«Իմ թշնամու թշնամին իմ ընկերն է». Կարծես այս կարգախոսով է առաջնորդվում Samsung ընկերությունը Apple-ի հետ պայքարում: Բոլորովին վերջերս էլեկտրոնիկայի արտադրությամբ զբաղվող կորեական ընկերությունը սեփական արտադրության պլանշետների և սմարթֆոնների տեղափոխման վերաբերյալ պայմանագիր կնքեց բոլորին հայտնի Swiss Federal Railways ընկերության հետ:

2012 թվականին Schweizerische Bundesbahnen (SBB)-ն Apple-ին մեղադրել էր ընկերության երկաթուղային կայարաններում տեղադրվաց ժամացույցների դիզայնի նմանակման մեջ:  Իսկապես, iOS 6 օպերացիոն համակարգի պլանշետային տարբերակում Ժամացույց հավելվածի դիզայնը ոչնչով չէր տարբերվում SBB ժամացույցների դիզայնից, որը նախագծվել է 20-րդ դարի կեսերին Հանս Հիլֆիկեռի կողմից:

Քանի որ Apple-ը դիզայնն օգտագործելու համար լիցենզիա ձեռք չեր բերել, SBB-ն որոշեց դիմել դատարան: Ավելի ճիշտ, հայցով դատարան դիմեց Mondaine ընկերությունը, որը Հիլֆիկերի դիզայնն օգտագործում էր ձեռքի ժամացույցների արտադրության մեջ և ուներ համապատասխան լիցենզիա: Դատական գործընթացից մեկ ամիս անց Apple-ը ստիպված էր լիցենզավորել ժամացույցի օգտագործումը՝ SBB ընկերությանը վճարելով 21 միլիոն ԱՄՆ դոլար: