374
21
2808
Beeline. 2014 թ. կորպորատիվ սոցիալական գործունեության արդյունքները

Beeline. 2014 թ. կորպորատիվ սոցիալական գործունեության արդյունքները

Beeline-ն ամփոփեց 2014 թ. կորպորատիվ սոցիալական պատասխանատվության ոլորտում ընկերության աշխատանքի արդյունքները: Նախորդ տարվա ընթացքում ընկերությունը Երևանում և Հայաստանի մարզերում իրականացրել է շուրջ 200 սոցիալական միջոցառում՝ ուղղված կրթության, մշակույթի, տեղեկատվական տեխնոլոգիաների և բնապահպանության ոլորտների զարգացմանը:

Մասնավորապես, կրթության ոլորտում իրականացված ծրագրերը նպատակ ունեն խթանել աշակերտների և ուսանողների անձնային և մասնագիտական զարգացումը: Այդ ծրագրերն են Beeline Scholarship կրթական ծրագիրը, ԵՊՀ-ում Beeline համակարգչային կենտրոնի բացումը, Գաֆեսչյան արվեստի կենտրոնի հետ 138 համատեղ ստեղծագործական-կրթական միջոցառումները և Մանկական զարգացման հիմնադրամի հետ համատեղ «Գիտելիք հանուն բարեկեցության» ծրագիրը` ուղղված մարզերում երեխաների կրթական ներուժի զարգացմանը: Ընդհանուր առմամբ 2014 թ. Beeline-ի կրթական ծրագրերի շահառու է դարձել ավելի քան 12 000 մարդ:

Նախորդ տարվա ընթացքում Beeline-ը նաև իրագործել է ծրագրեր` ուղղված մարզերում երեխաների ստեղծագործական ներուժի զարգացմանը, նրանց առողջության պահպանմանը, ինչպես նաև ներառական կրթության զարգացմանը: Այդ ծրագրերն են «Հայրենիքի դարպասներ» սոցիալական հասարակական կազմակերպության և Հայաստանի Մանուկներ հիմնադրամի հետ (COAF) համատեղ ծրագրերը:

Տեղեկատվական տեխնոլոգիաների ոլորտում Beeline-ի սոցիալական ծրագրերն ուղղված են եղել հայալեզու բջջային բովանդակության ստեղծմանը և զարգացմանը: Այս նպատակով Տեխնոլոգիական զարգացման կենտրոնի հետ համատեղ անց է կացվել Mobile Developer Day համաժողովը և գործարկվել App Armenia համակարգը: Բիզնեսի և մշակույթի ոլորտում նորարարական և տեխնոլոգիական լուծումների ներդրման նպատակով Beeline-ի աջակցությամբ անցկացվեց տեխնոլոգիական ձեռներեցության DigiCamp ամառային ճամբարը, անցկացվեց DigiTec Բիզնես Ֆորումը և գործարկվեց cult.am միասնական մշակութային պորտալը, որը հնարավորություն է տալիս ձեռք բերել էլեկտրոնային տոմսեր թատրոնի և կինոյի համար:

Մշակույթային ոլորտում իրականացվել են ծրագրեր` ուղղված միջմշակութային կապերի հաստատմանը (աջակցություն Բրիտանական ֆիլմերի 13-րդ փառատոնին) և մշակութային կյանքին մարզերի ներգրավման ապահովմանը (Դասական երաժշտության զարգացման հիմնադրամի հետ համատեղ վարպետության դասերի և համերգների կազմակերպում):

Բնապահպանության ոլորտում Beeline-ն աջակցում է շրջակա միջավայրի պահպանությանը և ժամանակակից բնապահպանական մարտահրավերների վերաբերյալ բնակչության իրազեկվածության բարձրացմանն ուղղված ծրագրերին: Մասնավորապես, ընկերության աջակցությամբ անցկացվել է «Դեպի կանաչ տնտեսություն» ազգային համաժողովը:

«Կորպորատիվ սոցիալական պատասխանատվության ուղղությունները սահմանելիս Beeline-ը մշտապես ձգտել է առաջնահերթությունը տալ առավել հրատապ սոցիալական խնդիրներին և դրանց լուծումներին: 2014 թ. ընկերության կորպորատիվ սոցիալական գործունեության արդյունքներն ամփոփելով` կարող եմ վստահորեն ասել, որ մեզ հաջողվել է նշանակալի ներդրում ունենալ տարբեր սոցիալական խնդիրների լուծման գործում և հիմք ստեղծել բարեկեցիկ ապագայի համար: Հատկապես ցանկանում եմ ընդգծել այն հանգամանքը, որ նախորդ տարվա ընթացքում Beeline-ի սոցիալական ծրագրերի ուշադրության կենտրոնում առավելապես եղել են մարզերը, և մեզ, մեր գործընկերների հետ համատեղ, հաջողվեց իրագործել սոցիալական ծրագրեր Հայաստանի բոլոր մարզերում: Ընթացիկ 2015 թ.-ին Beeline-ը շարունակում է իրականացնել ծրագրեր տարբեր սոցիալական ոլորտներում «Թող քո հետքը» գլոբալ ռազմավարության շրջանակում, որն ուղղված է օգնելու երիտասարդ սերնդին կառուցելու իրենց ապագան - նշեց Հայաստանում Beeline-ի Գլխավոր տնօրեն Անդրեյ Պյատախինը։

«Beeline-ի կորպորատիվ սոցիալական պատասխանատվության մասին 2014 թ. հաշվետվության» ամբողջական տարբերակը կարող եք գտնել www.beeline.am պաշտոնական կայքում հետևյալ հղումով. http://about.beeline.am/ru/responsibility/reports.wbp

