374
21
2808
Հայկ Եսայան. Ucom-ը ԴիջիԹեքում կներկայացնի նոր պրոդուկտներ

Հայկ Եսայան. Ucom-ը ԴիջիԹեքում կներկայացնի նոր պրոդուկտներ

«Յուքոմ» ընկերությունը 2009 թվականից մասնակցում է ԴիջիԹեք միջազգային տեխնոլոգիական ցուցահանդեսին։ 2009-ին «Յուքոմը» ներկայացրեց իր նոր «Երեքը մեկում» ծառայությունը՝ IP հեռուստատեսություն, լայնաշերտ ինտերնետ և թվային հեռախոսակապ, որոնք նորություն էին հայաստանյան տեղեկատվական և հաղորդակցական շուկայում։ Տեսնելով հանրության շրջանում մեծ հետաքրքրությունը ՏՀՏ ոլորտի ցուցահանդեսի նկատմամբ՝ «Յուքոմը» ամեն տարի մասնակցում է ՏՏ ոլորտի այս մեծ իրադարձությանը։

Այս տարի «Յուքոմը» հոկտեմբերի 3-5-ը «ԵրևանԷքսպո» ցուցահանդեսային համալիրում անցկացվելիք ԴիջիԹեքի գլխավոր հովանավորն է։ Ինչպես նշում է «Յուքոմ» ընկերության տնօրեն Հայկ Եսայանը, այս տարի նույնպես իրենք էքսպոյում ներկայանալու են նոր պրոդուկտներով։ Մասնավորապես, ցուցադրվելու են այն լուծումները, որոնք մեծ հնարավորություն են տալիս սպառողին առցանց տիրույթում։ Մարդիկ, տանից դուրս չգալով, կարող են օգտվել համացանցային նոր հնարավորությունից՝ իրենց կյանքն ավելի հարմարավետ դարձնելով։ Հայկ Եսայանը նկատում է, որ տարեցտարի ԴիջիԹեքի այցելուների թիվն աճում է, ասել է թե՝ երկրում տեխնոլոգիաների նկատմամբ մարդկանց հետաքրքրություններն աստիճանաբար մեծանում են, ինչն ակնառու է նաև համացանց օգտագործողների թվից։

«Յուքոմի» տնօրենը նշում է, որ դառնալով ցուցահանդեսի գլխավոր հովանավոր՝ նաև փորձում են աջակցել ՏՏ ոլորտին, մասնավորապես ԴիջիԹեք միջազգային ցուցահանդեսին։ «Յուքոմը»՝ որպես հայկական ընկերություն, պարտավորված է զգում մասնակցել ու աջակցել նման նախաձեռնություններին՝ հայաստանյան ՏՏ ոլորտը զարգացնելու, մարդկանց ուղղորդելու համար։ Այսօր հայաստանյան շուկայում տեղեկատվական տեխնոլոգիաները բուռն տեմպերով են զարգանում, և կարող ենք երկրի համար եկամուտներ գեներացնել»,- ասում է Հայկ Եսայանը։

Խոսելով հայաստանյան ՏՀՏ շուկայի մասին՝ Հայկ Եսայանը նկատում է, որ այն ոչնչով չի զիջում եվրոպական և ասիական շուկաներին, խոսքը սպասարկման և ինտերնետ արագությունների մասին է։ Երևանն աշխարհում առաջին մայրաքաղաքն է, որն ամբողջությամբ համակցվել է օպտիկամանրաթելային ցանցով։ Այսօր Հայաստանում ամենուրեք 3G ծածկույթ կա, և այս ամենը խոսում է մեր երկրում տեղեկատվական տեխնոլոգիաների զարգացման մասին։ Ընդ որում, եթե այդ զարգացումներն արտասահմանում գրանցվել են 1993-2014թթ. ընթացքում, ապա Հայաստանում ՏՏ ոլորտի կտրուկ աճ տեղի է ունեցել շատ կարճ ժամանակահատվածում՝ վերջին 5 տարիներին։ Եվ այդ զարգացումներին նպաստում են Ինֆորմացիոն տեխնոլոգիաների ձեռնարկությունների միության կողմից պարբերաբար անցկացվող ԴիջիԹեքներն ու նման միջոցառումները։

Ինչ վերաբերում է մասնագետներին, ապա, ըստ Հայկ Եսայանի, մեր երկրում որակյալ մասնագետների խնդիր չկա։ «Յուքոմում» ուսանողները կամ նորավարտ երիտասարդները, առաջին քայլերն անելով, մասնագիտանում են, բարելավում իրենց հմտությունները։ Հայկ Եսայանը հավաստիացնում է, որ ամեն պայման ստեղծում են, որպեսզի երիտասարդ մասնագետները կապվեն իրենց գործին և չմտածեն արտասահման մեկնելու մասին։

Մեր զրուցակիցն ընդգծում է նաև, որ «Յուքոմը»՝ որպես հայկական ընկերություն, ամեն ինչ անում է իր աշխատանքներում հայկական լուծումներ գնելու և կիրառելու համար. «Մենք այն եզակի ընկերություններից ենք, որոնք տեղային աշխատանքներն առավելագույնս կատարում են հայաստանյան ուժերով։ Եթե անհրաժեշտ է 1-2 ամիս սպասել՝ հայկական ծրագրեր ձեռք բերելու և կիրառելու համար, ապա մենք սպասում ենք և ոչ թե նախընտրությունը տալիս ենք արտասահմանյան լուծումներին»։

Կարճ հասցե: geek.am/u/4339.html
Ucom Telecom Հայաստան Հեռահաղորդակցություն ԴիջիԹեք Էքսպո ԻՏՁՄ Տեղեկատվական Տեխնոլոգիաներ Հայկ Եսայան Հայաստան Telecom

Latest News

1 2 3 4 5 >
Ամբողջը` 2561 : Ցուցադրված է` 1 - 15 :

Tech

image

Beeline-ի վաճառքի և սպասարկման գրասենյակները կաշխատեն հանգստյան և տոն օրերին

Beeline-ի հաճախորդները դեկտեմբերին՝ նախատոնական շրջանում կկարողանան իրենց բոլոր հարցերով դիմել վաճառքի և սպասարկման գրասենյակներ նաև հանգստյան օրերին։ Մինչև Ամանոր Երևանի և Հայաստանի խոշոր քաղաքների գրասենյակների ...

Code

image

Apple-ը հրապարակել է 2017թ. ամենաշատ ներբեռնված հավելվածների ցուցակը

Apple կորպորացիան հրապարակել է App Store և iTunes հարթակներից 2017թ.-ի ամենաշատ ներբեռնումներ ունցող հավելվածների ցուցակը։ 2016թ.-ի համեմատ տեղի է ունեցել առաջատարի փոփոխություն։ 2017թ.-ին առաջատարն է ...

Web

image

Ավելի արագ և հասանելի Facebook՝ Ռոստելեկոմի բաժանորդների համար

«Ռոստելեկոմ»-ը հայաստանյան օգտատերերի համար նորանոր տեխնոլոգիական լուծումներ է գործարկում՝ բարձրացնելով ամենահաճախ օգտագործվող ռեսուրսների հասանելիությունն ու ցանցի արագագործությունը։Ընկերությունը Ֆեյսբուք սոցիալական ցանցի հետ կնքված համաձայնագրի արդյունքում «Ռոստելեկոմ»-ի ...

Mobile

image

ՎիվաՍել-ՄՏՍ. գնեք iPhone X և ստացեք նվեր գեղեցիկ համար

ՎիվաՍել-ՄՏՍ-ը տեղեկացնում է, որ դեկտեմբերի 1-ից ՎիվաՍել-ՄՏՍ-ի սպասարկման կենտրոններում* հնարավոր է գնել նոր iPhone X` 64 ԳԲ հիշողությամբ և ստանալ գեղեցիկ համար: iPhone-ի նոր դարաշրջանի այս ...

Business

image

iPhone X-ը՝ Ucom-ի ամենաարագ ցանցում Apple-ի պաշտոնական երաշխիքով

Դեկտեմբերի 1-ին Apple-ի պաշտոնական գործընկեր հանդիսացող Ucom ընկերության վաճառքի և սպասարկման կենտրոններում մեկնարկեց Apple ընկերության ամենասպասված և ամենաինտրիգային սարքավորման՝ iPhone X-ի վաճառքը։ Ինչպես բազմաթիվ երկրների, այնպես ...

Various

image

Ucom. գործարկվեց ինտերակտիվ մեթոդների և հեռավար ուսուցման stem.am առցանց հարթակը

Օրերս Ucom ընկերության, «ՍՏԵՄ ծրագրերի կենտրոն» և «Ինտերնետ հանրություն» կազմակերպությունների աջակցությամբ Վանաձորի Գևորգ Չաուշի անվան թիվ 24 միջնակարգ դպրոցում գործարկվեց ինտերակտիվ մեթոդների և հեռավար ուսուցման ...

Bloggers

Վահագն Օհանջանյան
IT Job
Newsmaker Geek
Samvel Chakhalyan
Beeline Armenia
ITJobs am
Bang2Joom
Ինտերակտիվ
Ucom
Mobidram