ու Կենտրոնական Ասիայի տարածաշրջանի բաժնի ղեկավար՝ Փիթեր Լորինը:

Հյուրերը մեծ գոհունակություն են հայտնել նաև հայաստանյան աշխատանքներն իրականացնող տեխնիկական անձնակազմի վերաբերյալ, ովքեր արհեստավարժ կերպով են իրականացնում միջազգայնորեն մշակված սարքավորումների տեղադրումը և ամենօրյա գործարկումը:

«Սեպտեմբերին բոլորս ականատես կլինենք այն բանի, թե ինչպես կարելի է համաշխարհային մակարդակի որակյալ ծառայություններ մատուցող հայկական ընկերություն ունենալ Հայաստանում: Մեր տեխնիկական աշխատակազմը շատ պատրաստված է, այս ամբողջ ընթացքում միայն պրոֆեսիոնալիզմով են զարմացրել իրենց միջազգային գործընկերներին: Կարող եմ գոհունակությամբ ասել, որ մեր տեխնիկական անձնակազմի շնորհիվ է, որ հետխորհրդային երկրների մեջ Հայաստանն առաջինն է ներդնում այս տեխնոլոգիական ոլորտի նորագույն լուծումը», - նշել է Ucom ընկերության գլխավոր գործադիր տնօրեն՝ Հայկ Եսայանը:

Կարճ հասցե: geek.am/u/5325.html
Ucom Telecom 4G 4G LTE Հայկ Եսայան Ericsson Telecom

Latest News

1 2 3 4 5 >
Ամբողջը` 2654 : Ցուցադրված է` 1 - 15 :

Tech

image

Ucom․ Այսուհետ հեռուստադիտողները կվայելեն Viasat ընտանիքի հեռուստաալիքները

Հունիսի 15-ից հուլիսի 15-ը U!TV բոլոր բաժանորդներն, անկախ բաժանորդագրության փաթեթների տեսակից, հնարավորություն ունեն դիտելու Viasat ընտանիքի ամենապահանջված հեռուստաալիքները։ Մասնավորապես՝ բաժանորդները կվայելեն ViP Premiere HD, ViP ...

Code

image

Ինտերնետում հասանելի կայքերի 30%-ի հիմքում Wordpress-ն է

Համացանցային միտումների վերլուծությամբ զբաղվող W3Techs ընկերության հրապարակված տվյալների համաձայն 2018թ. փետրվարի սկզբի դրությամբ համացանցում հասանելի կայքերի 30%-ի հիմքում Wordpress-ն է։ Նշվում է. որ 2015թ. նոյեմբերին ...

Web

image

WhatsApp-ի հիմնադիրները 1.3 մլրդ դոլար են կորցրել՝ դուրս գալով Facebook-ից

WhatsApp-ի հիմնադիրների՝ Facebook-ից դուրս գալու պատճառները կապված են մեսենջերի մոնետիզացիայի վերաբերյալ տեսակետերի տարբերության հետ։ WhatsApp-ի հիմնադիրներ Յան Կումը և Բրայան Էկտոնը դուրս են եկել Facebook-ից՝ կորցնելով ...

Mobile

image

ՎիվաՍել-ՄՏՍ-ը ներկայացրել է «X» և «Y» սակագնային պլանները

Սմարթֆոնների ու բջջային հավելվածների օրըստօրե ավելացող թիվն արմատապես փոխել է հեռահաղորդակցության ոլորտը: Եթե առաջ մարդիկ բջջայինն օգտագործում էին միայն ձայնային և SMS ծառայություններից օգտվելու համար, ...

Business

image

Beeline. կանցկացվի հոբելյանական «3-րդ սերունդ» ստաժավորման ծրագիրը

Beeline-ը հայտարարում է 10-րդ հոբելյանական «3-րդ սերունդ» ստաժավորման ծրագրի անցկացման մասին։ Ծրագրի նպատակն է ընկերություն ներգրավել լավագույն երիտասարդ կադրեր։ Ծրագրին մասնակցելու համար կարող են դիմել բարձր ...

Various

image

Beeline. բարելավվում են աշխատանքի ընդունման գործընթացները

Beeline-ը հայտարարում է մարդկային ռեսուրսների կառավարման ժամանակակից և թվային մեթոդների ներմուծման մասին։ Մասնավորապես, աշխատանքի ընդունվելու համար նախնական հարցազրույցն արդեն կարելի է անցնել վիդեո տարբերակով՝ ընկերության կայքի ...

Bloggers

Վահագն Օհանջանյան
Newsmaker Geek
Samvel Chakhalyan
Beeline Armenia
Ինտերակտիվ
Ucom
Vivacell-MTS