«ԱրմենՏել» ՓԲԸ-ն (Beeline ապրանքանիշ) հանդիսանում է «ՎիմպելԿոմ» ընկերությունների խմբի մի մասը: «ՎիմպելԿոմ»-ը հանդիսանում է աշխարհի խոշորագույն ինտեգրված օպերատորներից մեկը, որը գործում է աշխարհի 14 երկրում, իսկ գլխամասային գրասենյակը գտնվում է Ամստերդամում: Ընկերությունների խումբն ընդգրկում է մի շարք հեռահաղորդակցության ընկերություններ, որոնք մատուցում են ինչպես անլար և ամրակցված կապի տեխնոլոգիաների լայն շրջանակի վրա հիմնված ձայնային կապի ու տվյալների հաղորդման, այնպես էլ լայնաշերտ ինտերնետ հասանելիության ծառայություններ Ռուսաստանում, Ուկրաինայում, Ղազախստանում, Ուզբեկստանում, Տաջիկստանում, Հայաստանում, Վրաստանում, Ղրղզստանում, Լաոսում, Ալժիրում, Բանգլադեշում, Պակիստանում, Զիմբաբվեում, Իտալիայում: «ՎիմպելԿոմ»-ը ծառայություններ է մատուցում ամբողջ աշխարհում` շուրջ 740 մլն. ընդհանուր բնակչությամբ տարածքներում: «ՎիմպելԿոմ» խմբի ընկերությունները ծառայություններ են մատուցում «Beeline», «Киевстар», «Wind», «Infostrada», «Mobilink», «Banglalink», «Telecel» և «Djezzy» ապրանքանիշերի ներքո: 2015թ. մարտի 31-ի դրությամբ ընկերության բաժանորդների թիվը կազմում էր 218 միլիոն: “ՎիմպելԿոմ”-ի բաժնետոմսերը շրջանառվում են NASDAQ բորսայում VIP նշումով: Մանրամասներին կարելի է ծանոթանալ www.vimpelcom.com կայքում:

Կարճ հասցե: geek.am/u/5022.html
Beeline Telecom Beeline Հեռահաղորդակցություն Telecom

Latest News

1 2 3 4 5 >
Ամբողջը` 2561 : Ցուցադրված է` 1 - 15 :

Tech

image

Beeline-ի վաճառքի և սպասարկման գրասենյակները կաշխատեն հանգստյան և տոն օրերին

Beeline-ի հաճախորդները դեկտեմբերին՝ նախատոնական շրջանում կկարողանան իրենց բոլոր հարցերով դիմել վաճառքի և սպասարկման գրասենյակներ նաև հանգստյան օրերին։ Մինչև Ամանոր Երևանի և Հայաստանի խոշոր քաղաքների գրասենյակների ...

Code

image

Apple-ը հրապարակել է 2017թ. ամենաշատ ներբեռնված հավելվածների ցուցակը

Apple կորպորացիան հրապարակել է App Store և iTunes հարթակներից 2017թ.-ի ամենաշատ ներբեռնումներ ունցող հավելվածների ցուցակը։ 2016թ.-ի համեմատ տեղի է ունեցել առաջատարի փոփոխություն։ 2017թ.-ին առաջատարն է ...

Web

image

Ավելի արագ և հասանելի Facebook՝ Ռոստելեկոմի բաժանորդների համար

«Ռոստելեկոմ»-ը հայաստանյան օգտատերերի համար նորանոր տեխնոլոգիական լուծումներ է գործարկում՝ բարձրացնելով ամենահաճախ օգտագործվող ռեսուրսների հասանելիությունն ու ցանցի արագագործությունը։Ընկերությունը Ֆեյսբուք սոցիալական ցանցի հետ կնքված համաձայնագրի արդյունքում «Ռոստելեկոմ»-ի ...

Mobile

image

ՎիվաՍել-ՄՏՍ. գնեք iPhone X և ստացեք նվեր գեղեցիկ համար

ՎիվաՍել-ՄՏՍ-ը տեղեկացնում է, որ դեկտեմբերի 1-ից ՎիվաՍել-ՄՏՍ-ի սպասարկման կենտրոններում* հնարավոր է գնել նոր iPhone X` 64 ԳԲ հիշողությամբ և ստանալ գեղեցիկ համար: iPhone-ի նոր դարաշրջանի այս ...

Business

image

iPhone X-ը՝ Ucom-ի ամենաարագ ցանցում Apple-ի պաշտոնական երաշխիքով

Դեկտեմբերի 1-ին Apple-ի պաշտոնական գործընկեր հանդիսացող Ucom ընկերության վաճառքի և սպասարկման կենտրոններում մեկնարկեց Apple ընկերության ամենասպասված և ամենաինտրիգային սարքավորման՝ iPhone X-ի վաճառքը։ Ինչպես բազմաթիվ երկրների, այնպես ...

Various

image

Ucom. գործարկվեց ինտերակտիվ մեթոդների և հեռավար ուսուցման stem.am առցանց հարթակը

Օրերս Ucom ընկերության, «ՍՏԵՄ ծրագրերի կենտրոն» և «Ինտերնետ հանրություն» կազմակերպությունների աջակցությամբ Վանաձորի Գևորգ Չաուշի անվան թիվ 24 միջնակարգ դպրոցում գործարկվեց ինտերակտիվ մեթոդների և հեռավար ուսուցման ...

Bloggers

Վահագն Օհանջանյան
IT Job
Newsmaker Geek
Samvel Chakhalyan
Beeline Armenia
ITJobs am
Bang2Joom
Ինտերակտիվ
Ucom
Mobidram