Amazon առցանց խոշորագույն խանութի հետ մրցակցելու նպատակով Google-ը սկսել է «Գնել հիմա» կոճակի փորձարկումները: Ինչպես տեղեկացնում է The Wall Street Journal-ը, Google Shopping ծառայությունը նախկինում առցանց գնորդներին ուղարկում էր համապատասխան էջեր, սակայն այժմ կորպորացիան ռիթեյլերների հետ համատեղ քննարկում է կոճակի ստեղծման գաղափարը: Ըստ լրատվամիջոցի` Google-ը մտադիր չէ զբաղվել ապրանքների վաճառքով կամ առաքմամբ. ընկերության գլխավոր նպատակն է` անել ամեն ինչ, որպեսզի օգտատերերն ավելի երկար մնան իր էջում:

Google-ի մամլո քարտուղարն իր հերթին հայտարարել է, որ ընկերությունը պարբերաբար ուսումնասիրում է և փորձարկում տարբեր գաղափարներ` օգտատերերի հետ աշխատանքը բարելավելու նպատակով:

Ավելի վաղ հաղորդվել էր, որ «Գնել» կոճակը փորձարկում են նաև Twitter և Facebook սոցիալական ցանցերը: