Facebook-ը հրապարակել է երկրորդ եռամսյակի հաշվետվությունը, որի համաձայն ընկեերության եկամտի 62%-ն ապահովում է բջջային գովազդը, և ամսական 1.32 միլիարդ օգտատերերից միայն 399 միլիոնն է սոցիալական ցանց մուտք գործում բջջային սարքերի միջոցով: Ընկերության գլխավոր տնօրեն Մարկ Ցուկերբերգը նաև նշել է, որ ամերիկացի օգտատերերից յուրաքանչյուրն օրական առնվազն 40 րոպե անց է կացնում Facebook-ում: Ամբողջ աշխարհում օգտատերերից յուրաքանչյուրը միջին հաշվարկով 2.24 ԱՄՆ դոլար եկամուտ է ապահովում, իսկ ամերիկացի օգտատերերը՝ 6.44:  

eMarketer ընկերության կատարած վերլուծության համաձայն մինչ այս տարվա վերջ Facebook-ին է բաժին ընկնելու ԱՄՆ թվային գովազդի շուկայի 9.5%-ը: Վերլուծական ընկերության համոզմամբ, եկամտի աճին կարող է զգալիորեն նպաստել նաև վիդեո գովազդը, սակայն դրա համար նախ անհրաժեշտ կլինի օգտատերերի հավանությունը: