374
21
2808
Ինտերնետ բաժանորդների քանակը և առաջատար պրովայդերները Հայաստանում - 2014թ. III եռամսյակ

Ինտերնետ բաժանորդների քանակը և առաջատար պրովայդերները Հայաստանում - 2014թ. III եռամսյակ

«Բիզնես 24»-ը հերթական անգամ հրապարակել է «Ինտերնետ բաժանորդների քանակը և առաջատար պրովայդերները Հայաստանում» զեկույցը: Այն ներկայացնում ենք ամբողջությամբ:

Հայաստանի հեռահաղորդակցության ոլորտում գործող ընկերությունները հրապարակել են 2014թ.-ի III եռամսյակի գործունեության ամփոփ հաշվետվությունները: Սույն հաշվետվությունների հիման վրա կատարած վերլուծությունների արդյունքում կփորձենք ներկայացնել Հայաստանում Ինտերնետ շուկայի հիմնական միտումները:

Բաժանորդների թիվ

Բաժանորդների թվով առաջար է շարունակում մնալ Beeline ընկերությունը: Անցյալ տարվա երրորդ եռամսյակի դրությամբ Beeline-ի ամրակցված լայնաշերտ ինտերնետի բաժանորդների թիվը կազմել է 152 131, ինչը 2014թ.-ի երկրորդ եռամսյակի ցուցանիշից պակաս է 3 724-ով, իսկ  2013թ.-ի երրորդ եռամսյակի համեմատ բաժանորդների թվի նվազումը կազմել է 5 523: Միևնույն ժամանակ, Beeline-ի շարժական ինտերնետի բաժանորդների քանակը (բացառությամբ հեռախոսներով օգտվողների) կազմել է 43 362, ինչը 2014թ.-ի երկրորդ եռամսյակի ցուցանիշը գերազանցում է 1 248-ով, իսկ 2013թ.-ի երրորդ եռամսյակի համեմատ շարժական ինտերնետի բաժանորդների թիվն աճել է 16 167-ով: Հեռախոսի միջոցով տվյալների հաղորդման ծառայություններից օգտվող բաժանորդների թիվը 2014թ.-ի երրորդ եռամսյակում կազմել է 314 952: Սույն ցուցանիշը 2014թ.-ի երկրորդ եռամսյակի համեմատ աճել է 13 231-ով, իսկ 2013թ.-ի երրորդ եռամսյակի համեմատ աճը կազմել է 27 667:

2014թ.-ի երրորդ եռամսյակի դրությամբ Orange-ի շարժական լայնաշերտ ինտերնետի բաժանորդների թիվը (բացառությամբ հեռախոսով օգտվողների) կազմել է 116 281: Անցյալ տարվա երկրորդ եռամսյակի համեմատ սույն ցուցանիշն աճել է 6 936-ով, իսկ 2013թ.-ի երրորդ եռամսյակի համեմատ աճը կազմել է 22 552: Միևնույն ժամանակ հեռախոսի միջոցով տվյալների հաղորդման ծառայություններից օգտվող բաժանորդների թիվը կազմել է 256 911: Սույն ցուցանիշը 2014թ.-ի երկրորդ եռամսյակի համանման ցուցանիշը գերազանցում է 2 592-ով, իսկ 2013թ.-ի երրորդ եռամսյակի ցուցանիշի համեմատ աճը կազմել է 33 294:

VivaCell MTS-ի շարժական լայնաշերտ ինտերնետի բաժանորդների թիվը (բացառությամբ հեռախոսով օգտվողների) 2014թ.-ի երրորդ եռամսյակում կազմել է 83 691: Անցյալ տարվա երկրորդ եռամսյակի համեմատ այս ցուցանիշը նվազել է 1 333-ով, իսկ 2013թ.-ի երրորդ եռամսյակի համեմատ անկումը կազմել է 12 470 բաժանորդ: Միևնույն ժամանակ, հեռախոսի միջոցով տվյալների հաղորդման ծառայություններից օգտվող բաժանորդների թիվն անցյալ տարվա երկրորդ եռամսյակի համեմատ աճել է 23 002-ով և կազմել 1 028 506, իսկ 2013թ.-ի երրորդ եռամսյակի համեմատ աճը կազմել է 68 938:

Ucom-ի բաժանորդների թիվն անցյալ տարվա երրորդ եռամսյակի դրությամբ կազմել է 63 026: 2014թ.-ի երկրորդ եռամսյակի համեմատ ընկերության բաժանորդների թիվն աճել է 2 177-ով, իսկ 2013թ.-ի նույն ժամանակահատվածի համեմատ աճը կազմել է 12 889:

Rostelecom-ի բաժանորդների թիվը 2014թ.-ի երրորդ եռամսյակի դրությամբ կազմել է 21 896: Սույն ցուցանիշն անցյալ տարվա երկրորդ եռամսյակի նույն ցուցանիշը գերազանցում է 4 481-ով, իսկ 2013թ.-ի նույն ժամանակահատվածի համեմատ ցուցանիշն աճել է 17 947-ով:

Interactive-ի բաժանորդների թիվն անցյալ տարվա երրորդ եռամսյակի դրությամբ կազմել է 3 535, ինչն 2014թ.-ի երկրորդ եռամսյակի ցուցանիշը գերազանցում է 233-ով, իսկ 2013թ.-ի երրորդ եռամսյակի ցուցանիշը՝ 1 239-ով:

2014թ.-ի առաջին եռամյսակի տվյալների համաձայն ADC-ն ունի 1299 բաժանորդ: 2013թ.-ի երրորդ եռամսյակում բաժանորդների թիվը կազմել է 1356:

Arminco-ի բաժանորդների թիվն անցյալ տարվա երրորդ եռամսյակում կազմել է 376, 2014թ.-ի երկրորդ եռամսյակի համեմատ ցուցանիշն աճել է 116-ով, իսկ 2013թ.-ի երրորդ եռամսյակի համեմատ աճը կազմել է 91 բաժանորդ:

Այլ պրովայդերների բաժանորդների թիվը մեր կողմից գնահատվում է Հայաստանում ինտերնետ բաժանորդների ընդհանուր թվի 2%-ի շրջակայքում՝ մոտ 9 900:

Այսպիսով, 2014թ.-ի երրորդ եռամսյակի դրությամբ Հայաստանում ինտերնետ բաժանորդների թիվը կազմում է մոտ 495 500, այս ցուցանիշը մոտ 10 000-ով ավել է քան անցյալ տարվա երկրորդ եռամսյակի ցուցանիշը և մոտ 54 000-ով ավել, քան 2013թ.-ի երրորդ եռամսյակինը:

Հեռահաղորդակցական ընկերությունների ունեցած մասնաբաժիններն ըստ ինտերնետ բաժանորդների քանակի հետևյալն է. 1. Beeline - 39.45% (-1.35 տոկ. կետ), 2. Orange - 23.46% (+0.93), 3. Vivacell-MTS - 16.89% (-0.63), 4. Ucom - 12.72% (+0.18), 5. Rostelecom - 4.42% (+0.82), 6. Interactive - 0.71% (+0.03), 7. ADC - 0.27%, 8. Arminco - 0.08% (+0.03), Այլ - 2%:

Բջջային ինտերնետ

Բջջային ինտերնետի բաժանորդների քանակը (բացառությամբ հեռախոսով օգտվողների) հետևյալն է՝ 1. Orange - 116 281 (+6 936, 2014թ. II եռ. համեմատ), 2. Vivacell-MTS - 83 691 (-1 333), 3. Beeline - 43 362 (+1 248): Վերոնշյալ տվյալները, ներկայացված ըստ մասնաբաժինների, ունեն հետևյալ տեսքը՝ 1. Orange - 47.79% (+1.55 տոկ. կետ,  2014թ. II եռ. համեմատ), 2. Vivacell-MTS - 34.39% (-1.56), 3. Beeline - 17.82% (+0.01):

Բջջային ինտերնետի (բացառությամբ հեռախոսով օգտվողների) բաժանորդների ընդհանուր քանակը 243 334 է,  անցյալ տարվա երկրորդ եռամսյակի համեմատ սույն ցուցանիշն աճել է 6 851-ով, իսկ 2013թ. երրորդ եռամսյակի համեմատ աճը կազմել է 26 249 բաժանորդ:

Բջջային հեռախոսով տվյալների փոխանակման ծառայություններից օգտվող բաժանորդների բաշխվածությունը հետևյալն է. 1. Vivacell-MTS - 1 028 506 (+ 23 002,  2014թ. II եռ. համեմատ), 2. Beeline - 314 592 (+13 231) , 3. Orange - 256 911 (+2 592): Վերոնշյալ տվյալները, ներկայացված ըստ մասնաբաժինների, ունեն հետևյալ տեսքը՝ 1. Vivacell-MTS - 64.27% (-0.12), 2. Beeline - 19.68% (+0.36), 3. Orange - 16.05% (-0.24):

Բջջային հեռախոսով տվյալների փոխանակման ծառայություններից օգտվող բաժանորդների քանակը 1 600 369 է,  անցյալ տարվա երկրորդ եռամսյակի համեմատ սույն ցուցանիշն աճել է 38 825-ով, իսկ 2013թ. տարվա երրորդ եռամսյակի համեմատ աճը կազմել է 129 899 բաժանորդ: 

Բաժանորդների ակտիվություն

«Բաժանորդների ակտիվության» ցուցանիշները ստանալու համար վերցվել են հեռահաղորդակցական ընկերությունների կողմից հրապարակվող «Մեկ բաժանորդին ընկնող միջին ամսական տրաֆիկ (MOaU, MbOU)» ցուցանիշները, բազմապատկվել բաժանորդների քանակի վրա և բաժանվել ըստ մասնաբաժինների: «Բաժանորդների ակտիվության» ցուցանիշներն ըստ էության այն ցուցանիշներն են, որոնք անցած մի քանի տարիների ընթացքում ներկայացվում էին «Բիզնես 24»-ի և «Circle.am»-ի կողմից հրապարակվող «Ինտերնետը Հայաստանում» զեկույցներում:

Այսպիսով, «Բաժանորդների ակտիվության» ցուցանիշների համաձայն պատկերը հետևյալն է 1. Beeline - 36.52% (-1.85 տոկ. կետ, 2014թ. II եռ. համեմատ), 2. Ucom - 29.55% (-0.04), 3. Orange - 13.65% (+0.01), 4. Rostelecom - 11.40% (+2.18), 5. Vivacell-MTS - 5.88% (-0.39), 6. Interactive - 0.86 (+0.05), 7. ADC - 0.06%, 8. Arminco - 0.08% (+0.03), 9. Այլ - 2%: 

Մասնաբաժին շուկայում՝ ըստ հասույթի

Հեռահաղորդակցական ընկերությունների բաժանորդներից ստացված հասույթի մասնաբաժինները ստանալու համար վերցվել են հրապարակված «Ծառայությունների վաճառքից մեկ ակտիվ բաժանորդին ընկնող միջին ամսական հասույթ (ARPU)» ցուցանիշները, բազմապատկվել բաժանորդների քանակի վրա և բաժանվել ըստ մասնաբաժինների:

Այսպիսով, «Բաժանորդներից ստացված հասույթի» ցուցանիշների համաձայն պատկերը հետևյալն է 1. Beeline - 33.77% (-0.55 տոկ. կետ, 2014թ. II եռ. համեմատ), 2. Ucom - 23.38% (+0.68), 3. Orange - 21.92% (+0.46), 4. Vivacell-MTS - 11.11% (-0.19), 5. Rostelecom - 5.96% (+1.11), 6. ADC - 2.06%, 7. Arminco - 1.02% (+0.07), 8. Interactive - 0.77 (+0.09), 9. Այլ - 2%:

Կարճ հասցե: geek.am/u/4923.html
Հայաստան Telecom Հայաստան Internet Beeline Ինտերնետ բաժանորդներ Ինտերնետ Beeline Orange Vivacell-MTS Ucom Telecom Internet

Latest News

1 2 3 4 5 >
Ամբողջը` 2593 : Ցուցադրված է` 1 - 15 :

Tech

image

Ucom-ի աջակցությամբ ներդրվող Արմաթ ինժեներական լաբորատորիաները կգործեն նաև Հնդկաստանում

Ucom-ի աջակցությամբ ներդրվող հայկական «Արմաթ» ինժեներական լաբորատորիաների փորձնական ծրագիրը կներդրվի նաև Հնդկաստանի դպրոցներում։ Այս առիթով փետրվարի 19-ին Հնդկաստանի Հայդերաբադ քաղաքում պաշտոնապես մեկնարկած ՏՏ համաշխարհային համաժողովի ...

Code

image

Apple-ը հրապարակել է 2017թ. ամենաշատ ներբեռնված հավելվածների ցուցակը

Apple կորպորացիան հրապարակել է App Store և iTunes հարթակներից 2017թ.-ի ամենաշատ ներբեռնումներ ունցող հավելվածների ցուցակը։ 2016թ.-ի համեմատ տեղի է ունեցել առաջատարի փոփոխություն։ 2017թ.-ին առաջատարն է ...

Web

image

Ավելի արագ և հասանելի Facebook՝ Ռոստելեկոմի բաժանորդների համար

«Ռոստելեկոմ»-ը հայաստանյան օգտատերերի համար նորանոր տեխնոլոգիական լուծումներ է գործարկում՝ բարձրացնելով ամենահաճախ օգտագործվող ռեսուրսների հասանելիությունն ու ցանցի արագագործությունը։Ընկերությունը Ֆեյսբուք սոցիալական ցանցի հետ կնքված համաձայնագրի արդյունքում «Ռոստելեկոմ»-ի ...

Mobile

image

Samsung Galaxy S9 և S9+ սմարթֆոններն ամբողջովին գաղտնազերծվել են

Փետրվարի 25-ին Samsung-ը պատրաստվում է պաշտոնապես ներկայացնել Samsung Galaxy S9 և S9+ սմարթֆոնները, սակայն արդեն այժմ համացանցում են հայտնվել նոր սմարթֆոնների լուսանկարները։ Տվյալների արտահոսքը ամենայն ...

Business

image

Հայկ Կարապետյան. «Պետք է մրցակցությունը շարունակենք ծառայությունների բարելավման ճանապարհով»

Պարզելու համար, թե Beeline-ն ինչպես է գնահատում Հայաստանի հեռահաղորդակցության ոլորտի ընդհանուր վիճակը և թե ընկերությունն ինչ ձեռքբերումներ է գրանցել 2017 թվականին, «ԲԻԶՆԵՍ 24»-ը զրուցել է ...

Various

image

Ucom. Փետրվարի 6-ին մեկնարկեց «Ապահով համացանց 2018» ծրագիրը

Փետրվարի 6-ին՝ Ապահով Համացանցի միջազգային օրը, մեկնարկում է «Ապահով համացանց 2018» վեցամսյա ծրագիրը, որի շրջանակներում մայրաքաղաքի և մարզերի  դպրոցներում կանցկացվեն բաց դասեր համացանցի և թվային ...

Bloggers

Վահագն Օհանջանյան
IT Job
Newsmaker Geek
Samvel Chakhalyan
Beeline Armenia
ITJobs am
Bang2Joom
Ինտերակտիվ
Ucom
Mobidram